ஐக்கிய அரபு அமீரக குடிமக்கள் மற்றும் குடியிருப்பாளர்கள் எந்த நேரத்திலும் எவ்வித தடங்கலுமின்றி தங்களது ரெசிடென்ஸி தொடர்பான சேவையைப் பெற பிரத்யேக சேவைக்குழு அறிவிக்கப்பட்டுள்ளது.
ஜூலை 7 முதல் இந்த புதிய சேவை கிடைக்கும் என்று ரெசிடென்ஸ் மற்றும் வெளியுறவுத் துறைகளுக்கான பொது இயக்குநரகம் (GDRFA) அறிவித்துள்ளது.
நிறுவனங்கள் மற்றும் தனிநபர்கள், குடிமக்கள் மற்றும் குடியிருப்பாளர்களிடமிருந்து ரெசிடென்ஸி சேவைகள் தொடர்பான கோரிக்கைகள் மற்றும் விசாரணைகளை ‘you are special’ சேவையானது, வாரத்தில் ஏழு நாட்களிலும் எந்த நேரத்திலும் பெற்றுக்கொள்ளும் என்று தெரிவிக்கப்பட்டுள்ளது.
GDRFA இன் டைரக்டர் ஜெனரல் மேஜர் ஜெனரல் முகமது அகமது அல் மர்ரி கூறுகையில், ” நாங்கள் பொதுவாக ஐக்கிய அரபு அமீரகத்தில், குறிப்பாக, துபாயை உலகின் பிற பகுதிகளிலிருந்து வேறுபடுத்தும் சேவைகளின் மூலம் வாடிக்கையாளர்களின் தேவைகளை அடைவதை நோக்கமாகக் கொண்டு முன்னணியில் இருக்க முற்படுகிறோம்” என்று கூறியுள்ளார்.
வாடிக்கையாளர்களின் தேவைகளுக்கு ஏற்ப ஒரு ஒருங்கிணைந்த பணியிடத்தை அமைப்பதே இந்த புதுமையான சேவையின் நோக்கம் என்று அல் மர்ரி விளக்கியுள்ளார்.
இந்த பிரத்யேக குழு தகவல்தொடர்பு செயல்முறையையும் கோரிக்கைகளையும் நேரடியாக நிர்வகிக்கும். இதனால் நடைமுறைகளின் சிறந்த தெளிவுக்கு பங்களிப்பு செய்கிறது மற்றும் வாடிக்கையாளர்கள் வேறு இடங்களில் பதில்களைத் தேடுவதற்கான தேவையை நீக்குகிறது என்றும் குறிப்பிடப்பட்டுள்ளது.
