துபாயில் உள்ள சாலைகள் மற்றும் போக்குவரத்து ஆணையம் (RTA), ஈத் அல் அதா 1447 AH விடுமுறை காலத்தில், எமிரேட் முழுவதும் செயல்படும் பொது பார்க்கிங், மெட்ரோ, டிராம், பேருந்துகள், கடல்வழிப் போக்குவரத்து, வாடிக்கையாளர் சேவை மையங்கள் மற்றும் வாகனப் பரிசோதனைச் சேவைகள் ஆகியவற்றிற்கான புதுப்பிக்கப்பட்ட கால அட்டவணைகளை அறிவித்துள்ளது.
இலவச பொது பார்க்கிங் இடங்கள்
துபாயில் உள்ள அனைத்து பொது பார்க்கிங் இடங்களும், வருகின்ற மே 25, திங்கள் முதல் மே 29, வெள்ளி வரை இலவசமாகச் செயல்படும். எனினும், மல்டி லெவல் பார்க்கிங் இடங்கள் வழக்கமான கட்டணங்களுடனேயே தொடர்ந்து செயல்படும் என்று அறிவிக்கப்பட்டுள்ளது. மே 24 ஞாயிற்றுக்கிழமையும் சேர்த்தால் மொத்தம் 6 நாட்கள் இலவச பார்க்கிங் கிடைக்கும்.
துபாய் மெட்ரோ சேவை நேரங்கள்
RTA வெளியிட்டுள்ள அறிவிப்பின் படி, துபாய் மெட்ரோவின் சிவப்பு மற்றும் பச்சை வழித்தடங்கள் பின்வரும் கால அட்டவணையின்படி இயங்கும்:
- சனிக்கிழமை: அதிகாலை 5:00 மணி முதல் நள்ளிரவு 1:00 மணி வரை
- ஞாயிற்றுக்கிழமை: காலை 8:00 மணி முதல் நள்ளிரவு 1:00 மணி வரை
- திங்கள் முதல் சனிக்கிழமை வரை: அதிகாலை 5:00 மணி முதல் நள்ளிரவு 1:00 மணி வரை
துபாய் டிராம் சேவை நேரங்கள்
அதேபோல், துபாய் டிராம் சேவைகளும் நீட்டிக்கப்பட்ட நேரங்களுடன் இயங்கும்:
- சனிக்கிழமை: காலை 6:00 மணி முதல் நள்ளிரவு 1:00 மணி வரை
- ஞாயிற்றுக்கிழமை: காலை 9:00 மணி முதல் நள்ளிரவு 1:00 மணி வரை
- திங்கள் முதல் சனிக்கிழமை வரை: காலை 6:00 மணி முதல் நள்ளிரவு 1:00 மணி வரை
துபாய் பேருந்து சேவைகள்
ஈத் விடுமுறை நாட்களில் பேருந்து சேவை நேரங்கள் குறித்த புதுப்பிக்கப்பட்ட தகவல்களை அறிய, பயணிகள் ‘S’hail’ செயலியைப் (App) பார்வையிடுமாறு அறிவுறுத்தப்படுகிறார்கள்.
RTA மேலும் பின்வருவனவற்றை அறிவித்துள்ளது:
- அல் குபைபா பேருந்து நிலையத்திலிருந்து இயங்கும் E100 வழித்தடப் பேருந்து சேவை, மே 23 முதல் மே 31 வரை நிறுத்திவைக்கப்படும்.
- அபுதாபி நோக்கிப் பயணிப்பவர்கள், அதற்கு மாற்றாக இபின் பத்தூதா பேருந்து நிலையத்திலிருந்து இயங்கும் E101 வழித்தடப் பேருந்து சேவையைப் பயன்படுத்திக்கொள்ள வேண்டும்.
கடல்வழிப் போக்குவரத்து
இதற்கிடையில், கடல்வழிப் போக்குவரத்துச் சேவைகளைப் பயன்படுத்தும் பயணிகள், விடுமுறை காலத்திற்கான புதுப்பிக்கப்பட்ட கால அட்டவணைகளை அறிய, RTA வழங்கியுள்ள அதிகாரப்பூர்வ QR குறியீட்டை ஸ்கேன் செய்யுமாறு அறிவுறுத்தப்படுகிறார்கள்.
வாடிக்கையாளர் சேவை மையங்கள்
RTA-வின் அனைத்து வாடிக்கையாளர் சேவை மையங்களும், ஈத் விடுமுறை காலத்தில் மூடப்பட்டிருக்கும் என்று அறிவிக்கப்பட்டுள்ளது. எனினும், பின்வரும் ஸ்மார்ட் சேவை மையங்களும் கியோஸ்க்குகளும் தொடர்ந்து 24 மணி நேரமும் இயங்கும்:
- உம் ரமூல் மையம்
- தேரா
- அல் பர்ஷா
- அல் தவார்
- அல் கிஃபாஃப்
- RTA தலைமையகம்
வாகனச் சோதனை மையங்கள்
வாகனச் சோதனை சேவை மையங்களைப் பொறுத்தவரை, பண்டிகை விடுமுறையை முன்னிட்டு மே 26 முதல் மே 29 வரை மூடப்பட்டிருக்கும் என்று ஆணையம் அறிவித்துள்ளது. பின்னர் அங்கீகரிக்கப்பட்ட கால அட்டவணைகளின்படி, மே 30 அன்று இயல்பான பணிகள் மீண்டும் தொடங்கும் என்பதையும் உறுதிப்படுத்தியுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
