துபாயில் தற்பொழுது நடைபெற்று வரும் துபாய் ஃபிட்னஸ் சேலஞ்சின் ஒரு பகுதியான துபாய் ரன் நிகழ்வு வரும் ஞாயிற்றுக்கிழமை (நவம்பர் 23) நடைபெறவுள்ளது. பல்லாயிரக்கணக்கான மக்கள் கலந்து கொள்வார்கள் என எதிர்பார்க்கப்படும் இந்த துபாய் ரன் 2025 நிகழ்விற்காக பல முக்கிய சாலைகள் மூடப்பட உள்ளன. இந்த தற்காலிக மூடல்கள் துபாய் ஃபிட்னஸ் சேலஞ்சின் முதன்மை பந்தயத்தில் பங்கேற்கும் ஆயிரக்கணக்கான பங்கேற்பாளர்களை ஆதரிக்கும் என கூறப்படுகின்றது.
சாலைகள் மற்றும் போக்குவரத்து ஆணையம் (RTA) துபாய் ரன்னிற்கான போக்குவரத்துத் திட்டம் அதிகாலை 3 மணி முதல் காலை 10 மணி வரை நடைமுறையில் இருக்கும் என்பதை உறுதிப்படுத்தியுள்ளது. எனவே, வாகன ஓட்டிகள் முன்கூட்டியே திட்டமிடவும் கூடுதல் பயண நேரத்தை அனுமதிக்கவும் வலியுறுத்துகிறது.
மூடப்படும் சாலைகள்
இந்த மூடல்கள் ஓட்டப் பாதையைப் பாதுகாக்கவும் அனைத்து பங்கேற்பாளர்களின் பாதுகாப்பை உறுதி செய்யவும் தேவையான பெரிய அளவிலான போக்குவரத்து மேலாண்மை திட்டத்தின் ஒரு பகுதியாகும்.
மாற்று வழிகள்
RTA-வின் படி, துபாய் ரன் நிகழ்வின் போது பின்வரும் வழித்தடங்கள் முழுமையாகவோ அல்லது பகுதியாகவோ மூடப்படும்:
- ட்ரேட் சென்டர் ரவுண்டானா மற்றும் அல் ஹாதிக் சாலை பிரிட்ஜ் இடையேயான ஷேக் சயீத் சாலையின் ஒரு பகுதி,
- லோயர் பைனான்ஷியல் சென்டர் ஸ்ட்ரீட், ஷேக் சயீத் சாலை மற்றும் அல் கைல் சாலை இடையே
- ஷேக் முகமது பின் ரஷீத் பவுல்வர்டின் ஒரு வழி திசை
- அல் சுகூக் தெருவின் ஒரு வழி பாதை
- ஷேக் சயீத் சாலைக்கு இணையான பார்க்கிங் பகுதிகளும் நிகழ்வின் போது மூடப்பட்டிருக்கும்
நெரிசலை குறைக்க, ஓட்டுநர்கள் பின்வரும் சாலைகளைப் பயன்படுத்துமாறு RTA அறிவுறுத்தியுள்ளது:
- அப்பர் ஃபைனான்சியல் சென்டர் ஸ்ட்ரீட்
- ஜபீல் பேலஸ் சாலை
- அல் வாசல் சாலை
- அல் கைல் சாலை
துபாய் ஃபிட்னஸ் சேலஞ்சின் கீழ் மிகவும் எதிர்பார்க்கப்படும் நடவடிக்கைகளில் ஒன்றான துபாய் ரன், ஆயிரக்கணக்கான குடியிருப்பாளர்களையும் பார்வையாளர்களையும் ஈர்க்கும் என்று எதிர்பார்க்கப்படுகிறது. காலை நேரத்தில் நகரம் அதன் முக்கிய சாலைகளை ஒரு பெரிய ஓடுபாதையாக மாற்றுவதால், அதிகாரிகள் பொதுமக்களை மாற்று வழிகளைப் பயன்படுத்தவும், தங்கள் பயணங்களை முன்கூட்டியே திட்டமிடவும், முடிந்தவரை பொது போக்குவரத்தை கருத்தில் கொள்ளவும் ஊக்குவிக்கின்றனர். அதே நேரத்தில்காலை 10 மணிக்குப் பிறகு வழக்கமான போக்குவரத்து மீண்டும் தொடங்கும் என்றும் தெரிவிக்கப்பட்டுள்ளது.
