UAE கொரோனா அப்டேட் (ஏப்ரல் 7, 2020) : பாதிக்கப்பட்டோர் 283 பேர்..!!! மொத்த எண்ணிக்கை 2,359 பேர்..!!! ஒருவர் பலி..!!!

ஐக்கிய அரபு அமீரகத்தில் இன்று செவ்வாய்க்கிழமை (ஏப்ரல் 7, 2020) புதிதாக 283 பேருக்கு கொரோனா பாதிப்பு இருப்பதாக அமீரகத்தின் சுகாதார மற்றும் தடுப்பு அமைச்சகம் (MoHAP) செய்தி வெளியிட்டுள்ளது. தற்போதய நிலவரப்படி, பாதிக்கப்பட்டோரின் மொத்த எண்ணிக்கை 2,359 ஆக உயர்ந்துள்ளது. பாதிக்கப்பட்டவர்கள் பல்வேறு நாடுகளை சேர்ந்தவர்கள் என்றும் தெரிவிக்கப்பட்டுள்ளது.

The latest update of #Coronavirus (#COVID19) in the #UAE#StayHome pic.twitter.com/nQ4VXe7U1r

— هيئة الصحة بدبي (@DHA_Dubai) April 7, 2020

இன்று புதிதாக ஆசிய நாட்டை சார்ந்த ஒருவர் கொரோனாவிற்கு பலியாகியுள்ளார் என்றும் அதில் தெரிவிக்கப்பட்டுள்ளது. உயிரிழந்த நபர் ஏற்கனவே நாள்பட்ட நோயால் பாதிக்கப்பட்டிருந்தவர் என்றும் அதில் கூறப்பட்டுள்ளது. இதன் மூலம் அமீரகத்தில் கொரோனாவிற்கு பலியானோரின் மொத்த எண்ணிக்கை 12 ஆக அதிகரித்துள்ளது.

மேலும், இன்றைய நாளில் மட்டும் 19 பேர் குணமடைந்துள்ளதாக அமைச்சகத்தின் சார்பாக அறிவிக்கப்பட்டுள்ளது. இதுவரையில் 186 பேர் கொரோனாவால் பாதிக்கப்பட்டு முழுவதுமாக குணமடைந்துள்ளனர் என்பது குறிப்பிடத்தக்கது.