அமீரகத்தில் தொடர்ந்து பதிவாகும் குறைவான கொரோனா தொற்று..!!

அமீரகத்தில் இன்று (செவ்வாய்க்கிழமை, அக்டோபர் 12, 2021) புதிதாக 136 பேருக்கு கொரோனா இருப்பது உறுதி செய்யப்பட்டுள்ளதாக அமீரகத்தின் சுகாதார மற்றும் தடுப்பு அமைச்சகம் (MoHAP) சார்பாக அறிவிக்கப்பட்டுள்ளது. இதனால் அமீரகத்தில் கொரோனா பாதித்தவர்களின் மொத்த எண்ணிக்கையானது 738,026 ஆக உயர்ந்துள்ளது.

மேலும் அமீரகத்தில் இன்று கொரோனாவிற்கு ஒருவர் உயிரிழந்துள்ளார். இதனால் அமீரகத்தில் கொரோனாவால் உயிரிழந்தோரின் எண்ணிக்கை 2,115 ஆக அதிகரித்துள்ளது.

இன்றைய நாளில் மட்டும் 174 பேர் குணமடைந்துள்ளதாகவும், இதுவரையில் 731,469 பேர் கொரோனாவால் பாதிக்கப்பட்டு முழுவதுமாக குணமடைந்துள்ளதாகவும் தெரிவிக்கப்பட்டுள்ளது.