ஜூன் 21 முதல் அமீரகத்தில் அதிகாரப்பூர்வமாக தொடங்கும் கோடைகாலம்.. நமக்கு இப்பவே கண்ண கட்டுதே.!!

ஐக்கிய அரபு அமீரகத்தில் எதிர்வரும் ஜூன் 21 ஆம் தேதி முதல் அதிகாரப்பூர்வமாக கோடை காலம் தொடங்கும் என்று தேசிய வானிலை மையம் (NCM) அறிவித்துள்ளது. மேலும் இந்த நாட்களில் சூரியனின் கதிர்கள் நாட்டின் மீது நேரடியாக விழும் என்பதினால், குடியிருப்பாளர்கள் நீண்ட பகல் நேரத்தை அனுபவிக்க நேரிடும் என்றும் தேசிய வானிலை ஆய்வு மையம் வெளியிட்டுள்ள அறிக்கையில் தெரிவித்துள்ளது.

NCM வெளியிட்டுள்ள அறிக்கையின் படி, மே மாதத்துடன் ஒப்பிடும்போது ஜூன் மாதத்தில் நாட்டின் பெரும்பாலான பகுதிகளில் காற்றின் வெப்பநிலை தோராயமாக 2°C முதல் 3°C வரை அதிகரிக்கும் என்று எதிர்பார்க்கப்படுகிறது.

மேலும், நாட்டில் சைபீரிய உயர் அழுத்த அமைப்பின் தாக்கம் காரணமாக, வெப்பத் தாழ்வுகள் சில பகுதிகளைப் பாதிக்கின்றன என்றும், அங்கு இந்திய பருவமழை காற்றழுத்தத்தின் நீட்டிப்பு இந்த மாதத்தின் பெரும்பாலான காலகட்டங்களில் நாட்டின் கிழக்கு பகுதிகளில் தொடரும் என்றும் தெரிவிக்கப்பட்டுள்ளது.

கடந்த மே மாதத்துடன் ஒப்பிடும்போது, ஜூன் மாதத்தில் ஈரப்பதம் சற்று குறையும் எனவும், குறிப்பாக மாதத்தின் இரண்டாம் பாதியில் மூடுபனி அல்லது மூடுபனி உருவாவதற்கான வாய்ப்புகள் குறைவாக இருப்பதாகவும் கூறப்படுகிறது.

இதற்கு முன்னதாக கடந்த ஆண்டுகளில் ஜூன் மாதத்தில் நடந்த வானிலை மாற்றங்கள் என்னென்ன என்பதை பற்றி கீழே காணலாம்.

காற்று வெப்பநிலை:

நாட்டில் இந்த ஆண்டு ஜூன் மாதத்தில் சராசரி காற்றின் வெப்பநிலை 33°C முதல் 35.7°C வரை இருக்கும், அதிகபட்ச காற்று வெப்பநிலை 39.7°C மற்றும் 42.7°C வரை உயரும், அதுபோல, குறைந்தபட்ச காற்று வெப்பநிலை 26.6 மற்றும் 29.2 ° C வரை இருக்கும் என்று அறிவிக்கப்பட்டுள்ளது.

முன்னதாக, 2010 இல் அல் யாசத்தில் ஜூன் மாதத்தில் பதிவு செய்யப்பட்ட அதிகபட்ச வெப்பநிலையாக 52.0 டிகிரி செல்சியஸ் வரை பதிவாகியுள்ளது. இதேபோல், 2004 இல் ரக்னாவில் மிகக்குறைந்த குறைந்தபட்ச காற்றின் வெப்பநிலை 14.1 °c ஆக குறைந்தது.

காற்று:

ஜூன் மாதத்தில் காற்றின் சராசரி வேகம் மணிக்கு 13 கி.மீ ஆகும். ஆனால், 2010 இல் ஜூன் மாதத்தில் ஜபல் மெப்ரேயில் அதிகபட்சமாக மணிக்கு 125.2 கிமீ வேகத்தில் காற்று வீசியுள்ளது.

ஈரப்பதம்:

நாட்டில் சராசரி அதிகபட்ச ஈரப்பதம் 62 முதல் 87 சதவீதம் வரை இருக்கும். அதேசமயம், குறைந்தபட்ச ஈரப்பதம் 14 முதல் 27 சதவீதம் வரை இருக்கும் என்று தெரிவிக்கப்பட்டுள்ளது.

மூடுபனி:

ஜூன் 2021 ம் ஆண்டில் 12 முறை மூடுபனி மற்றும் 6 மூடுபனி நாட்களுடன் நாட்டில் பனிமூட்டத்தின் அதிகபட்ச எண்ணிக்கை பதிவு செய்யப்பட்டது.

மழை:

2007 ஆம் ஆண்டு ஜூன் மாதத்தில் Owtaid எனும் பகுதியில் 44mm மழை பதிவாகியுள்ளது.

தொழிலாளர்களுக்கு மதிய வேலை நேர இடைவேளை:

இந்நிலையில், அதிகப்படியான கோடை வெப்பத்தின் தாக்கத்திலிருந்து தொழிலாளர்களை பாதுகாக்க கட்டாய மதிய வேலை இடைவேளை ஜூன் 15 முதல் நடைமுறைக்கு வரும் என்று அதிகாரிகள் வியாழனன்று அறிவித்துள்ளனர். ஆண்டுதோறும் செயல்படுத்தப்படும் இந்த முயற்சியானது, கோடை வெப்பத்தின் உச்சக்கட்டத்தில் இருந்து தொழிலாளர்களை தினமும் மதியம் 12.30 முதல் 3 மணி வரை பாதுகாப்பதை நோக்கமாகக் கொண்டுள்ளது.

மேலும், மதியவேளை இடைவேளையின் போது, தொழிலாளர்கள் ஓய்வெடுக்கும் வகையில் நிழலான இடத்தை முதலாளிகள் வழங்க வேண்டும் என்று வலியுறுத்தப்பட்டுள்ளது. விதிகளை மீறினால், ஒரு தொழிலாளிக்கு 5,000 திர்ஹம் வீதம் அதிகபட்சமாக 50,000 திர்ஹம் வரை அபராதம் விதிக்கப்படும்.

அதேசமயம், மதிய இடைவேளைக் கொள்கையின் மீறல்கள் குறித்து புகாரளிக்க, மத்திய மனிதவள மற்றும் குடியேற்ற அமைச்சகத்தின் கால் சென்டர் எண் 600 590 000க்கு தொடர்பு கொள்ளுமாறும் அறிவுறுத்தப்பட்டுள்ளது.