ஐக்கிய அரபு அமீரகம் இன்று (டிசம்பர் 2) அதன் 54வது ஈத் அல் எதிஹாத் பண்டிகையைக் கொண்டாடும் நிலையில், அமீரகத் தலைவர்கள் நாட்டின் எதிர்காலம் அதன் மக்களில், குறிப்பாக அதன் இளைஞர்கள், குடும்பங்கள் மற்றும் எமிரேட் அடையாளத்தை வடிவமைக்கும் நீடித்த மதிப்புகளில் வேரூன்றியுள்ளது என்பதை வலியுறுத்தும் இதயப்பூர்வமான செய்திகளுடன் கொண்டாடியுள்ளனர்.
ஜனாதிபதி மாண்புமிகு ஷேக் முகமது பின் சயீத் அல் நஹ்யான் அவர்கள் , ஒவ்வொரு எமிராட்டி குடும்பத்திலும், நாட்டின் வளர்ச்சிக்கு பங்களிக்கும் ஒவ்வொரு இளைஞரிடமும் ஒன்றியத்தின் உணர்வு வாழ்கிறது என்பதை வலியுறுத்தியுள்ளார்.
குடிமக்களை அதிகாரமளிப்பது ஒரு முக்கிய முன்னுரிமையாக உள்ளது என்றும், எதிர்கால சந்ததியினர் AI, அறிவியல் ஆராய்ச்சி மற்றும் மேம்பட்ட தொழில்நுட்பங்கள் போன்ற துறைகளில் முன்னணியில் இருந்தாலும், தேசிய அடையாளம், அரபு மொழி மற்றும் நெறிமுறை மதிப்புகளைப் பாதுகாப்பதன் முக்கியத்துவத்தையும் அவர் எடுத்துரைத்துள்ளார்.
“அடையாளம் இல்லாத ஒரு நாட்டிற்கு நிகழ்காலமோ எதிர்காலமோ இல்லை” என்று குறிப்பிட்ட அவர், இளைஞர்கள் தங்கள் வேர்களுடன் உறுதியாக இணைந்திருக்க வேண்டும் என்றும் வலியுறுத்தியுள்ளார்.
மேலும், கலாச்சாரத்தைப் பாதுகாப்பதிலும் சமூகத்தை வலுப்படுத்துவதிலும் குடும்பத்தை “முதல் பள்ளி” மற்றும் “முதல் பாதுகாப்பு வரிசை” என்று ஷேக் முகமது விவரித்துள்ளார். சமூக ஆண்டு (2025) மற்றும் குடும்ப ஆண்டு (2026) போன்ற தேசிய முயற்சிகளையும், ஐக்கிய அரபு அமீரகத்தின் மக்கள்தொகை மற்றும் கலாச்சார கட்டமைப்பைப் பாதுகாக்க சமூக ஒற்றுமையை ஆதரிப்பதில் நாட்டின் கவனம் செலுத்துவதையும் ஷேக் முகமது சுட்டிக்காட்டியுள்ளார்.
உலகளாவிய அமைதியை ஊக்குவிப்பதில் இருந்து நெருக்கடிகளில் பொதுமக்களுக்கு உதவுவது வரை என ஐக்கிய அரபு அமீரகத்தின் மனிதாபிமான உறுதிப்பாடுகளையும் ஜானதிபதி உறுதிப்படுத்தினார்.
அமீரகத்தின் பிரதமரும் துபாய் ஆட்சியாளருமான ஷேக் முகமது பின் ரஷீத் தனது செய்தியில், ஐக்கிய அரபு அமீரகத்தின் பயணத்தில் பெருமையையும், ஒன்றியத்தை கட்டியெழுப்பிய தலைமுறைக்கு நன்றியையும் எடுத்துரைத்தார். மனிதாபிமானத் தலைமைத்துவம் முதல் முன்னோடி AI உத்திகள் வரை நாட்டின் சாதனைகள் வலுவான குடும்பங்கள் மற்றும் ஒருங்கிணைந்த சமூகங்களால் சாத்தியமானது என்றும் அவர் கூறியுள்ளார்.
மேலும், “ஐக்கிய அரபு அமீரகத்தின் இளைஞர்கள் இன்றைய நமது பெருமை மற்றும் எதிர்காலத்தின் வாக்குறுதி” என்று குறிப்பிட்டதுடன், கற்றல், புதுமை மற்றும் சேவைக்கான அவர்களின் அர்ப்பணிப்பையும் அவர் பாராட்டியுள்ளார்.
ஈத் அல் எதிஹாத் என்பது ஐக்கிய அரபு அமீரகத்தின் கொள்கைகள், மதிப்புகள் மற்றும் மரபுகளைப் பாதுகாப்பதற்கும், அவை எதிர்கால சந்ததியினருக்குக் கடத்தப்படுவதை உறுதி செய்வதற்கும் ஒரு நினைவூட்டல் என்று தெரிவித்த துபாய் ஆட்சியாளர், “எங்கள் சாதனைகள் இப்போது எங்கள் வரலாற்றின் ஒரு பகுதியாகும், நாங்கள் தொடர்ந்து கட்டியெழுப்பும் ஒரு மரபு” என்றும் வலியுறுத்தியுள்ளார்.
இரு தலைவர்களும் யூனியனை கட்டியெழுப்பிய முன்னோடிகளுக்கும் அதன் மதிப்புகளைத் தொடர்ந்து நிலைநிறுத்தும் குடும்பங்களுக்கும் அஞ்சலி செலுத்தினர். அவர்களின் செய்தி மூலம், விரைவான உலகளாவிய மாற்றத்தின் மத்தியில், ஐக்கிய அரபு அமீரகத்தின் பலம் அதன் மக்களிடமிருந்து வருகிறது அவர்களின் கதைகள், அவர்களின் மீள்தன்மை மற்றும் அமீரகத்தை வீடு என்று அழைக்கும் அமைதி மக்களையும் ஒன்றிணைக்கும் அடையாளம் என்பதை இரு தலைவர்களும் வலியுறுத்தியுள்ளனர்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
