ஈரான் உடனான இஸ்ரேல், அமெரிக்கா ஆகிய நாடுகளின் மோதலானது, தொடர்ந்து ஏழாவது நாளாக நீடிக்கும் நிலையில், ஐக்கிய அரபு அமீரகத்தில் உள்ள இராணுவ தளங்களை குறிவைத்து நடத்தப்படும் வான்வழி தாக்குதல்களை நாட்டின் வான் பாதுகாப்பு அமைப்புகள் தொடர்ந்து தடுக்கின்றன. இதுவரை டஜன் கணக்கான ட்ரோன்கள் மற்றும் ஏவுகணைகள் வெற்றிகரமாக இடைமறிக்கப்பட்டதாகவும், பெரிய சேதத்தைத் தடுத்ததாகவும் அதிகாரிகள் உறுதிப்படுத்தியுள்ளனர், இருப்பினும் சில பகுதிகளில் விழும் குப்பைகள் காரணமாக காயங்கள் அதிகரித்துள்ளன.
ஈரான் சம்பந்தப்பட்ட தற்போதைய பிராந்திய மோதலுடன் தொடர்புடைய சமீபத்திய தாக்குதளில் சுமார் 109 ட்ரோன்கள் மற்றும் ஒன்பது பாலிஸ்டிக் ஏவுகணைகளை இடைமறித்துள்ளதாக அமீரக அதிகாரிகள் தெரிவித்துள்ளனர்.
அதிகாரிகள் வெளியிட்டுள்ள விபரங்களின் படி, மொத்தம் 112 ட்ரோன்கள் கண்டறியப்பட்டன, அவற்றில் 109 ஏவுகணைகளை அவற்றின் இலக்குகளை அடைவதற்கு முன்பே வெற்றிகரமாக அழிக்கப்பட்டன. இருப்பினும், மூன்று ட்ரோன்கள் அமீரக எல்லைக்குள் விழுந்தன, இதனால் ஓரளவு சேதம் ஏற்பட்டதாகக் கூறப்பட்டுள்ளது
மேலும், இந்த தாக்குதல்களால் பதிவான காயங்களின் எண்ணிக்கை 112 ஆக உயர்ந்துள்ளதாக அதிகாரிகள் தெரிவித்தனர், இவற்றில் பெரும்பாலான வழக்குகள் இடைமறிக்கப்பட்ட ட்ரோன்கள் மற்றும் ஏவுகணைகளின் குப்பைகளுடன் தொடர்புடையவை என்பதையும், பல காயங்கள் சிறியவை என்பதையும் அதிகாரிகள் குறிப்பிட்டுள்ளனர்.
தொடர்ந்து அமீரகத்தின் மேம்பட்ட பாதுகாப்பு அமைப்புகள் பெரும்பாலான வான்வழி அச்சுறுத்தல்களை தொடர்ந்து நடுநிலையாக்கி, குடியிருப்பு பகுதிகள் மற்றும் முக்கியமான உள்கட்டமைப்பைப் பாதுகாக்க உதவுகின்றன என்று அதிகாரிகள் உறுதியளிக்கின்றனர்.
ஒரு பக்கம் தாக்குதல்கள் இருந்தபோதிலும், ஐக்கிய அரபு அமீரகம் முழுவதும் அன்றாட வாழ்க்கை வழக்கம் போல் தொடர்கிறது என்றும், பாதுகாப்பு மற்றும் அவசரகால குழுக்கள் எந்தவொரு முன்னேற்றங்களுக்கும் பதிலளிக்க அதிக எச்சரிக்கையுடன் இருப்பதாகவும் அதிகாரிகள் தெரிவித்துள்ளனர்.
ஆகவே, தற்போதைய சூழ்நிலையில் வதந்திகள் அல்லது சரிபார்க்கப்படாத உள்ளடக்கம் பரவுவதைத் தவிர்க்குமாறும், அதிகாரப்பூர்வ பாதுகாப்பு வழிமுறைகளைப் பின்பற்றவும், அரசாங்க ஆதாரங்களில் இருந்து வரும் தகவல்களை மட்டுமே நம்பவும் குடியிருப்பாளர்கள் வலியுறுத்தப்பட்டுள்ளனர்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link:Khaleej Tamil Whatsapp Channel
