ஷார்ஜாவில் திருட்டு நடந்ததாகத் தகவல் கிடைத்த இரண்டு மணி நேரத்திற்குள், ஷார்ஜா காவல்துறை திருடப்பட்ட காரை மீட்டு, சந்தேக நபர் ஒருவரைக் கைது செய்து, வாகனத்தை அதன் உரிமையாளரிடம் ஒப்படைத்த சம்பவம் பலரது கவனத்தையும் ஈர்த்துள்ளது.
செப்டம்பர் 24 அன்று மாலை கார் திருடப்பட்டதாக அதன் உரிமையாளரிடமிருந்து புகார் கிடைத்ததைத் தொடர்ந்து, சிறப்புப் காவல் குழுக்கள் உடனடியாகத் தேடுதல் மற்றும் விசாரணைப் பணிகளைத் தொடங்கியதாக அதிகாரிகள் தெரிவித்துள்ளனர்.
உடனடியாக, சந்தேக நபர் கைது செய்யப்பட்டு, தேவையான சட்ட நடைமுறைகளை மேற்கொள்வதற்காகக் காவல் நிலையத்திற்கு அழைத்துச் செல்லப்பட்டதாகவும் காவல்துறை தெரிவித்தது.
ஷார்ஜா காவல்துறை வெளியிட்டுள்ள விபரங்களின் படி, திருடப்பட்டபோது அந்த காரின் இன்ஜின் இயங்கும் நிலையில் விடப்பட்டிருந்தது தெரிய வந்துள்ளது. இவ்வாறு இன்ஜின் இயங்கும் நிலையில் வாகனத்தைக் கவனிக்க ஆளின்றி விட்டுச் செல்வது, அதைத் திருடர்களுக்கு எளிதான இலக்காக மாற்றிவிடும் என்று வாகன ஓட்டிகளுக்கு எச்சரிக்கை விடுக்கப்பட்டுள்ளது.
இச்சம்பவத்தைத் தொடர்ந்து, வாகன ஓட்டிகளுக்குப் பின்வரும் அறிவுறுத்தல்கள் வழங்கப்படுகின்றன:
- வாகனத்தை விட்டு இறங்குவதற்கு முன் இன்ஜினை அணைக்கவும்
- சிறிது நேரம் நிறுத்தினாலும் காரைப் பூட்டவும்
- மதிப்புமிக்க பொருட்களை உள்ளே விட்டுச் செல்வதைத் தவிர்க்கவும்
- இன்ஜின் இயங்கும் நிலையில் வாகனத்தைக் கவனிக்க ஆளின்றி விட்டுச் செல்ல வேண்டாம்
கடைகள், பெட்ரோல் நிலையங்கள், ஏடிஎம்கள் (ATM) அல்லது பிற இடங்களுக்குச் செல்லும்போது, சில நிமிடங்கள் மட்டுமே வெளியே இருக்கத் திட்டமிட்டிருந்தாலும், வாகன ஓட்டிகள் கூடுதல் கவனத்துடன் இருக்குமாறு காவல்துறை வலியுறுத்தியுள்ளது.
இதுபோன்ற அவசர காலங்களில், குடியிருப்பாளர்கள் 999 என்ற எண்ணை அழைக்கலாம் என்றும் அது தெரிவித்துள்ளது. மேலும், விசாரணைகள் மற்றும் அவசரமற்ற உதவிகளுக்கு 901 என்ற எண் பயன்பாட்டில் உள்ளது என்பதையும் அதிகாரிகள் எடுத்துரைத்துள்ளனர்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
