அமீரகத்தில் நோயாளிகளை மகிழ்விக்க இசை நிகழ்ச்சி நடத்திய AR ரஹ்மான்..அமீரகத்தின் தந்தை மறைந்த ஷேக் சையத்திற்கு அஞ்சலி..!!

ஐக்கிய அரபு அமீரகத்தின் 52 வது யூனியன் தினத்தை முன்னிட்டு, அமீரகத்தின் தந்தை மறைந்த ஷேக் சையத் பின் சுல்தான் அல் நஹ்யான் அவர்களுக்கு அபுதாபியில் உள்ள மருத்துவமனையில், தமிழகத்தின் பிரபல இசையமைப்பாளர் AR ரஹ்மான் மற்றும் 52 உறுப்பினர்களைக் கொண்ட ஃபிர்தௌஸ் ஆர்கெஸ்ட்ரா (Firdaus Orchestra) என்ற பெண்கள் அடங்கிய இசைக்குழுவினர் சிறப்பு அஞ்சலி செலுத்தியுள்ளனர்.

புர்ஜீல் மெடிக்கல் சிட்டியின் (Burjeel Medical City) சர்குலர் ஆட்ரியத்தில் ‘சையத்தின் குழந்தைகளுக்காகப் பாடுவது (Singing for the Children of Zayed)’ என்ற தலைப்பில் நடைபெற்ற இந்த இசை நிகழ்ச்சி, குழந்தைகள் நாட்டின் உண்மையான செல்வம் மற்றும் பலம் என்று நம்பிய தொலைநோக்கு தலைவரின் போதனைகளுக்கு மரியாதை செலுத்தியுள்ளது.

அனைத்துப் பெண்களும் அடங்கிய இசைக்குழு தேசிய கீதமான ‘இஷி பிலாடி’ இன் எழுச்சியூட்டும் நிகழ்ச்சியை தொடங்கியதும், ஆட்ரியத்தில் ஒரு பெரிய கண்ணாடி ஊசல் ஷேக் சையத் அவர்களின் உருவப்படத்தை வரையத் தொடங்கி, இசைநிகழ்ச்சி முடியும் நேரத்தில் ஷேக் சயீத்தின் ஒளிரும் தங்க உருவப்படம் வரைந்து முடிக்கப்பட்டது.

தேசிய கீதத்தின் இசை நிகழ்ச்சியைத் தொடர்ந்து, இசைக்கலைஞர்கள் டான்ஸ், பரோக் ஃபிளமென்கோ, ஓவர்சாசேட், எக்ஸ்டஸி ஆஃப் கோல்ட் மற்றும் ஸ்பிரிட் ஆஃப் ரங்கீலா உள்ளிட்ட பாடல்களின் வரிசையை இசைத்து, இசை உபசரிப்பினால் நோயாளிகளை கவர்ந்துள்ளனர்.

மேலும் மருத்துவமனையில் இருக்கும் நோயாளிகள், சுகாதார நிபுணர்கள் மற்றும் பார்வையாளர்களை கவர்ந்திழுக்கும் வகையில், மோனிகா வுட்மேன் (Monica Woodman) இசைக்கலைஞர்களுடன் இசைக்குழுவை வழிநடத்தியுள்ளார்.

இந்த இசை நிகழ்ச்சி குறித்து கருத்து தெரிவித்த அப்துல் ரஹ்மான் என்ற நோயாளி, “சவாலான காலங்களுக்கு மத்தியில், இந்த இசை கொண்டாட்டம் ஆறுதல் மற்றும் உத்வேகத்தின் ஆதாரமாகவும் குணப்படுத்தும் அனுபவமாகவும் இருந்தது, இது பகிரப்பட்ட மனிதநேயம் மற்றும் சமூகத்தில் உள்ள வலிமையை எனக்கு நினைவூட்டுகிறது” என்று குறிப்பிட்டுள்ளார்.

இது தொடர்பாக AR ரஹ்மான் பேசுகையில் புர்ஜீல் ஹோல்டிங்ஸுக்கு ஒரு பிரத்யேக பாடலை உருவாக்க இருப்பதாக தெரிவித்துள்ளார். மேலும் அந்த பாடல் குறித்து அவர் கூறுகையில், புர்ஜீல் ஹோல்டிங்ஸுக்கு நம்பிக்கையின் பாடலை உருவாக்குவதே முழு யோசனையும் ஆகும் என குறிப்பிட்டுள்ளார்.

மேலும், இது ஐக்கிய அரபு அமீரகத்தில் தன்னலமின்றி உழைக்கும் அனைவரையும் கௌரவிக்கும் வகையிலான பாடல் இது. உலகிற்கு இன்று நம்பிக்கை தேவை. பாடல் அமைதியையும், புரிதலையும், மகிழ்ச்சியையும் தருவதாக நம்புகிறேன். இங்கிருக்கும் அனைவரும் விரைவில் குணமடைய எனது பிரார்த்தனைகள்” என்று கூறியுள்ளார்.

அவரைத் தொடர்ந்து பேசிய புர்ஜீல் ஹோல்டிங்ஸின் நிறுவனரும் தலைவருமான டாக்டர் ஷம்ஷீர் வயலில், “இந்த மகத்தான நாட்டின் மக்களுக்கு சேவை செய்ய எங்களுக்கு ஒரு வாய்ப்பை வழங்கியதற்காக இந்த நாட்டின் தலைவர்களுக்கு நாங்கள் நன்றி தெரிவிக்க விரும்புகிறோம். இந்த நாட்டின் கோவிட் -19 மாவீரர்களையும் தியாகிகளையும் மறக்காமல் இந்த தருணத்தில் நாங்கள் தலைநிமிர்ந்து நிற்கிறோம்.” என்று குறிப்பிட்டுள்ளார்.

ஃபிர்தௌஸ் ஆர்கெஸ்ட்ரா என்பது துபாயில் உள்ள எக்ஸ்போ சிட்டியில் இருந்து அசல் நிறுவனத்தை உருவாக்குவதற்கான ஒரு முயற்சியாகும், இது இசையமைப்பாளர் ரஹ்மான் அவர்களால் வழிகாட்டப்படுகிறது. சர்வதேச ஒத்துழைப்புக்கான மாநில அமைச்சர் ரீம் அல் ஹாஷிமியால் ஆதரிக்கப்படும் இந்த இசைக்குழு ஐக்கிய அரபு அமீரகத்தின் பெருமை என்று ஆஸ்கார் மற்றும் கிராமி விருது பெற்ற இசைக்கலைஞர் AR ரஹ்மான் தெரிவித்துள்ளார்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel