துபாய் டாக்ஸிகளில் பொருட்களை விட்டுச் சென்றீர்களா? தொலைத்த பொருட்களை உடனடியாக புகாரளிப்பதற்கான வழிமுறைகள் இங்கே….

துபாயில் டாக்ஸிகளில் பயணிக்கும் போது உங்கள் பொருட்களை தொலைத்து விட்டாலோ அல்லது மறந்துவிட்டுச் சென்றாலோ பயப்பட வேண்டாம். RTA இன் ‘S’hail’ செயலியில் ஒரு அறிக்கையை தாக்கல் செய்தால் மட்டும் போதும், உங்கள் பொருள் கண்டுபிடிக்கப்பட்டதும் உங்களுக்கு அறிவிக்கப்படும்.

இதுவரை டாக்ஸிகளில் பயணிகள் விட்டுச்சென்ற கண்ணாடிகள், பணப்பைகள் மற்றும் ஷாப்பிங் பேக்குகள் முதல் 1 மில்லியன் திர்ஹம்ஸ் மதிப்புள்ள வைரங்கள் வரை பல்வேறு பொருட்களை துபாயின் டாக்ஸி ஓட்டுநர்கள் பாதுகாப்பாக திருப்பி அனுப்பியுள்ளனர்.

எனவே, துபாய் டாக்ஸியில் நீங்கள் எந்தப் பொருளை மறந்துவிட்டுச் சென்றாலும், RTAவின் படி, மறந்துபோன பொருளைத் திரும்பப் பெற உங்களுக்கு 99.9 சதவீதம் வாய்ப்பு உள்ளது என தெரிவிக்கப்பட்டுள்ளது.

டாக்ஸியில் தொலைந்து போன பொருட்களை எப்படிப் புகாரளிப்பது??

1. உங்கள் மொபைலில் ‘S’hail’ பயன்பாட்டைப் பதிவிறக்கி, அப்ளிகேஷனை திறந்ததும் திரையின் மேல் வலது மூலையில் உள்ள மெனு ஐகானைத் தேர்ந்தெடுக்கவும்.
2. மெனு பிரிவில் இருந்து ‘feedback’  வகையைப் பார்க்கும் வரை கீழே உருட்டவும்.
3. பின்னர், உங்கள் மொபைல் எண் மற்றும் மின்னஞ்சல் முகவரியை உள்ளிடவும்.
4. அடுத்து, ‘feedback’ பிரிவில் கீழ்தோன்றும் மெனுவிலிருந்து ‘Taxi Lost and Found’ விருப்பத்தைத் தேர்ந்தெடுக்கவும்.
5. அதில் நீங்கள் தொலைத்த பொருளைப் பற்றி விவரிக்கவும், உங்கள் டாக்ஸி பயணம் குறித்த வழி, தேதி மற்றும் நேரம் போன்ற விவரங்களை வழங்கவும். பயண ரசீதையும் வழங்கலாம். பிறகு, ‘Send Feedback’ என்பதைத் தட்டவும்.
6. தொலைந்து போன மற்றும் கண்டறியப்பட்ட அறிக்கையை பூர்த்தி செய்து முடித்ததும், உங்கள் பதிவு செய்யப்பட்ட மொபைல் எண்ணுக்கு SMS ஒன்றைப் பெறுவீர்கள், இது அறிக்கையின் நிலையைக் கண்காணிக்க உங்களை அனுமதிக்கும்.

உங்கள் பொருள் கண்டுபிடிக்கப்பட்டதும், டாக்ஸி டிரைவரின் மொபைல் எண்ணையும் SMS பெறுவீர்கள். இறுதியாக, டாக்ஸி ஓட்டுநர் உங்கள் தற்போதைய இருப்பிடத்திலோ அல்லது சந்திப்புப் புள்ளியிலோ உங்களின் பொருளை திருப்பித் தருவார்.

தொலைந்த பொருள் எப்போது கிடைக்கும்?

S’hail செயலியின்படி, உங்கள் அறிக்கையைப் பின்தொடர 10 நாட்கள் ஆகும். இருப்பினும், பல துபாய் டாக்ஸி வாடிக்கையாளர்கள் தங்கள் பொருட்களை சில மணிநேரங்கள் அல்லது நாட்களுக்குள் திருப்பி அனுப்பிய சம்பவங்களும் உண்டு.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel