மத்தியகிழக்கில் அதிகரித்து வரும் போர் பதட்டங்களுக்கு மத்தியில், அபுதாபியில் விமானப் போக்குவரத்து முழுமையாக நிறுத்தப்பட்ட நிலையில் எதிஹாட் விமான நிறுவனம் அபுதாபியிலிருந்து சில வரையறுக்கப்பட்ட விமான நடவடிக்கைகளை மீண்டும் தொடங்கியுள்ளதாக அறிக்கைகள் கூறுகின்றன.
தற்போதைய நிலவரப்படி, அபுதாபிக்குச் செல்லும் மற்றும் புறப்படும் அனைத்து திட்டமிடப்பட்ட பயணிகள் விமானங்களும் ரத்து செய்யப்பட்டிருந்தாலும், விமான நிறுவனம் ஒரு சில சிறப்பு நடவடிக்கைகளை மீண்டும் தொடங்கியுள்ளது என்பதை எதிஹாட் ஏர்வேஸ் ஒரு அறிக்கையில் உறுதிப்படுத்தியுள்ளது.
இருப்பினும், சில இடமாற்றம், சரக்கு மற்றும் திருப்பி அனுப்பும் விமானங்கள் ஐக்கிய அரபு அமீரக அதிகாரிகளுடன் ஒருங்கிணைந்து செயல்படலாம் மற்றும் கடுமையான செயல்பாட்டு மற்றும் பாதுகாப்பு ஒப்புதல்களுக்கு உட்பட்டு செயல்படலாம் என்பதையும் நிறுவனம் வெளிப்படுத்தியுள்ளது.
மேலும், விமான கண்காணிப்பு தளமான Flightradar24 இன் படி, எதிஹாட் விமானம் ஆம்ஸ்டர்டாம், லண்டன், மாஸ்கோ, மும்பை, டெல்லி, இஸ்லாமாபாத், கொச்சி, பெங்களூரு, ரியாத், தம்மம், ஜெத்தா, மஸ்கட் மற்றும் கெய்ரோ உள்ளிட்ட இடங்களுக்கு பறப்பதைக் காட்டுகிறது. அதேசமயம், வணிக நடவடிக்கைகள் ரத்து செய்யப்பட்டுள்ளதாகக் கூறப்பட்டுள்ளது.
திட்டமிடப்பட்ட வணிக விமானங்களில் முன்பதிவு செய்த பயணிகள், மார்ச் 3, செவ்வாய்க்கிழமை ஐக்கிய அரபு அமீரக நேரப்படி பிற்பகல் 2:00 மணி வரை அனைத்து வழக்கமான பயணிகள் சேவைகளும் ரத்து செய்யப்பட்டுள்ளன என்பதை தெரிந்து கொள்ள வேண்டும். தற்போதைய பிராந்திய வான்வெளி மூடல்களே நீட்டிக்கப்பட்ட ரத்துகளுக்குக் காரணம் என்று விமான நிறுவனம் குறிப்பிட்டுள்ளது.
பயணிகளுக்கான விருப்பங்கள்:
ஆகவே, தகுதியான டிக்கெட்டுகளுக்கு மார்ச் 18 வரை இலவச ரீபுக்கிங் விருப்பம் கிடைக்கும் என்றும், மார்ச் 7 வரை திட்டமிடப்பட்ட விமானங்களுக்கு முழு பணத்தைத் ரீபண்ட் செய்யலாம் எனவும் எதிஹாட் ஏர்வேஸ் அறிவித்துள்ளது.
இது குறித்து தெரிவிக்கையில் “பாதுகாப்பு எங்கள் முழுமையான முன்னுரிமையாக உள்ளது” என்றும், அனைத்து செயல்பாட்டு அளவுகோல்களும் பூர்த்தி செய்யப்பட்ட பின்னரே சேவைகள் மீண்டும் தொடங்கும் என்றும் எதிஹாட் தரப்பில் தெரிவிக்கப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
