மத அதிகாரிகளால் கடந்த மாதம் அறிவிக்கப்பட்ட நாடு தழுவிய அட்டவணையின்படி, ஐக்கிய அரபு அமீரகம் முழுவதும் வெள்ளிக்கிழமை ஜூம்ஆ தொழுகையானது இன்று (ஜனவரி 2) முதல் மதியம் 12.45 மணிக்கு நடைபெறும் என கூறப்பட்டுள்ளது.
புத்தாண்டின் முதல் வெள்ளிக்கிழமையான இன்று முதல் அமலுக்கு வரும் இந்த மாற்றம், அனைத்து எமிரேட்ஸ் மற்றும் மசூதிகளிலும் ஒருங்கிணைந்த தொழுகை நேரத்தை நிறுவுகிறது என்று இஸ்லாமிய விவகாரங்கள், அறக்கட்டளைகள் மற்றும் ஜகாத் பொது ஆணையம் தெரிவித்துள்ளது. எனவே தொழுகையை தவறவிடாமல் இருக்க வழிபாட்டாளர்கள் சீக்கிரமாக வருமாறு கேட்டுக் கொள்ளப்பட்டுள்ளனர்.
இந்த புதிய அட்டவணையின் கீழ், வெள்ளிக்கிழமை தொழுகை பிற்பகல் 12:45 மணிக்கு அதாவது இதற்கு முன்பிருந்த நேரத்தை விட அரை மணி நேரத்திற்கு முன்னதாகவே தொடங்கும் என கூறப்பட்டுள்ளது. மேலும், தொழுகையை தவறவிடுவதைத் தவிர்க்கவும், சரியான நேரத்தில் கலந்துகொள்வதற்கான முழு பலனையும் பெறுவதை உறுதிசெய்யவும், வழிபாட்டாளர்கள் மசூதிகளுக்கு சீக்கிரமாக வருமாறு ஆணையம் வலியுறுத்தியுள்ளது.
இந்த முடிவு நாடு முழுவதும் வெள்ளிக்கிழமை தொழுகை நேரங்களை தரப்படுத்துகிறது, அமைப்பை மேம்படுத்த உதவுகிறது மற்றும் நாடு முழுவதும் உள்ள அனைத்து வழிபாட்டாளர்களுக்கும் நிலைத்தன்மையை உறுதி செய்கிறது என கூறப்பட்டுள்ளது.
கடந்த 2022 முதல் அமீரகத்தில் வெள்ளிக்கிழமைக்கு பதிலாக சனி, ஞாயிறு விடுமுறைகள் மாற்றியமைக்கப்பட்டதை தொடர்ந்து நாடு முழுவதும் வெள்ளிக்கிழமையில் ஒரே நேரத்தில் ஆண்டு முழுவதும் தொழுகை நடத்தப்படும் என அறிவிக்கப்பட்டது. அந்த அறிவிப்பை தொடர்ந்து கடந்த 4 வருடங்களாக வெள்ளிக்கிழமை பிற்பகல் 1.15 மணிக்கு சிறப்பு தொழுகை நடத்தப்பட்டு வருகின்றது. இந்நிலையில் அமீரக அரசு இந்த புதிய நேர மாற்றத்தை அறிவித்துள்ளது குறிப்பிடத்தக்கது.
