அமீரகத்தில் வரும் ஏப்ரல் 20, திங்கட்கிழமை முதல் அனைத்து அரசு மற்றும் தனியார் பள்ளிகளிலும் பள்ளிப் பேருந்து சேவைகள் மீண்டும் தொடங்கும் என ஐக்கிய அரபு அமீரகம் அறிவித்துள்ளது. தேசிய அவசரகால மற்றும் நெருக்கடி மேலாண்மை ஆணையம், கல்வி அமைச்சகம் மற்றும் உள்ளூர் கல்வி அதிகாரிகளுடன் இணைந்து மேற்கொண்டு வரும் தொடர் மதிப்பீடுகளைத் தொடர்ந்து இந்த முடிவு எடுக்கப்பட்டுள்ளது.
மாணவர்களின் பாதுகாப்பு மற்றும் சேவைத் திறனைப் பேணும் அதே வேளையில், கல்விச் செயல்முறை சீராகத் தொடர்வதை உறுதி செய்யும் நோக்கில், தற்போதைய காலகட்டத்தில் நாடு பின்பற்றும் தொடர் மதிப்பீட்டு அணுகுமுறையை இந்த நடவடிக்கை பிரதிபலிக்கிறது என்று அதிகாரிகள் தெரிவித்துள்ளனர்.
மேலும் நிலைமை தொடர்ந்து உன்னிப்பாகக் கண்காணிக்கப்படும் என்றும், ஏதேனும் முன்னேற்றங்கள் தேவைப்பட்டால் கூடுதல் நடவடிக்கைகள் அறிமுகப்படுத்தப்படும் என்றும் அதிகாரிகள் உறுதிப்படுத்த்தியுள்ளனர்.
அத்துடன் கூடுதல் தகவல்களுக்கு சரிபார்க்கப்பட்ட அரசாங்க ஆதாரங்களை நம்புவதன் முக்கியத்துவத்தை வலியுறுத்தி, பொதுமக்கள் விழிப்புடன் இருக்குமாறும் அதிகாரப்பூர்வ வழிகாட்டுதல்களைப் பின்பற்றுமாறும் அதிகாரிகள் கேட்டுக்கொண்டுள்ளனர்.
