ஆட்சேர்ப்பை தொடங்கிய அமீரகத்தின் முதல் கேமிங் ரிசார்ட் ‘Wynn Al Marjan’..!! ஏழு பதவிகளின் விபரங்கள் வெளியீடு..!!

ஐக்கிய அரபு அமீரகத்தின் ராஸ் அல் கைமாவில் மிகப்பிரம்மாண்டமாக கட்டப்பட்டு வரும் அமீரகத்தின் முதல் ஒருங்கிணைந்த கேமிங் ரிசார்ட்டான ‘வின் அல் மர்ஜன் தீவு (Wynn Al Marjan Island)’ 2027 ஆம் ஆண்டின் தொடக்கத்தில் அதன் பிரமாண்டமான திறப்புக்கு தயாராகி வருகிறது. இந்நிலையில் இங்கு புதிதாக ஆட்களை பணியமர்த்துவதற்கான செயல்முறையை வின் அல் மர்ஜன் நிர்வாகம் இப்போதே தொடங்கியுள்ளது.

ராஸ் அல் கைமாவில் உள்ள அல் மர்ஜன் தீவில் கட்டப்பட்டு வரும் 3.9 பில்லியன் டாலர் திட்டம், பிராந்தியத்தின் விருந்தோம்பல் துறையில் ஒரு முக்கிய அடையாளமாக மாற உள்ளது. இதில் 1,542 அறைகள் மற்றும் சூட்கள், சொகுசு வில்லாக்கள், 20க்கும் மேற்பட்ட உணவகங்கள், ஒரு பெரிய ஷாப்பிங் வளாகம், பொழுதுபோக்கு வசதிகள் மற்றும் 225,000 சதுர அடி கேமிங் பகுதி ஆகியவை அடங்கும்.

இந்த ஆடம்பர இடத்திற்கான தொழில் பக்கம் (career page) இந்த வாரம் நேரலையில் வெளியிடப்பட்டது. இதுவரை ஏழு காலிப்பணியிடங்களை வின் அல் மர்ஜன் பட்டியலிட்டுள்ளது. இந்த ஹோட்டலின் கட்டுமானப் பணிகள் நிறைவடையும் நிலையில் மேலும் காலிப்பணியிடங்கள் அறிவிக்கப்படும் என்று எதிர்பார்க்கப்படுகிறது.

வேலை வாய்ப்புகள்

வின் ரிசார்ட்ஸ் வேலை தேடுபவர்களை விண்ணப்பிக்க ஊக்குவித்து, “நாங்கள் அசாதாரணமான ஒன்றை உருவாக்குகிறோம் – மேலும் அதன் ஒரு பகுதியாக இருக்க விதிவிலக்கான நபர்களைத் தேடுகிறோம்” என்று கூறியுள்ளது. அதன்படி ரிசார்ட்டின் அதிகாரப்பூர்வ தொழில் பக்கத்தில் கீழ்கண்ட பதவிகள் வெளியிடப்பட்டுள்ளது. அவை,

– தொழில்நுட்ப செயல்பாடுகளின் நிர்வாக இயக்குநர் (executive director of technical operation)
– கொள்முதல் ஆய்வாளர் (procurement analyst)
– ஐடி பயன்பாட்டு ஆதரவு ஆய்வாளர் (IT application support analyst)
– இழப்பீடு மற்றும் சலுகைகள் மேலாளர் (compensation and benefits manager)
– ஒப்பந்த சேவைகள் நிர்வாகி (contract services administrator)
– ஒப்பந்த சேவைகள் மேலாளர் (contract services manager)
– திறமை கையகப்படுத்தல் ஆட்சேர்ப்பு செய்பவர் (talent acquisition recruiter)

2024 ஆம் ஆண்டில் வின் ரிசார்ட்ஸ் ஐக்கிய அரபு அமீரகத்தின் முதல் வணிக கேமிங் ஆபரேட்டர் உரிமத்தைப் பெற்றதைத் தொடர்ந்து, மத்திய கிழக்கு மற்றும் வட ஆப்பிரிக்கா (மெனா) பிராந்தியத்தில் முதல் ஒருங்கிணைந்த கேமிங் ரிசார்ட்டாக வின் அல் மர்ஜன் தீவு இருக்கும். அதன் செயல்பாடுகளின் அளவு மற்றும் கேமிங் பகுதியின் கூடுதல் சிக்கலான தன்மை காரணமாக, ரிசார்ட்டுக்கு குறிப்பிடத்தக்க பணியாளர்கள் தேவைப்படும் என்று நிபுணர்கள் மதிப்பிடுகின்றனர். அதாவது சுமார் 2,000 ஊழியர்களைத் தாண்டக்கூடும் என்று யூகித்துள்ளனர்.

ராஸ் அல் கைமாவின் சுற்றுலா தொலைநோக்கு

வின் அல் மர்ஜான் திறப்பு ராஸ் அல் கைமாவின் சுற்றுலா மற்றும் ரியல் எஸ்டேட் சந்தைகளை அதிகரிக்கும் என்று எதிர்பார்க்கப்படுகிறது. 2030 ஆம் ஆண்டுக்குள் ஆண்டுதோறும் 3.5 மில்லியன் சுற்றுலாப் பயணிகளை ஈர்க்க ராஸ் அல் கைமா இலக்கை நிர்ணயித்துள்ளது. தற்போது இது 8,000 ஹோட்டல் அறைகளைக் கொண்டுள்ளது மற்றும் வளர்ந்து வரும் தேவையை பூர்த்தி செய்ய அதை குறைந்தது 16,000 ஆக விரிவுபடுத்த திட்டமிட்டுள்ளது குறிப்பிடத்தக்கது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel