அமீரகத்தில் கடந்த சில நாட்களாக கொரோனா தொற்றானது அதிகரித்து வந்த நிலையில் தற்பொழுது 500 க்கும் அதிகமான தினசரி நோய்த்தொற்று பதிவாகியுள்ளன.
அமீரகத்தில் இன்று (வியாழக்கிழமை, ஜூன் 2, 2022) வெளியிட்டுள்ள அறிவிப்பில் கடந்த ஒரு நாளில் மட்டும் 575 பேருக்கு கொரோனா இருப்பது உறுதி செய்யப்பட்டுள்ளதாக அமீரகத்தின் சுகாதார மற்றும் தடுப்பு அமைச்சகம் (MoHAP) சார்பாக அறிவிக்கப்பட்டுள்ளது. இதனால் அமீரகத்தில் கொரோனா பாதித்தவர்களின் மொத்த எண்ணிக்கையானது 909,222 ஆக உயர்ந்துள்ளது.
மேலும் அமீரகத்தில் இன்று கொரோனாவிற்கு எவரும் உயிரிழக்கவில்லை. இதனால் அமீரகத்தில் கொரோனாவால் உயிரிழந்தோரின் எண்ணிக்கையில் மாற்றமில்லாமல் 2,305 ஆக இருக்கின்றது.
கடந்த ஒரு நாளில் மட்டும் 449 பேர் குணமடைந்துள்ளதாகவும், இதுவரையில் 892,687 கொரோனாவால் பாதிக்கப்பட்டு முழுவதுமாக குணமடைந்துள்ளதாகவும் தெரிவிக்கப்பட்டுள்ளது.
