ஈத் விடுமுறையில் பயணிப்பவர்களின் கவனத்திற்கு: துபாயின் நகரங்களுக்கு இடையேயான பேருந்து வழித்தடத்தை தற்காலிகமாக நிறுத்தி வைத்த RTA!!

துபாயில் உள்ள அல் குபைபா பஸ் நிலையத்திற்கும் அபுதாபிக்கும் இடையில் இயங்கும் E100 வழித்தடத்தில் நகரங்களுக்கு இடையேயான பேருந்து சேவையை தற்காலிகமாக நிறுத்தி வைப்பதாக சாலைகள் மற்றும் போக்குவரத்து ஆணையம் (RTA) அறிவித்துள்ளது. ஈத் அல் அதா விடுமுறை நாட்களில் பொது போக்குவரத்து சேவைகளில் ஏற்படும் மாற்றங்களின் ஒரு பகுதியாக இந்த இடைநிறுத்தம் வந்துள்ளது.

இது தொடர்பாக சமூக ஊடகங்களில் வெளியிடப்பட்ட பொது ஆலோசனையில்,  “E100 வழித்தடத்தில் நகரங்களுக்கு இடையேயான பேருந்து சேவைகள் தற்காலிகமாக நிறுத்தி வைக்கப்பட்டுள்ளதாக #RTA உங்களுக்குத் தெரிவிக்கிறது. இதனால் உங்கள் பயணங்களை முன்கூட்டியே திட்டமிட்டு, சுமூகமான பயணத்தை உறுதிசெய்ய மாற்று வழிகளைச் சரிபார்க்கவும்” என்று RTA தெரிவித்துள்ளது.

எனவே, துபாயில் உள்ள இபின் பட்டுடா பஸ் நிலையத்திற்கும் அபுதாபிக்கும் இடையில் இயங்கும் பாதை 101 ஐப் பயன்படுத்த RTA பரிந்துரைத்துள்ளது. இந்த பாதை விடுமுறை காலம் முழுவதும் செயலில் இருக்கும் மற்றும் நகரங்களுக்கு இடையே பயணிப்பவர்களுக்கு முதன்மை மாற்றாக செயல்படுகிறது.

கூடுதலாக, E102 வழித்தடம் அல் முசாஃபா மற்றும் இபின்னு பட்டுடா பேருந்து நிலையங்களில் அதன் வழக்கமான நிறுத்தங்களைத் தவிர்த்து, துபாயில் உள்ள அல் ஜாஃபிலியா பஸ் நிலையம் மற்றும் அபுதாபியில் உள்ள சையத் சர்வதேச விமான நிலையத்தின் பார்க்கிங் இடத்திற்கு இடையே பிரத்தியேகமாக இயங்கும். இந்த மாற்றங்கள் அதிக தேவை உள்ள ஈத் காலத்தில் சேவையை ஒழுங்குபடுத்துவதையும் போக்குவரத்து ஓட்டத்தை நிர்வகிப்பதையும் நோக்கமாகக் கொண்டுள்ளது.

எனவே, பயணிகள் தங்கள் பயணங்களை முன்கூட்டியே திட்டமிடவும், தடையற்ற பயணத்தை உறுதிசெய்ய மாற்று வழிகளைக் கருத்தில் கொள்ளவும் ஊக்குவிக்கப்படுகிறார்கள். மேலும், நிகழ்நேர அட்டவணைகள் மற்றும் சேவை புதுப்பிப்புகளுக்கு, ‘Shail’ செயலியைப் பதிவிறக்கம் செய்யுமாறு RTA பரிந்துரைக்கிறது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel