ஐக்கிய அரபு அமீரகத்தின் பல்வேறு எமிரேட்களும் டிஜிட்டல்மயமாக்கல் முயற்சியின் ஒரு பகுதியாக பல்வேறு அரசு சேவைகளை ஆன்லைனில் வழங்கி வருகின்றன. அந்த வகையில், அஜ்மான் எமிரேட்டிலும் பல்வேறு அரசு சேவைகளை அணுக ‘AjmanOne’ என்ற ஸ்மார்ட் ஆப் அறிமுகப்படுத்தப்பட்டுள்ளது.
நீங்கள் அஜ்மானுக்கு புதிதாக வந்திருக்கிறீர்கள் அல்லது நீண்டகாலமாக தங்கியிருக்கிறீர்கள் என்றால், உங்கள் அன்றாடப் பணிகளை எளிமையாக்க இந்த ஆண்டின் தொடக்கத்தில் அறிமுகப்படுத்தப்பட்ட ‘AjmanOne’ ஆப் மிகவும் பயனுள்ளதாக இருக்கும். அஜ்மானில் பல்வேறு சேவைகளை அணுக ஏராளமான ஆப்ஸை டவுன்லோட் செய்வதற்குப் பதிலாக, இந்த ஒரு செயலியை பதிவிறக்கலாம்.
அப்ளிகேஷனை எவ்வாறு பயன்படுத்துவது?
இந்த ஆப் கூகுள் ப்ளே மற்றும் ஆப் ஸ்டோரில் கிடைக்கிறது, இது டாக்ஸியை முன்பதிவு செய்யவும், போக்குவரத்து அபராதம் மற்றும் பயன்பாட்டு பில்களை செலுத்தவும் உங்களை அனுமதிக்கிறது.
இந்த செயலியைப் பயன்படுத்த, உங்களிடம் UAE PASS கணக்கு இருக்க வேண்டும், இது நாட்டில் உள்ள குடிமக்கள், குடியிருப்பாளர்கள் மற்றும் பார்வையாளர்களின் தேசிய டிஜிட்டல் அடையாளமாகும்.
AjmanOne ஆப் வழங்கும் சேவைகள்:
1. உங்களின் அனைத்து பயன்பாட்டு பில்களையும் செலுத்துதல்
இந்த ஆப் மூலம், நீங்கள் பயன்படுத்தும் மின்சாரம், நீர் மற்றும் தொலைபேசி பில்களை செலுத்தலாம். நீங்கள் செலுத்தக்கூடிய சில பில்கள் இங்கே:
- Du
- Etisalat
- Etihad WE (இது வடக்கு எமிரேட்ஸின் மின்சாரம் மற்றும் நீர் ஆணையம்)
- அஜ்மான் கழிவுநீர் சேவை கட்டணம். ‘Ajman Sewerage’ என்பது கழிவு நீரை சேகரிக்கும் மற்றும் சுத்திகரிப்பு செய்யும் ஆணையம் ஆகும்.
2. உங்கள் போக்குவரத்து அபராதங்களை செலுத்துதல்
இது குடியிருப்பாளர்கள் தங்கள் போக்குவரத்து அபராதங்களைச் செலுத்த அனுமதிக்கிறது. நீங்கள் UAE PASS மூலம் உள்நுழைய வேண்டும் என்பதால், உங்கள் வாகனப் பதிவு விவரங்கள் தானாகவே பயன்பாட்டில் சேமிக்கப்படும், நீங்கள் எந்த விவரங்களையும் மேனுவலாக உள்ளிட வேண்டியதில்லை.
3. அஜ்மானில் பொது பார்க்கிங்கிற்கு பணம் செலுத்துதல்
இந்த சேவை அஜ்மானின் முனிசிபாலிட்டி மற்றும் திட்டமிடல் துறையால் வழங்கப்படுகிறது. நீங்கள் செய்ய வேண்டியது எல்லாம், கார் ப்ளேட் எண்ணை உள்ளிட்டு, கால அளவைத் தேர்ந்தெடுத்து, ஆன்லைனில் கட்டணத்தைச் செலுத்துவது மட்டுமே.
உங்கள் பெயரில் பதிவு செய்யப்பட்ட காராக இருந்தால், பிளேட் எண் தானாகவே UAE பாஸ் மூலம் உள்ளிடப்படும். நீங்கள் மற்றொரு வாகனத்திற்கு பணம் செலுத்த விரும்பினால், விவரங்களை மேனுவலாக உள்ளிடலாம்.
4. சாலிக் கட்டணம் செலுத்துதல்
அஜ்மான் குடியிருப்பாளர்கள் ஆப் வழியாக தங்கள் சாலிக் கணக்கை ரீசார்ஜ் செய்யலாம். நீங்கள் பயன்பாட்டில் ‘சாலிக்’ விருப்பத்தைத் தேர்ந்தெடுத்தால், உங்கள் சாலிக் கணக்கு விவரங்கள் தானாகவே கிடைக்கும். பின்னர், உங்கள் கணக்கிற்கு ரீசார்ஜ் செய்ய விரும்பும் தொகையைத் தேர்ந்தெடுத்து, உங்கள் கிரெடிட் அல்லது டெபிட் கார்டைப் பயன்படுத்தி பணம் செலுத்துங்கள்.
5. ‘Masaar’ கார்டை டாப் அப் செய்யுதல்
நீங்கள் அஜ்மானில் பொதுப் பேருந்து சேவையை அடிக்கடி பயன்படுத்துகிறீர்கள் என்றால், உங்கள் ‘மசார்’ கார்டை ஆன்லைனில் எளிதாக டாப் அப் செய்யலாம். முதலில் செயலியின் முகப்புப் பக்கத்தில் உள்ள ‘மசார்’ ஐகானைத் தட்டவும், பின்னர் உங்கள் மசார் கார்டில் எழுதப்பட்ட கணக்கு எண்ணை உள்ளிட்டு, உங்கள் கிரெடிட் அல்லது டெபிட் கார்டைப் பயன்படுத்தி டாப் அப் செய்யலாம்.
6. அருகில் உள்ள ATM இயந்திரத்தைக் கண்டறிதல்
நீங்கள் அவசரமாக பணம் எடுக்க வேண்டும், ஆனால் அருகில் ATM எங்கே இருக்கிறது என்று தெரியாவிட்டால், AjmanOne அப்ளிகேஷனைப் பயன்படுத்தி அருகிலுள்ள ஒன்றைக் கண்டறியலாம். இந்தச் சேவையை அணுக, உங்கள் மொபைலின் தனியுரிமை அமைப்புகளில் (privacy settings) உங்கள் இருப்பிடத்திற்கான (location) அணுகலை இயக்க வேண்டும்.
7. டாக்ஸியை முன்பதிவு செய்யவும்:
இந்த செயலியில் நீங்கள் டாக்ஸியையும் முன்பதிவு செய்யலாம். அதற்கு முகப்புப் பக்கத்தில் ‘Book a Taxi’ என்பதைத் தட்டி, பின்வரும் படிகளை பின்பற்ற வேண்டும்:
- உங்களின் முழு பெயர், மின்னஞ்சல் முகவரி மற்றும் மொபைல் எண் போன்ற விவரங்களை உள்ளிடவும்.
- ‘Send OTP’ என்பதைத் தட்டி, SMS மூலம் உங்களுக்கு அனுப்பப்பட்ட ஒருமுறை கடவுச்சொல்லை (OTP) உள்ளிடவும்.
- Search பட்டியில் உங்கள் இருப்பிடத்தைத் தேடவும்.
- சவாரியை பிற்காலத் தேதிக்கு திட்டமிட விரும்பினால் நேரத்தைத் தேர்வு செய்யவும்.
- பயணிகளின் எண்ணிக்கையைத் தேர்ந்தெடுத்து, ‘Confirm’ என்பதைக் கிளிக் செய்யவும். டாக்ஸி அருகில் இருந்தால் உங்களுக்குத் தெரிவிக்கப்படும்.
8. அருகிலுள்ள பேருந்து நிறுத்தம், மருந்தகம் அல்லது மருத்துவமனையைத் தேடுதல்:
நீங்கள் அஜ்மானுக்கு புதியவராக இருந்தால், இந்த ஒற்றை ஆப் மூலம் உங்களுக்கு அருகிலுள்ள பல்வேறு வசதிகளை எளிதாகக் கண்டறியலாம். முதலில் அப்ளிகேஷனை திறந்து, உங்கள் மொபைல் திரையின் கீழே உள்ள மெனுவில், ‘Explore’ என்பதைக் கிளிக் செய்யவும்.
அதையடுத்து, அஜ்மானில் உள்ள ATMகள், மருந்தகங்கள், மசூதிகள், பள்ளிகள், பேருந்து நிறுத்தங்கள், பேருந்து நிலையங்கள், பல்கலைக்கழகங்கள், நூலகங்கள், திரையரங்குகள் மற்றும் காவல் நிலையங்கள் போன்ற வசதிகளைக் கண்டறியும் விருப்பத்துடன் மேப்பிற்கு மாற்றப்படுவீர்கள். அதில் மெனுவை உருட்டி, நீங்கள் தேடும் வசதியைத் தேர்ந்தெடுத்தால், அவை மேப்பில் பின்களாகக் காண்பிக்கப்படும்.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
