துபாய் சாலிக் கட்டண முறையில் மாற்றம்.. இனி சாலிக் கேட்டை இலவசமாகவும் கடக்கலாம்.. RTA வெளியிட்ட அறிவிப்பு..!!

துபாயின் சாலைகள் மற்றும் போக்குவரத்து ஆணையம் (RTA) நகரத்தில் போக்குவரத்து ஓட்டத்தை மேம்படுத்துவதற்கு மேற்கொள்ளும் விரிவான திட்டத்தின் ஒரு பகுதியாக, மாறுபட்ட சாலை கட்டண விலை (Variable Road Toll Pricing – salik) மற்றும் மாறுபட்ட பார்க்கிங் கட்டணக் கொள்கைகளை (Variable Parking Tariff Policies) செயல்படுத்தப் போவதாக அறிவித்துள்ளது.

2025 ஆம் ஆண்டு ஜனவரி மாத இறுதியில் தொடங்கப்படும் இந்த மாறுபட்ட சாலை சுங்க கட்டண முறையின் கீழ், ஷேக் சையத் சாலையில் அதிகாலை 1 மணி முதல் அதிகாலை 6 மணி வரை சாலிக் கேட் வழியாக பயணிக்கும் வாகன ஓட்டிகளுக்கு கட்டணமில்லா இலவச பயணத்தை வழங்கும் என்று கூறப்பட்டுள்ளது.

RTA வெளியிட்டுள்ள அறிவிப்பின் படி, வார நாட்களில், காலை 6 முதல் 10 மணி வரை பீக் ஹவர்ஸிலும், மாலை 4 மணி முதல் இரவு 8 மணி வரை பீக் ஹவர்ஸிலும் டோல் கட்டணம் 6 திர்ஹம்ஸ் ஆக இருக்கும் என்று அறிவிக்கப்பட்டுள்ளது.

அத்துடன், வாகன நெரிசல் அதிகம் இல்லாத நேரங்களில், அதாவது காலை 10 மணி முதல் மாலை 4 மணி வரையிலும், இரவு 8 மணி முதல் நள்ளிரவு 1 மணி வரையிலும் சாலிக் கேட் வழியாக பயணிப்பதற்கான கட்டணம் 4 திர்ஹம்களாக இருக்கும் என்றும் கூறப்படுகிறது.

அதேபோல், பொது விடுமுறைகள், சிறப்பு சந்தர்ப்பங்கள் அல்லது முக்கிய நிகழ்வுகள் தவிர்த்து மற்ற ஞாயிற்றுக்கிழமைகளில் நாள் முழுவதும் கட்டணம் 4 திர்ஹம்ஸ் ஆகவும், அதிகாலை 1 மணி முதல் காலை 6 மணி வரை இலவசமாகவும் இருக்கும் என்று தெரிவிக்கப்பட்டுள்ளது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel