ஐக்கிய அரபு அமீரகத்தில் உள்ள ஆயிரக்கணக்கான பெற்றோர்களுக்கு, nestle குழந்தை உணவுப் பொருட்கள் தங்கள் குழந்தையின் தினசரி ஊட்டச்சத்தின் ஒரு நம்பகமான பகுதியாக இருந்து வருகின்றன. இந்நிலையில், nestle நிறுவனத்தின் சில குழந்தை உணவுப் பொருட்களில் நச்சுத்தன்மையுடன் தொடர்புடைய பாக்டீரியாவின் தடயங்கள் கண்டறியப்பட்டுள்ளதாக அறிக்கைகள் கூறுகின்றன.
மேலும், உற்பத்தியின் போது பயன்படுத்தப்பட்ட மூலப்பொருட்களில் ஒன்றில் ‘Bacillus cereus ‘ பாக்டீரியாவின் தடயங்கள் கண்டறியப்பட்டதைத் தொடர்ந்து, ஐக்கிய அரபு அமீரகத்தின் ‘Emirates Drug Establishment’ குறிப்பிட்ட தயாரிப்புகளை நாடு முழுவதும் விற்பனை நிலையங்களில் இருந்து திரும்பப் பெறுமாறு நிறுவனத்திற்கு உத்தரவிட்டுள்ளது.
குமட்டல், வாந்தி மற்றும் வயிற்றுப் பிரச்சனைகளை ஏற்படுத்தக்கூடிய ‘cereulide’ என்ற நச்சுப்பொருள் இருப்பதற்கான சாத்தியக்கூறு காரணமாக, ஐக்கிய அரபு அமீரகம் உட்பட மத்திய கிழக்கு மற்றும் வட ஆப்பிரிக்கா (MENA) முழுவதும் உள்ள தனது குறிப்பிட்ட குழந்தை உணவு மற்றும் பின்தொடர் உணவுப் பொருட்களின் தொகுப்புகளைத் திரும்பப் பெறுவதாக நெஸ்லே நிறுவனம் திங்களன்று தெரிவித்துள்ளது.
இதனைத் தொடர்ந்து, ஐக்கிய அரபு அமீரக அதிகாரிகள் குழந்தைகளின் ஆரோக்கியத்தைப் பாதுகாக்கும் முன்னெச்சரிக்கை நடவடிக்கையாக, அந்த உணவுப் பொருட்களின் குறிப்பிட்ட தொகுப்புகளைத் திரும்பப் பெற்றுள்ளனர். இதுவரை இது தொடர்பாக எந்த நோய்களும் பதிவாகாத போதிலும், பெற்றோர்கள் தங்கள் வீடுகளில் குறிப்பிட்ட nestle தயாரிப்புகளை உடனடியாகச் சரிபார்க்குமாறு அவர்கள் வலியுறுத்தியுள்ளனர்.
ஐக்கிய அரபு அமீரகத்தில் திரும்பப் பெறப்பட்ட தயாரிப்புகள்:
- NAN Comfort 1
- NAN Optipro 1
- NAN Supreme Pro 1, 2 மற்றும் 3
- Isomil Ultima 1, 2 மற்றும் 3
- Alfamino
எனவே, பாதிக்கப்பட்ட பேக்கேஜ்களைச் சேர்ந்த இந்தத் தயாரிப்புகளைப் பயன்படுத்த வேண்டாம் என்று குடியிருப்பாளர்களுக்கு அறிவுறுத்தப்படுகிறது.
அதுமட்டுமல்லாமல், குழந்தைகளின் பெற்றோர்களும் பராமரிப்பாளர்களும் டப்பாவின் அடிப்பகுதியில் அச்சிடப்பட்ட விவரங்களைச் சரிபார்க்க அறிவுறுத்தப்படுகிறார்கள். மேலும், அந்தக் குறியீடு நெஸ்லே வெளியிட்ட திரும்பப் பெறும் பட்டியலில் உள்ள குறியீட்டுடன் பொருந்தினால், அவர்கள் பேக்கேஜிங்கில் உள்ள எண்ணைப் பயன்படுத்தி நெஸ்லே நுகர்வோர் ஈடுபாட்டு மையத்தை (Nestle Consumer Engagement Centre) தொடர்பு கொள்ள வேண்டும். நிறுவனம் பணத்தைத் திரும்பப் பெற அல்லது மாற்று ஏற்பாடு செய்ய, தயாரிப்பு மற்றும் பேக்கேஜ் குறியீட்டின் புகைப்படத்தைக் கேட்கலாம் எனக் கூறப்படுகிறது.
பாதிக்கப்பட்ட நாடுகள்:
இந்தத் திரும்பப் பெறுதல் பிராந்தியத்தில் உள்ள எட்டு நாடுகளைப் பாதிக்கிறது: ஐக்கிய அரபு அமீரகம், சவூதி அரேபியா, குவைத், கத்தார், பஹ்ரைன், எகிப்து, ஈரான் மற்றும் ஓமன்.
நெஸ்லேவின் அறிக்கையின்படி, அரச்சிடோனிக் அமிலம் (ARA) எண்ணெய் உலகளவில் விற்கப்படும் பல்வேறு குழந்தை ஊட்டச்சத்துப் பொருட்களில் பயன்படுத்தப்படுகிறது. அதாவது, பல நாடுகள், பிராண்டுகள் மற்றும் தயாரிப்புகள் பாதிக்கப்பட்டுள்ளன என்பதாகும். பாதிக்கப்பட்ட தொகுப்பு எண்கள் நாட்டுக்கு நாடு மாறுபடும் என்றும் நெஸ்லே தெரிவித்துள்ளது.
உறுதிப்படுத்தப்பட்ட நோய்கள் எதுவும் இல்லை
மேலும், திரும்பப் பெறப்பட்ட தயாரிப்புகளுடன் தொடர்புடைய எந்தவொரு பாதகமான உடல்நலப் பாதிப்புகளும் இதுவரை கண்டறியப்படவில்லை என்று நெஸ்லே மற்றும் பிராந்திய சுகாதார அதிகாரிகள் உறுதிப்படுத்தியுள்ளனர். தற்போது, நிறுவனம் ஒழுங்குமுறை அதிகாரிகளுடன் நெருக்கமாகப் பணியாற்றி வருகிறது என்றும், மேலும் பெற்றோர்கள் மற்றும் பராமரிப்பாளர்களுக்கு ஆதரவளிக்க அதன் அதிகாரப்பூர்வ மற்றும் பிராண்ட் இணையதளங்களில் புதுப்பிக்கப்பட்ட தகவல்களைப் பகிர்ந்து வருகிறது என்றும் கூறப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
