ஐக்கிய அரபு அமீரகத்தில் இஸ்லாமியப் புத்தாண்டைக் (ஹிஜ்ரி புத்தாண்டு) குறிக்கும் வகையில், பொது மற்றும் தனியார் ஆகிய இரு துறைகளிலும் பணிபுரியும் ஊழியர்களுக்கு, வருகின்ற ஜூன் 15, திங்கட்கிழமையை பொது விடுமுறையாக அறிவிக்கப்பட்டுள்ளது.
இது குறித்து மத்திய அரசு மனிதவள ஆணையம் (FAHR) புதன்கிழமையன்று வெளியிட்ட அறிக்கையில், இஸ்லாமிய ஆண்டான 1448 AH-இன் தொடக்கத்தைக் கொண்டாடும் வகையில், கூட்டாட்சி அரசாங்க ஊழியர்களுக்கு ஒரு நாள் விடுப்பு வழங்கப்படும் என்பதை அந்த ஆணையம் உறுதிப்படுத்தியது.
சனிக்கிழமை மற்றும் ஞாயிற்றுக்கிழமைகளில் வரும் வழக்கமான வார இறுதி விடுமுறையைத் தொடர்ந்து இந்த விடுமுறை வருவதால், ஐக்கிய அரபு அமீரகம் முழுவதும் உள்ள தொழிலாளர்கள் மூன்று நாள் வார இறுதி விடுமுறையை அனுபவிக்க உள்ளனர். பின்னர், வழக்கமான பணிகள் ஜூன் 16, செவ்வாய்க்கிழமையன்று மீண்டும் தொடங்கும் என்றும் தெரிவிக்கப்பட்டுள்ளது.
ஹிஜ்ரி புத்தாண்டு என்றும் அழைக்கப்படும் இஸ்லாமியப் புத்தாண்டு, இஸ்லாமிய சந்திர நாட்காட்டியின் தொடக்கத்தைக் குறிக்கிறது. இஸ்லாமிய வரலாற்றின் ஒரு முக்கிய நிகழ்வான ஹிஜ்ரத் என்பது இறைத்தூதர் முஹம்மது (ஸல்) அவர்கள் மக்காவிலிருந்து மதீனாவிற்கு மேற்கொண்ட குடியேற்றப் பயணத்தை நினைவுகூருகிறது.
இந்த அறிவிப்பின் மூலம், நாடு முழுவதும் உள்ள லட்சக்கணக்கான ஊழியர்கள், இஸ்லாமிய நாட்காட்டியின் மிக முக்கியமான நாட்களில் ஒன்றை அனுசரிக்கும் அதே வேளையில், ஒரு நீண்ட வார இறுதி விடுமுறையை அனுபவித்து மகிழலாம்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
