ஐக்கிய அரபு அமீரகத்தின் தேசிய வானிலை ஆய்வு மையம் (NCM) வெளியிட்ட தகவல்படி, ஏப்ரல் 9 முதல் நிலையற்ற வானிலை நிலவுவதால், நாடு முழுவதும் உள்ள மக்கள் மீண்டும் மழைக்கால வானிலையை அனுபவித்து வருகின்றனர்.
கடந்த மார்ச் மாதத்தில் பெய்த கனமழைக்குப் பிறகு, ஏப்ரல் மாதம் இலேசானது முதல் மிதமான மழையைக் கொண்டுவரும் என்று எதிர்பார்க்கப்படுகிறது, இருப்பினும் சில பகுதிகளில் அவ்வப்போது கனமழை பெய்யக்கூடும் என்று தேசிய வானிலை மையம் கூறியுள்ளது.
இந்நிலையில், அமீரகத்தின் புயல் மையம் (Storm Centre) மழை தொடர்பான வீடியோக்களை சமூக ஊடகங்களில் பகிர்ந்து வருகிறது. அந்த வீடியோக்களில், மழையானது பாலைவன நிலப்பரப்புகளையும் சாலைகளையும் ஒரே மாதிரியாக மாற்றியமைப்பதைக் காணமுடிகிறது, இது நாடு முழுவதும் இத்தகைய வானிலை கொண்டுவரும் மகிழ்ச்சியை எடுத்துக்காட்டுகிறது.
الامارات : الان هطول امطار الخير على ام الزمول جنوب العين#مركز_العاصفة #اخبار_الامارات
— مركز العاصفة (@Storm_centre) April 11, 2026
11_4_2026 pic.twitter.com/c6tQvGkKk4
இதற்கிடையில், அமீரகத்தின் தேசிய வானிலை ஆய்வு மையம் (NCM), வெப்பச்சலன மேகங்கள் உருவாவதற்கான மஞ்சள் எச்சரிக்கையை விடுத்துள்ளது. மேலும், வெள்ளிக்கிழமை முதல் திங்கட்கிழமை வரை பெய்யும் மழையின் போது பார்வைத் தெளிவு குறைவாக இருக்கும் என்றும், இந்த நிலை ஏப்ரல் 13 வரை தொடரும் என்றும் மையம் எச்சரித்துள்ளது.
அமீரகத்தின் மீது உள்ள பல வளிமண்டல அமைப்புகளால் இந்த வானிலை ஏற்படுகிறது என்று நிபுணர்கள் கூறுகின்றனர். அரேபியக் கடலில் இருந்து வரும் ஒரு குறைந்த அழுத்த அமைப்பும், மத்திய கிழக்கிலிருந்து நகரும் மேல் வளிமண்டலத்தில் உள்ள மற்றொரு அமைப்பும் இணைந்து, இப்பகுதியில் ஈரப்பதத்தையும் மேக செயல்பாடுகளையும் அதிகரிக்கின்றன என்று தேசிய வானிலை மையத்தின் மூத்த வானிலை ஆய்வாளர் அகமது ஹபீப் விளக்கமளித்துள்ளார்.
வானிலை அறிக்கையின் படி, துபாய், ஷார்ஜா, அபுதாபி மற்றும் ராஸ் அல் கைமா உள்ளிட்ட நகரங்களில் லேசானது முதல் மிதமான மழை பெய்யும் என எதிர்பார்க்கப்படுகிறது. குறிப்பாக அல் தஃப்ரா மற்றும் அல் அய்ன் பகுதிகளில் அவ்வப்போது கனமழை பெய்ய வாய்ப்புள்ளதாகத் தெரிவிக்கப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
