துபாயின் மிகப்பெரிய டோல் கேட் ஆபரேட்டரான சாலிக் நிறுவனம், இப்போது அமீரகம் முழுவதும் சுமார் 107 இடங்களில் சேவை செய்யும் தனியார் பார்க்கிங் ஆபரேட்டரான Parkonic உடன் இணைந்து முதன்முறையாக துபாய் எமிரேட்டுக்கு வெளியே தனது சேவைகளை விரிவுபடுத்தியுள்ளதாக அறிவித்துள்ளது.
கடந்த மாதம் நவம்பர் 28, வியாழக்கிழமையன்று, சாலிக் மற்றும் பார்கோனிக் இடையேயான ஐந்தாண்டு ஒப்பந்தம் கையெழுத்தாகியுள்ளது. இந்த ஒப்பந்தத்தின் விதிமுறைகளின்படி, பார்கோனிக் தற்போதைய மற்றும் எதிர்கால இடங்களில் உள்ள அனைத்து அதன் வாடிக்கையாளர்களுக்கு விருப்பமான கட்டண சேனலாக சாலிக்கை ஊக்குவிக்கும் எனத் தெரிகிறது.
இது சாலிக்கின் திறனைப் பயன்படுத்தி கட்டண பார்க்கிங்கிற்கு தடையற்ற மற்றும் வசதியான கட்டண விருப்பத்தை வழங்கும் என்று கூறப்படுகிறது. மேலும், Salik eWallet மூலம் உருவாக்கப்படும் பார்க்கிங் வருவாயில் ஒரு சதவீதத்தை சாலிக்கிற்கு பார்கோனிக் செலுத்தும் என்றும், 2025 ஆம் ஆண்டின் முதல் காலாண்டில் அமீரகம் முழுவதும் பார்கோனிக்கின் 135,000 க்கும் மேற்பட்ட பார்க்கிங் இடங்களை இந்த ஒப்பந்தம் உள்ளடக்கும் என்றும் தெரிவிக்கப்பட்டுள்ளது.
புதிய கூட்டாண்மை குறித்து சாலிக் நிறுவனத்தின் தலைமை நிர்வாக அதிகாரி இப்ராஹிம் சுல்தான் அல் ஹதாத் பேசுகையில், “பார்கோனிக் உடனான எங்கள் மூலோபாய கூட்டாண்மை, ஐக்கிய அரபு அமீரகத்தில் சுமார் 135,000 பாரக்கிங் தளங்கள் மற்றும் 107 இடங்களில் மேம்பட்ட பார்க்கிங் கட்டண தீர்வுகளை எளிதாக்கும், மேலும் முதல் தடவையாக துபாய்க்கு வெளியே சாலிக் விரிவடையும்” என்று தெரிவித்துள்ளார்.
மேலும், அவர் தொடர்ந்து பேசிய போது, இந்த கூட்டாண்மை சாலிக்கின் துணை வருவாயின் வளர்ச்சியை மேலும் விரைவுபடுத்துவதுடன், முக்கிய டோலிங் வணிகத்தை தாண்டி எங்கள் தனித்துவமான தொழில்நுட்ப தளத்தை மேம்படுத்துவதாகவும் அவர் குறிப்பிட்டுள்ளார்.
தொடர்ந்து கூறுகையில், சாலிக் நிறுவனத்தின் துணை வருவாய் வளர்ச்சியின் முக்கிய உந்துதலாக அதன் பார்க்கிங் கட்டண தீர்வுகளின் வெற்றியை தொடர்ந்து கட்டியெழுப்ப சாலிக்கின் அர்ப்பணிப்பை இந்த புதிய கூட்டாண்மை ஒப்பந்தம் மேலும் நிரூபிப்பதாகவும் அவர் தெரிவித்துள்ளார்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
