UAE கொரோனா அப்டேட் (ஆகஸ்ட் 4, 2020) : பாதிக்கப்பட்டோர் 189 பேர்..!! குணமடைந்தோர் 227 பேர்..!!

ஐக்கிய அரபு அமீரகத்தில் இன்று (செவ்வாய்க்கிழமை, ஆகஸ்ட் 4, 2020) புதிதாக 189 பேருக்கு கொரோனா இருப்பது உறுதி செய்யப்பட்டுள்ளதாக அமீரகத்தின் சுகாதார மற்றும் தடுப்பு அமைச்சகம் (MoHAP) சார்பாக அறிவிக்கப்பட்டுள்ளது. இதனால் அமீரகத்தில் கொரோனா பாதித்தவர்களின் மொத்த எண்ணிக்கையானது 61,352 ஆக உயர்ந்துள்ளது.

அமீரகத்தில் கொரோனாவிற்கு இன்று யாரும் பலியாகவில்லை. இதனால் அமீரகத்தில் கொரோனாவால் உயிரிழந்தோரின் மொத்த எண்ணிக்கையில் மாற்றமில்லாமல் 351 ஆக இருக்கிறது.

மேலும், இன்றைய நாளில் மட்டும் 227 பேர் குணமடைந்துள்ளதாகவும், இதுவரையில் 55,090 பேர் கொரோனாவால் பாதிக்கப்பட்டு முழுவதுமாக குணமடைந்துள்ளனர் என்பதும் குறிப்பிடத்தக்கது.