அபுதாபி காவல்துறை மற்றும் சயீத் போக்குவரத்து அமைப்பு (Saaed Traffic Systems) நிறுவனத்தின் ஜெனரல் கமாண்ட் இன்று (வெள்ளிக்கிழமை) அபுதாபியில் ஏற்படும் சிறிய விபத்துகளைப் புகாரளிக்க Saaed Smart அப்ளிகேஷனை பயன்படுத்துமாறு வாகன ஓட்டிகளை வலியுறுத்தியுள்ளது. மேலும் இத்தகைய சிறிய விபத்துகளுக்கு அவசர எண்ணான 999 ஐத் தொடர்பு கொள்ள வேண்டாம் எனவும் கேட்டுக்கொண்டுள்ளது. அத்துடன் இந்த அப்ளிகேஷன ஆகஸ்ட் 1 வியாழன் முதல் செயல்படும் எனவும் கூறப்பட்டுள்ளது.
அதுமட்டுமல்லாமல் போக்குவரத்துக்கு இடையூறு ஏற்படாத வகையில் விபத்தில் சிக்கிய வாகனங்களை சாலையை விட்டு பாதுகாப்பான இடத்திற்கு நகர்த்துவதன் முக்கியத்துவத்தையும் காவல்துறை வலியுறுத்தியுள்ளது. வாகனங்களை சாலையின் நடுவில் நிறுத்துவது போக்குவரத்து விதிமீறல் என்றும், இதற்கு 1,000 திர்ஹம் அபராதம் மற்றும் ஆறு கருப்பு புள்ளிகள் விதிக்கப்படும் என்றும் காவல்துறையினர் எச்சரித்துள்ளனர்.
வாகன ஓட்டிகள், சிறிய விபத்து ஏற்பட்டால், விபத்து நடந்த இடத்திலிருந்தே, டேட்டாவை நிறைவு செய்வதற்கான எளிய வழிமுறைகள் மற்றும் நடைமுறைகளைப் பின்பற்றி, அப்ளிகேஷன் மூலம் விபத்து அறிக்கையை கோரலாம். அவர்கள் ஒரு மேப்பின் மூலம் இருப்பிடத்தைத் துல்லியமாகக் கண்டறிந்து, விபத்து மற்றும் அதனால் ஏற்பட்ட சேதங்களின் விவரங்களை நிமிடங்களில் பதிவேற்றலாம். பின்னர் அவர்கள் கோரிக்கையின் ரசீது மற்றும் விபத்து அறிக்கையை (accident report) வழங்குவதற்கான உறுதிப்பாட்டை ஸ்மார்ட் அறிவிப்புகள் மூலம் பெறுவார்கள் என கூறப்பட்டுள்ளது.
செயல்முறை
- அப்ளிகேஷனிற்கு செல்லவும்
- விபத்து அறிக்கை சேவையைத் தேர்வு செய்யவும்
- ஃபோன் எண்ணை உள்ளிடவும், இதனால் விபத்து நடந்த இடத்தை கணினி தானாகவே தீர்மானிக்கும்
- விபத்து வகையைத் தேர்ந்தெடுப்பது உள்ளிட்ட விருப்பங்களைத் தேர்ந்தெடுக்கவும்
- காரின் உரிமையின் புகைப்படத்தைப் பதிவேற்றவும்
- ஓட்டுநர் உரிமத்தின் புகைப்படத்தைப் பதிவேற்றவும்
- வாகனத்தின் புகைப்படத்தையும் அதனால் ஏற்படும் சேதத்தையும் பதிவேற்றவும்
- விபத்துக்குள்ளான மற்ற வாகனம் மற்றும் சேதத்தின் புகைப்படத்தை பதிவேற்றவும்
- விபத்து ஏற்படுத்திய மற்றும் பாதிக்கப்பட்ட நபர் பற்றிய அனைத்து தகவல்களையும் சரிபார்த்து, விபத்து தொடர்பான அனைத்து வாகனங்களையும் சேர்க்கவும்
- கோரிக்கை செயல்முறையை வெற்றிகரமாக முடிக்க ‘சரி’ என்பதைத் தேர்ந்தெடுக்கவும்
- அதன்பின் வாகன ஓட்டிக்கு கோரிக்கை எண் வழங்கப்படும்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
