கோடை விடுமுறைக்குப் பிறகு ஐக்கிய அரபு அமீரகம் முழுவதும் பள்ளிகள் மீண்டும் திறக்கப்படவுள்ள நிலையில், குடும்பத்தின் நிதிச் சுமையை அதிகரிக்காமல் சிறந்த கல்வித் தரத்தை வழங்கும் பள்ளிகளைப் பெற்றோர்கள் மீண்டும் தேடத் தொடங்கியுள்ளனர். சிறந்த தரவரிசை கொண்ட பள்ளிகள் பெற்றோர்களின் விருப்பப் பட்டியலில் முன்னணியில் இருந்தாலும், அவற்றின் அதிகப்படியான கல்விக் கட்டணம் பெரும்பாலும் சரியான பள்ளியைத் தேர்ந்தெடுப்பதில் சவாலை ஏற்படுத்துகிறது.
ஆனால் ஷார்ஜாவில் வசிக்கும் குடும்பங்களைப் பொறுத்தவரை, ஒரு சிறந்த பள்ளிக்காக எப்போதும் அதிக கட்டணம் செலுத்த வேண்டிய அவசியமில்லை. ஏனெனில், ஷார்ஜா தனியார் கல்வி ஆணையத்தால் (SPEA) “மிகவும் நல்லது” (Very Good) அல்லது “நல்லது” (Good) எனத் தரவரிசைப்படுத்தப்பட்ட பல பள்ளிகள், 35,000 திர்ஹம்களுக்கும் குறைவான வருடாந்திர கல்விக் கட்டணத்தையே வசூலிக்கின்றன. இது புதிய கல்வி ஆண்டிற்கான திட்டமிடலில் பெற்றோர்களுக்குக் கூடுதல் மற்றும் கட்டுப்படியாகக்கூடிய வாய்ப்புகளை வழங்குகிறது.
இந்தத் தரமதிப்பீடுகள் SPEA-வின் 2024–25 ‘இட்கான்’ (Itqan) ஆய்வுகளின் அடிப்படையில் வழங்கப்பட்டுள்ளன. இவ்வாய்வுகள் 10 வெவ்வேறு பாடத்திட்டங்களின் கீழ் இயங்கும் 86 பள்ளிகளை மதிப்பீடு செய்தன.
ஐந்து பள்ளிகள் “மிகவும் நல்லது” என்ற தரமதிப்பீட்டைப் பெற்றன. அதேவேளையில் 53 பள்ளிகள் “நல்லது” என்றும், 28 பள்ளிகள் “ஏற்றுக்கொள்ளத்தக்கது” (Acceptable) என்றும் மதிப்பிடப்பட்டன. எந்தப் பள்ளியும் “பலவீனமானது” (Weak) அல்லது “மிகவும் பலவீனமானது” (Very Weak) என்ற தரமதிப்பீட்டைப் பெறவில்லை என்று அறிக்கைகள் கூறுகின்றன.
சமீபத்திய ஆண்டுகளில் பள்ளிகளின் செயல்பாடும் கணிசமாக மேம்பட்டுள்ளது. 2018-இல், ஒரே ஒரு பள்ளி மட்டுமே “மிகவும் நல்லது” என்றும், ஏழு பள்ளிகள் “நல்லது” என்றும் மதிப்பிடப்பட்டிருந்தன.
ஷார்ஜாவில் உள்ள, மலிவு விலையில் சிறந்த கல்வியை வழங்கும் சில பள்ளிகள் இங்கே பட்டியலிடப்பட்டுள்ளன.
1. GEMS மில்லினியம் தனியார் பள்ளி (GEMS Millennium Private School)
- பாடத்திட்டம்: இந்தியப் பாடத்திட்டம்
- தரமதிப்பீடு: சிறப்பானது (Outstanding)
- வகுப்புகள்: Pre-KG முதல் 12-ஆம் வகுப்பு வரை
- ஆண்டு கல்விக் கட்டணம்: 17,835 – 25,675 திர்ஹம்
- அமைவிடம்: முவைலே (Muwailih)
2. அல் அன்சார் சர்வதேச தனியார் பள்ளி (Al Ansar International Private School)
- பாடத்திட்டம்: பிரிட்டிஷ் பாடத்திட்டம்
- தரமதிப்பீடு: மிகவும் நல்லது
- வகுப்புகள்: FS1 முதல் 12-ஆம் ஆண்டு (Year 12) வரை
- ஆண்டு கல்விக் கட்டணம்: 22,440 – 30,340 திர்ஹம்
- அமைவிடம்: அல் காரைன் 2 (Al Qarain 2)
3. அல் மரிஃபா சர்வதேச தனியார் பள்ளி (Al Marifa International Private School)
- பாடத்திட்டம்: அமெரிக்கப் பாடத்திட்டம்
- தரமதிப்பீடு: மிகவும் நல்லது
- வகுப்புகள்: Pre-KG முதல் 12-ஆம் வகுப்பு வரை
- ஆண்டு கல்விக் கட்டணம்: 14,360 – 27,470 திர்ஹம்
- இடம்: அல் யார்முக் (Al Yarmouk)
இப்பள்ளி 10 முதல் 12-ஆம் வகுப்புகளுக்குப் பிரிட்டிஷ் பாடத்திட்டத்தையும் வழங்குகிறது. இதற்கான கட்டணம் 22,595 முதல் 26,060 திர்ஹம் வரை உள்ளது.
4. அல் ருஷ்ட் அமெரிக்கன் தனியார் பள்ளி (Al Rushed American Private School)
- பாடத்திட்டம்: அமெரிக்கன்
- தர மதிப்பீடு: மிக நன்று
- வகுப்புகள்: KG1 முதல் 12-ஆம் வகுப்பு வரை
- ஆண்டு கல்விக் கட்டணம்: 12,765 திர்ஹம்– 28,780 திர்ஹம்
- இடம்: முவைலே (Muwailih)
5. அம்பாசிடர் பள்ளி (Ambassador School)
- பாடத்திட்டம்: இந்தியன்
- தர மதிப்பீடு: மிக நன்று
- வகுப்புகள்: Pre-KG முதல் 12-ஆம் வகுப்பு வரை
- ஆண்டு கல்விக் கட்டணம்: 8,819–25,700 திர்ஹம்
- இடம்: முவைலே (Muwailih)
6. அமிட்டி தனியார் பள்ளி (Amity Private School)
- பாடத்திட்டம்: இந்தியன்
- தர மதிப்பீடு: மிக நன்று
- வகுப்புகள்: Pre-KG முதல் 12-ஆம் வகுப்பு வரை
- ஆண்டு கல்விக் கட்டணம்: 14,760–25,420 திர்ஹம்
- இடம்: முவைலே (Muwailih)
7. டெல்லி தனியார் பள்ளி (Delhi Private School)
- பாடத்திட்டம்: இந்தியன்
- தர மதிப்பீடு: மிக நன்று
- வகுப்புகள்: Pre-KG முதல் 12-ஆம் வகுப்பு வரை
- ஆண்டு கல்விக் கட்டணம்: 12,540–16,900 திர்ஹம்
- இடம்: முவைலே (Muwailih)
8. அவர் ஓன் இங்கிலீஷ் ஹை ஸ்கூல் – B1 (Our Own English High School – B1)
- பாடத்திட்டம்: இந்தியன்
- தர மதிப்பீடு: மிக நன்று
- வகுப்புகள்: KG1 முதல் 12-ஆம் வகுப்பு வரை
- ஆண்டு கல்விக் கட்டணம்: 8,440–16,240 திர்ஹம்
- இடம்: ஜுவைசா (Juwaiza)
9. அவர் ஓன் இங்கிலீஷ் ஹை ஸ்கூல் (Our Own English High School)
- பாடத்திட்டம்: இந்தியன்
- தர மதிப்பீடு: மிக நன்று
- வகுப்புகள்: KG1 முதல் 12-ஆம் வகுப்பு வரை
- ஆண்டு கல்விக் கட்டணம்: 8,350–16,115 திர்ஹம்
- இடம்: இண்டஸ்ட்ரியல் ஏரியா 6 (Industrial Area 6)
10. ரோசரி பள்ளி (Rosary School)
- பாடத்திட்டம்: பிரிட்டிஷ்
- தர மதிப்பீடு: மிக நன்று
- வகுப்புகள்: FS1 முதல் 7-ஆம் ஆண்டு வரை
- ஆண்டு கல்விக் கட்டணம்: 11,295–13,465 திர்ஹம்
- இடம்: அல் அபர் (Al Abar)
குறைந்த கட்டணத்தில் சிறந்த தரவரிசை கொண்ட பள்ளிகள்
கல்விக் கட்டணத்தை முக்கியமாக ஒப்பிட்டுப் பார்க்கும் பெற்றோர்களுக்கு, இந்தப் பட்டியலில் உள்ள பல பள்ளிகளில், ஆண்டுக்கு 10,000 திர்ஹம்ஸ்க்கும் குறைவான ஆரம்பக்கட்டக் கட்டணமே வசூலிக்கப்படுகிறது.
அந்த வகையில், ‘Our Own English High School’ மிகக் குறைந்த ஆரம்பக்கட்டக் கட்டணமாக 8,350 திர்ஹம்சைக் கொண்டுள்ளது. அதைத் தொடர்ந்து ‘Our Own English High School – B1 (8,440 திர்ஹம்)’ மற்றும் Ambassador School (8,819 திர்ஹம்) ஆகியவை உள்ளன.
அதிகபட்சக் கட்டணத்தைப் பொறுத்தவரை, இந்தப் பட்டியலில் உள்ள 10 பள்ளிகளில் ‘Al Ansar International Private School’ அதிகபட்ச ஆரம்பக்கட்டக் கட்டணமாக 22,440 திர்ஹம்சைக் கொண்டுள்ளது. அதேவேளையில், அதன் அதிகபட்ச ஆண்டுப் பாடக் கட்டணம் (tuition fee) 30,340 திர்ஹம் ஆகும்.
பெற்றோர்கள் கருத்தில் கொள்ள வேண்டியவை
பாடக் கட்டணம் மற்றும் பள்ளியின் தரவரிசை ஆகியவை முக்கியமானவை என்றாலும், பெற்றோர்கள் பள்ளிக்கான ஒட்டுமொத்தச் செலவு மற்றும் அப்பள்ளி தங்களுக்குப் பொருத்தமானதா என்பதையும் கவனத்தில் கொள்ள வேண்டும்.
முடிவெடுப்பதற்கு முன், பெற்றோர்கள் பின்வருவனவற்றைச் சரிபார்க்க வேண்டும்:
- கூடுதல் செலவுகள்: போக்குவரத்து, சீருடை, பாடப்புத்தகங்கள், உணவு மற்றும் பாடத்திட்டம் சாராத செயல்பாடுகள் (extracurricular activities).
- வகுப்பு வாரியான கட்டணம்: குழந்தையின் வகுப்பைப் பொறுத்து பாடக் கட்டணத்தில் கணிசமான வேறுபாடுகள் இருக்கலாம்.
- பாடத்திட்டம்: இந்திய, பிரிட்டிஷ் அல்லது அமெரிக்கப் பாடத்திட்டங்களில் எது குழந்தையின் எதிர்காலக் கல்வித் திட்டங்களுக்குப் பொருத்தமாக இருக்கும் என்பதைக் கருத்தில் கொள்ளவும்.
- இருப்பிடம்: தினசரி பயண நேரம் மற்றும் போக்குவரத்துச் செலவுகளைக் கணக்கில் கொள்ளவும்.
- சேர்க்கை: இடவசதி, சேர்க்கைக்கான தகுதிகள் மற்றும் விண்ணப்பிப்பதற்கான காலக்கெடு ஆகியவற்றைச் சரிபார்க்கவும்.
- வசதிகள்: விளையாட்டு வசதிகள், பாடத்திட்டம் சாராத செயல்பாடுகள், கற்றல் வளங்கள் மற்றும் மாணவர் ஆதரவு சேவைகள் ஆகியவற்றை ஒப்பிட்டுப் பார்க்கவும்.
ஒவ்வொரு பள்ளியிலும், கட்டணம், இடவசதி மற்றும் சேர்க்கை நடைமுறைகள் மாறக்கூடும் என்பதால், அங்கீகரிக்கப்பட்ட தற்போதைய பாடக் கட்டணம் மற்றும் சேர்க்கைக்கான நிபந்தனைகள் குறித்துப் பெற்றோர்கள் பள்ளியை நேரடியாகத் தொடர்புகொண்டு உறுதிப்படுத்திக்கொள்ள வேண்டும்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
