துபாய்: கின்னஸ் சாதனையில் பங்கேற்க உங்களுக்கு ஓர் வாய்ப்பு!! நீங்க வந்தா மட்டும் போதும்…!!

பல்வேறு பிரிவுகளில் கின்னஸ் சாதனைகளை படைத்து வரும் துபாய் தற்பொழுது மற்றொரு கின்னஸ் சாதனைக்கு தயாராகியுள்ளது. இதில் பொதுமக்களும் பங்கேற்கலாம் என தெரிவிக்கப்பட்டுள்ளது. அதாவது துபாயில் நடைபெறவுள்ள சர்வதேச யோகா நிகழ்வில் அதிகளவு நாடுகளைச் சேர்ந்த நபர்கள் பங்கேற்றதற்கான சாதனையை படைப்பதற்கான முயற்சியில் துபாய் இறங்கியுள்ளது.

துபாய் ஃபிரேம் ஆம்பிதியேட்டரில் (Dubai Frame Amphitheatre) உள்ள ஜபீல் பார்க்கில் நாளை, சனிக்கிழமை (மே.13) அன்று இரண்டாயிரத்துக்கும் மேற்பட்டவர்களின் பங்கேற்புடன் இந்த நிகழ்வு நடத்தப்பட்டவுள்ளதாக கூறப்பட்டுள்ளது.

மேலும், இந்த முக்கிய நிகழ்வில் மூவாயிரத்துக்கும் மேற்பட்டோர் யோகாசனம் செய்ய ஏற்பாடுகள் செய்யப்பட்டுள்ளதாக அதிகாரிகள் ஊடகங்களிடம் தெரிவித்துள்ளனர். இந்நிகழ்ச்சியின் ஏற்பாட்டாளர்கள் குடும்பங்கள் தங்கள் குழந்தைகளுடன் இந்நிகழ்வில் பங்கேற்குமாறு கேட்டுக்கொண்டுள்ளனர்.

அதுமட்டுமின்றி, பூங்காவின் பல்வேறு வாயில்களில் 200க்கும் மேற்பட்ட தன்னார்வலர்கள் பங்கேற்பாளர்களை அழைத்துச் செல்வார்கள் என்றும், பூங்காவிற்கு வருகை தரும் அனைவரது வாகனங்களையும் பார்க்கிங் செய்வதற்கு போதுமான இடம் ஒதுக்கப்பட்டுள்ளதாகவும் தெரிவிக்கப்பட்டுள்ளது. மாற்றாக துபாய் மெட்ரோவை மக்கள் பயன்படுத்தலாம் எனவும் தெரிவிக்கப்பட்டுள்ளது.

மேலும், புதிய கின்னஸ் சாதனையைப் படைக்க முனைப்பு காட்டும் பார்வையாளர்களுக்கு துபாய் முனிசிபாலிட்டி, மாலையில் பூங்காவிற்கு இலவச நுழைவை வழங்குவதாக அறிவித்துள்ளது. சுமார் 60 நிமிடங்கள் நடைபெறும் யோகா நிகழ்வில் மாலை 4 மணிக்கு முன் நிகழ்வுகள் மற்றும் பொழுதுபோக்கு நடவடிக்கைகள் தொடங்கும் என்பது குறிப்பிடத்தக்கது. இதில் பங்கேற்க விரும்பும் மக்கள் பூங்காவில் உள்ள கவுண்டர்களில் அல்லது https://fitze.ae/yoga-world-record/ என்ற லிங்க் மூலம் பதிவு செய்யலாம் என கூறப்பட்டுள்ளது.

இது குறித்து துபாய் ஸ்போர்ட்ஸ் கவுன்சிலின் தகவல் தொடர்பு மற்றும் தொடர்பாடல் துறையின் மூத்த ஊடக அதிகாரி அகமது முகமது நபில் என்பவர் கூறுகையில், சர்வதேச யோகா நிகழ்வு, அதிகளவில் பங்கேற்கும் தேசிய இனத்தவர்களுக்கான புதிய சாதனையைப் படைக்கும் என்று நம்புவதாகக் குறிப்பிட்டுள்ளார். மேலும், மக்களை ஈர்க்கும் விதமாக இலவச யோகா பாய்கள் வழங்கப்படும் என்றும், நிகழ்ச்சிக்குப் பின்னர், மக்கள் அதை வீட்டிற்கு தங்களுடன் எடுத்துச் செல்லலாம் என்றும் தெரிவித்துள்ளார்.

அதுபோல, பூங்காவில் பங்கேற்பாளர்களுக்கு தண்ணீர் வழங்கப்படும் என்று கூறியுள்ளார். சூரியன் மறையும் மாலைப் பொழுது என்பதால் வானிலை நன்றாக இருக்கும் என்று நம்புவதாகக் கூறிய அவர், தயவு செய்து உங்கள் குடும்பத்தினருடன் வந்து மகிழ்ச்சியாக பொழுதைக் கழிக்குமாறும், அனைத்து நிறங்கள், இனம் மற்றும் தேசிய இனத்தைச் சேர்ந்தவர்கள் இணைந்து, தங்கள் வாழ்நாள் முழுவதும் நடைமுறையைப் பின்பற்ற ஊக்கமளிக்க வேண்டும் என்று அறிவுறுத்தியுள்ளார்.

ஏற்கனவே, கத்தாரில் உள்ள இந்திய விளையாட்டு மையம், பல்வேறு நாடுகளைச் சேர்ந்த 114 பங்கேற்பாளர்கள் யோகா பயிற்சி செய்ய ஒன்றிணைந்து ஒரு புதிய உலக சாதனையைப் படைத்த யோகா அமர்வுக்கு ஏற்பாடு செய்துள்ளது. இது போன்ற ஒரு நிகழ்வை நடத்துவதற்கு துபாய் சரியான இடம், ஏனெனில், ஏற்கனவே துபாய் பல்வேறு நாட்டினரின் தாயகம் என்று நிகழ்வு பயிற்றுவிப்பாளர், யோகி ப்ரீனௌர், டெட் முன்னாள் பேச்சாளரும் எழுத்தாளருமான அல்லோவா கஹாம் என்பவர் கூறியுள்ளார்.

மேலும், இது துபாயை உலகின் மிகச் சிறந்த மற்றும் சகிப்புத்தன்மையுள்ள இடங்களில் ஒன்றாக மீண்டும் ஒருமுறை முன்னணிக்குக் கொண்டுவரும். எனவே, வெவ்வேறு பாஸ்போர்ட்களை வைத்திருக்கும் 2,000 பேர், முந்தைய சாதனையை முறியடிக்க நட்பு வழியில் ஒருங்கிணைந்து புதிய கின்னஸ் பதிவை உருவாக்குகிறார்கள். ஆகையால், தயவு செய்து இதை உங்கள் வெவ்வேறு நாடுகளைச் சேர்ந்த நண்பர்களுக்குத் தெரிவித்து, புதிய உலக சாதனையை உருவாக்க எங்களுக்கு உதவுங்கள் என்று கேட்டுக்கொண்டுள்ளார்.

குறிப்பாக, நிகழ்வுக்கு முந்தைய மற்றும் பிந்தைய செயல்பாடுகளை மட்டும் பங்கேற்பாளர்கள் அனுபவிக்க முடியாது. அதேசமயம், கலைஞர்களின் அருமையான வரிசை நிகழ்வு முழுவதும் பங்கேற்பாளர்களை ஊக்குவிக்கும் என்பதில் சந்தேகமில்லை.

இது குறித்து நிகழ்ச்சியின் தயாரிப்பாளர் எரிகா இபானெஸ் அவர்கள் கூறுகையில், சிரியாவைச் சேர்ந்த ஹானென், இந்திய-பாகிஸ்தானி உள்ளடக்கத்தை உருவாக்கியவர் இசா, சூடான் மாடல் எஸ்ரா, வளர்ந்து வரும் லெபனான் நட்சத்திரம் நூர் ஸௌகீப் மற்றும் தி வாய்ஸ் அர்ஜென்டினாவைச் சேர்ந்த புகழ்பெற்ற பாடகர்/பாடலாசிரியர் ஜுவாம்பி பெல்லிசர் ஆகியோர் இந்த நிகழ்வை சிறப்பிக்க திட்டமிட்டுள்ளதாகக் குறிப்பிட்டுள்ளார்.

இதற்கிடையில், யோகா குறித்து ஜென் யோகா பொது மேலாளர் நெல்லி ஹபிபி என்பவர் கூறியதாவது: ” யோகா அனைவருக்கும் பொதுவானது.இது எளிதானது மற்றும் ஒருவர் மீண்டும் குனிந்து அனைத்து வகையான அருமையான போஸ்களையும் செய்ய வேண்டியதில்லை. நான் மீண்டும் வலியுறுத்த விரும்புகிறேன் அது அனைவருக்கும் உள்ளது; எல்லோரும் வந்து யோகா வகுப்பு செய்யலாம் என்று சொல்லுங்கள். எங்களிடம் சில சிறந்த ஆசிரியர்கள் இருப்பார்கள், அவர்களுக்கு ஆதரவாகவும் இருப்பார்கள். எனவே, அந்த நாளை எங்களுடன் வந்து மகிழுங்கள்.” என்றார்.