புனித ரமலான் மாதம் முடிவுக்கு வரும் வேளையில், ஐக்கிய அரபு அமீரகம் முழுவதும் உள்ள மக்கள், ரமலான் மாதத்தின் முடிவைக் குறிக்கும் இஸ்லாமியப் பண்டிகையான ஈத் அல் ஃபித்ரைக் கொண்டாடத் தயாராகி வருகின்றனர்.
இந்நிலையில் தற்போதைய சூழ்நிலையில் வழிபாட்டாளர்களின் பாதுகாப்பை உறுதி செய்வதற்காக, இந்த ஆண்டு பெருநாள் சிறப்பு தொழுகைகள் நாடு முழுவதும் மசூதிகளுக்கு உள்ளே மட்டுமே நடைபெறும் என்றும், வெளிப்புற ஏற்பாடுகள் எதுவும் இல்லை என்றும் அதிகாரிகள் உறுதிப்படுத்தியுள்ளனர்.
தொழுகை நேரங்கள்
துபாய்
துபாயில் காலை 6.18 மணிக்கு ஈத் அல் ஃபித்ர் தொழுகை நடைபெறும் என இஸ்லாமிய விவகாரங்கள் மற்றும் தொண்டு நடவடிக்கைகள் துறை (IACAD) தெரிவித்துள்ளது. எமிரேட்டில் உள்ள அனைத்து மசூதிகளிலும் தொழுகை நடைபெறும், மேலும் குடியிருப்பாளர்கள் தங்களுக்கு அருகிலுள்ள மசூதிக்குச் செல்லுமாறு கேட்டுக்கொள்ளப்படுகிறார்கள். தொழுபவர்களின் தடையற்ற போக்குவரத்தை உறுதி செய்வதற்காக துபாய் காவல்துறை போக்குவரத்தை ஒழுங்குபடுத்தும் என கூறப்பட்டுள்ளது.
அபுதாபி
ஷேக் சயீத் கிராண்ட் மசூதி மையத்தால் வெளியிடப்பட்ட ஹிஜ்ரி நாட்காட்டியின்படி, ஈத் தொழுகை நேரங்கள் பின்வருமாறு இருக்கும் என எதிர்பார்க்கப்படுகிறது:
அபுதாபி: காலை 6.20 மணி
ஷார்ஜா
ஷார்ஜாவில் உள்ள இஸ்லாமிய விவகாரங்கள் துறையால் வெளியிடப்பட்ட ஹிஜ்ரி நாட்காட்டி பின்வரும் நேரத்தை பட்டியலிடுகிறது:
ஷார்ஜா: காலை 6.16 மணி
அஜ்மான்
அஜ்மான் பொதுவாக ஷர்ஜாவைப் போன்ற நேரங்களையே பின்பற்றுகிறது, இங்கு ஈத் தொழுகை காலை 6.16 மணியளவில் நடைபெறும் என எதிர்பார்க்கப்படுகிறது.
உம் அல் குவைன்
உம் அல் குவைத்தில் தொழுகைகள் காலை 6.12 மணிக்கு நடைபெறும் எனத் திட்டமிடப்பட்டுள்ளது.
ராஸ் அல் கைமா
எமிரேட் முழுவதும் உள்ள மசூதிகளில் காலை 6.12 மணிக்கு தொழுகை நடைபெறும் என எதிர்பார்க்கப்படுகிறது.
ஃபுஜைரா
ஈத் தொழுகை நேரம் காலை 6.10 மணியாக இருக்கும் என எதிர்பார்க்கப்படுகிறது.
