ஐக்கிய அரபு அமீரகத்தில் உள்ள தனியார் துறை நிறுவனங்கள் ஊழியர்களுக்கு சரியான நேரத்தில் ஊதியம் வழங்குமாறு அமீரகத்தின் மனிதவள மற்றும் எமிரேடிசேஷன் அமைச்சகம் வலியுறுத்தியுள்ளது. சரியான நேரத்தில் ஊதியம் வழங்க தவறும் நிறுவனங்கள் மீது தகுந்த நடவடிக்கை எடுக்கப்படும் எனவும் தற்பொழுது அறிவிக்கப்பட்டுள்ளது.
அதனடிப்படையில், தங்கள் ஊழியர்களுக்கு சம்பளம் செலுத்தத் தவறும் வணிக நிறுவனங்களுக்கு, ஒவ்வொரு ஊழியருக்கும் அவர்களின் காப்பீட்டு பிரீமியம் 120 திர்ஹம் ($ 33) இலிருந்து 250 திர்ஹமாக உயர்த்தப்படும் என்று அமைச்சகம் தெரிவித்துள்ளது.
அக்டோபர் 2018 இல், அமைச்சகம் ஊழியர்களுக்காக Taa-meen என்ற புதிய காப்பீட்டுக் கொள்கையை அமல்படுத்தியது.
இது ஜூன் 2018 இல் அமைச்சரவையால் அங்கீகரிக்கப்பட்டது மற்றும் நிறுவனங்களால் வழங்கப்பட்ட பண உத்தரவாதத்திற்கு மாற்றாக கருதப்பட்டது. அதன்படி, ஒரு புதிய பணியாளரை நியமிக்கும்போது, வங்கி உத்தரவாத அமைப்பின் விதிகள் மற்றும் நெறிமுறைகளின்படி, நிறுவனங்கள் ஊழியர் சார்பாக 3,000 திர்ஹம் வங்கி உத்தரவாதமாக சமர்ப்பிக்க அல்லது புதிய காப்பீட்டுக் கொள்கையின் கீழ் அவர்களுக்கு காப்பீடு செய்ய வேண்டும். இதற்கு ஒரு ஊழியருக்கு இரண்டு ஆண்டுகளுக்கு 120 திர்ஹம் செலவாகும்.
ஐக்கிய அரபு அமீரகத்தின் ஊதிய பாதுகாப்பு முறையின்படி, காப்பீட்டுக் கொள்கை 30 மாதங்களுக்கு ஊழியர்களின் நிதி உரிமைகளை உள்ளடக்கியது.
இது தொழிலாளர் ஸ்திரத்தன்மையை பராமரிப்பது மற்றும் சம்பளம் தொடர்பாக ஊழியர்களின் உரிமைகளை உறுதி செய்வதாகும்.
ஒரு நிறுவனத்தின் திவால்நிலை அல்லது நிறுவனம் ஊழியர்களின் சலுகைகளை செலுத்தத் தவறினால், செலுத்தப்படாத சம்பளம் (unpaid salaries), சேவை சலுகைகளின் முடிவு (end of service benefits), விடுமுறைகள் (vacations) மற்றும் கூடுதல் நேர கொடுப்பனவுகள் (overtime allowances) மற்றும் விமான டிக்கெட்டுகளுக்கு (air tickets) எதிராக ஒரு ஊழியருக்கு அதிகபட்ச காப்பீட்டுத் தொகையாக 20,000 திர்ஹம் வரை வழங்கப்படும்.
தனியார் துறை நிறுவனங்கள் ஊழியர்களின் உரிமைகள் பாதுகாக்கப்படுவதை இந்த சட்டம் உறுதி செய்யும் என்றும் மேலும், நிறுவனங்கள் அவர்களின் கடமைகளை செய்ய தவறினால், அமைச்சகம் முதலாளியின் தொழிலாளர் கோப்பை (labor file) இடைநிறுத்தலாம் மற்றும் புதிய பணி அனுமதிகளை (new work permit) முடக்கலாம் என்பதும் குறிப்பிடத்தக்கது.
