துபாய் மாலின் குறிப்பிட்ட பார்க்கிங் பகுதிகள், எக்ஸிட் ராம்ப்களில் தற்காலிக மூடல் அறிவிப்பு!!

துபாய் மால் அதன் பல பார்க்கிங் பகுதிகள் மற்றும் சாய்வுப் பாதைகளில் (ramp) தற்காலிக மூடல்கள் மற்றும் மாற்று வழிகளை அறிவித்துள்ளது. மாலில் விரிவாக்கப் பணிகள் நடைபெற்று வரும் நிலையில், அதன் அதிகாரப்பூர்வ சமூக ஊடக சேனல்கள் மூலம் இந்த புதுப்பிப்பைப் பகிர்ந்து கொண்டது. எனவே, இந்த காலகட்டத்தில் துபாய் மாலுக்கு வரும் பார்வையாளர்கள் முன்கூட்டியே திட்டமிடுமாறு அறிவுறுத்தப்படுகின்றது.

மூடப்பட்ட பகுதிகள்:

• லோயர் ஃபைனான்சியல் எக்ஸிட் ராம்ப் (Lower Financial Exit ramp)
• கிராண்ட் டிரைவ் வேலட் சேவைகள் (Grand Drive Valet services)
• அப்பர் ஃபைனான்சியல் எக்ஸிட் ராம்ப் (Upper Financial Exit Ramp)

துபாய் மால் நிர்வாகம் வெளியிட்ட அறிவிப்பின் படி, வழக்கமாக இந்தப் பிரிவுகள் வழியாகச் செல்லும் போக்குவரத்து இப்போது கிராண்ட் டிரைவ் மற்றும் சினிமா P3 வழியாக திருப்பி விடப்படும். இதனிடையே, கிராண்ட் பார்க்கிங் வருகின்ற ஜூன் முதல் தற்காலிகமாக மூடப்படும் என்றும், புதிய கிராண்ட் டிரைவ் ஆகஸ்ட் மாதத்திற்குள் திறக்கப்படும் என்றும் மால் உறுதிப்படுத்தியுள்ளது.

சுமூகமான வருகையை உறுதிசெய்ய, மாலிற்கு செல்பவர்கள் ஆன்சைட் அடையாளங்களைப் பின்பற்றவும், மாற்று வழிகள் காரணமாக கூடுதல் பயண நேரத்தை அனுமதிக்கவும் அறிவுறுத்தப்படுகிறார்கள். பார்க்கிங் மாற்றங்களுடன் கூடுதலாக, துபாய் மால் சமீபத்தில் துபாய் ஃபவுன்டைனை புதுப்பித்தலுக்காக ஐந்து மாத தற்காலிகமாக மூடுவதாக அறிவித்தது குறிப்பிடத்தக்கதாகும்.

கட்டண பார்க்கிங் அமைப்பு

ஜூலை 1, 2024 முதல், துபாய் மால் சாலிக் உடன் இணைந்து கட்டண பார்க்கிங் அமைப்பை அறிமுகப்படுத்தியது. அதன்படி புதிய கட்டண பார்க்கிங் முறை பொருந்தும் இடங்கள்:

• கிராண்ட் பார்க்கிங்
• சினிமா பார்க்கிங்
• ஃபேஷன் பார்க்கிங்

எவ்வாறாயினும், ஜபீல் மற்றும் ஃபவுண்டன் வியூஸ் பார்க்கிங் பகுதிகள் இலவசமாக இருக்கும். துபாய் மாலில் இந்த அமைப்பு வார நாட்களில் 4 இலவச மணிநேரங்களையும் வார இறுதி நாட்களில் (வெள்ளி முதல் ஞாயிறு வரை) 6 இலவச மணிநேரங்களையும் வழங்குகிறது. அதற்கு அப்பால், பயன்படுத்தப்படும் நேரத்தின் அடிப்படையில் கட்டணங்கள் கணக்கிடப்படுகின்றன, அதிகபட்ச கட்டணம் 24 மணி நேரத்திற்கு 1,000 திர்ஹம்ஸ் வரை ஆகும்.

எல்லாவற்றுக்கும் மேலாக, மாலில் நம்பர் பிளேட் (license plate) அங்கீகாரத்தைப் பயன்படுத்தும் தடையற்ற அமைப்பு (barrier free parking system) இப்போது செயல்பாட்டில் உள்ளது. எனவே ஷாப்பிங் செய்பவர்கள் வருகைக்கு முன் மால் புதுப்பிப்புகளைச் சரிபார்க்கவும், பார்க்கிங் மற்றும் அணுகலுக்கான கூடுதல் நேரத்தைக் கருத்தில் கொள்ளவும் ஊக்குவிக்கப்படுகிறார்கள்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel