நீங்கள் அமீரக நீதிமன்றத்தில் சிவில் வழக்கு ஏதேனும் தாக்கல் செய்துள்ளீர்களா? உங்களது ரெசிடென்சி விசா காலாவதியாகிறது என்றால், நீங்கள் நீதிமன்ற வழக்கை எவ்வாறு தொடர்வது என்பது பற்றிய தெளிவான விவரம் தெரியவில்லையா? உங்களுக்கான முக்கிய விவரங்களுடன் தெளிவான பதில்கள் இங்கே கொடுக்கப்பட்டுள்ளது.
இப்போது நீங்கள் ஒரு வாதியாக தனிநபர் ஒருவருக்கெதிராக துபாய் நீதிமன்றத்தில் சட்ட நடவடிக்கை தொடங்கியிருக்கிறீர்கள் என்று எடுத்துக் கொள்வோம். அவ்வாறு நீங்கள் தொடர்ந்துள்ள சிவில் வழக்கில் உங்களைப் பிரதிநிதித்துவப்படுத்துகிறீர்கள் என்றும் கருதப்படுகிறது.
எனவே, இது 2022 ஆம் ஆண்டின் சிவில் நடைமுறைச் சட்டத்தின் 42 ஆம் எண் ஃபெடரல் ஆணைச் சட்டத்தின் விதிகள் மற்றும் வெளிநாட்டவர்களின் நுழைவு மற்றும் வதிவிடத்தைப் பற்றிய 2021 ஆம் ஆண்டின் 29 ஆம் எண் ஃபெடரல் ஆணைச் சட்டத்திற்கு பொருந்தும்.
பொதுவாக அமீரகத்தில் ஒரு தனிநபர் வழக்கைத் தாக்கல் செய்தால், அவரோ அல்லது அவரது அதிகாரப் பத்திரம் வைத்திருப்பவரோ அல்லது அவரது வழக்கறிஞரோ அனைத்து நீதிமன்ற விசாரணைகளிலும் கலந்து கொள்ள வேண்டும்.
ஒருவேளை, வழக்கைத் தாக்கல் செய்த நபர் தனிப்பட்ட முறையிலோ அல்லது அவரது வழக்கறிஞர் மூலமாகவோ விசாரணைக்கு வரவில்லை என்றால், அந்த வழக்கு நீதிமன்றத்தால் தள்ளுபடி செய்யப்படலாம் என்பதை நீங்கள் நினைவில் கொள்ள வேண்டும்.
அமீரக சிவில் நடைமுறைகள் சட்டத்தின் பிரிவு 58இன் படி, ஒரு தனிநபர் (வாதி) நீதிமன்ற விசாரணைகளில் நேரில் கலந்து கொள்ள முடியாவிட்டால், சம்பந்தப்பட்ட சிவில் வழக்கில் நீதிமன்றத்திற்கு முன் அவரைப் பிரதிநிதித்துவப்படுத்த ஒரு வழக்கறிஞரை நியமிக்கலாம்.
அமீரக சிவில் நடைமுறைகள் சட்டத்தின் பிரிவு 328இல் கூறப்படுவது என்ன?
- சட்டத்தின்படி அவர்கள் யாரை வழக்கறிஞராக நியமிப்பார்களோ அவர்களை நீதிமன்றம் ஏற்றுக்கொள்ளும்.
- வழக்கறிஞர் தனது வாதிக்கான நியமனப் பதிலாள் அதிகாரப்பூர்வ ஆவணம் மூலம் நிறுவ வேண்டும்.
- அமர்வின் நிமிடங்களில் பதிவு செய்யப்பட்ட அறிவிப்பின் மூலம் வழக்கறிஞரின் அதிகாரம் செய்யப்படலாம். மேலும், அமீரகத்தில் தனிநபர்கள் அல்லது நிறுவனங்கள் அவர்களுக்கு எதிரான வழக்குகளில் ஆன்லைனில் ஆடியோ வீடியோ கான்பரன்ஸ் மூலமாகவும் நீதிமன்றத்தில் ஆஜராகலாம்.
எனவே, மேற்கூறிய அமீரக சட்டவிதிகளின் அடிப்படையில், உங்கள் ரெசிடென்சி விசா காலவதியாகும் பட்சத்தில், அதைப் புதுப்பிக்கலாம் மற்றும் நீதிமன்ற விசாரணைகளில் நேரிலோ அல்லது உங்கள் தரப்பில் வழக்கறிஞரோ கலந்து கொள்ளலாம்.
அதேவேளை, உங்கள் ரெசிடென்சி விசாவை புதுப்பிக்க முடியாமல் போனால், நீங்கள் உங்கள் சொந்த நாட்டிலிருந்தோ அல்லது வேறு எந்த நாட்டிலிருந்தோ நீதிமன்ற விசாரணையில் கலந்து கொள்ளலாம். அதேபோல், நீதிமன்றத்திற்கு உங்களின் நேரடி வருகை தேவைப்படும் பட்சத்தில், நீங்கள் விசிட் விசாவில் அமீரகத்திற்கு செல்ல வேண்டியிருக்கும்.
அதற்குப் பதிலாக, நீங்கள் தாக்கல் செய்த சிவில் வழக்கில் உங்கள் சார்பாக ஆஜராகுவதற்கு ஒரு தனிநபரையோ அல்லது வழக்கறிஞரையோ நீங்கள் பரிசீலிக்கலாம்.
மாறாக, உங்கள் அமீரக ரெசிடென்சி விசா காலாவதியான பிறகும் நீங்கள் நாட்டிலிருந்து வெளியேறாமல் தங்கியிருக்கிறீர்கள் என்றால், கூடுதலாகத் தங்கியிருக்கும் ஒவ்வொரு நாளுக்கும் அபராதங்களைச் செலுத்த வேண்டியிருக்கும் என்பதையும் நினைவில் கொள்ள வேண்டும்.
