அமீரகத்தில் நிலவும் மோசமான வானிலை: தனியார் துறை ஊழியர்கள் நாளை வீட்டில் இருந்து வேலை செய்ய அமைச்சகம் வலியுறுத்தல்..!!
ஐக்கிய அரபு அமீரகத்தில் உள்ள தனியார் துறை நிறுவனங்கள், நிலையற்ற வானிலை நிலவி வருவதன் காரணமாக நாளை (பிப்ரவரி 12 திங்கட்கிழமை), ஊழியர்களை வீட்டிலிருந்து வேலை செய்ய அனுமதிக்குமாறு வலியுறுத்தியுள்ளது. ஐக்கிய அரபு அமீரகத்தின் மனித வளங்கள் மற்றும் குடியேற்ற அமைச்சகம், அபாயகரமான நிலைமைகளைக் குறிக்கும் எச்சரிக்கைகளை வானிலைத் துறை வெளியிட்டதால், நெகிழ்வான வேலை முறைகளைப் பயன்படுத்துமாறு நிறுவனங்களுக்குத் தெரிவித்துள்ளது.
மேலும் வெளிப்புற வேலைகளை மீண்டும் தொடங்குவதற்கு அவசியமானால், தொழில்சார் சுகாதாரம் மற்றும் பாதுகாப்புத் தேவைகளுக்கு இணங்குவதற்கு நிறுவனங்களால் தேவையான நடவடிக்கைகள் எடுக்கப்பட வேண்டும் என்றும் அமைச்சகம் ஒரு அறிக்கையில் குறிப்பிட்டுள்ளது.
அதேபோல் ஐக்கிய அரபு அமீரக அமைச்சரவை பிப்ரவரி 12 திங்கட்கிழமை, அனைத்து மத்திய அரசு ஊழியர்களுக்கும் தொலைதூர வேலை நாளாக அறிவித்துள்ளது. துபாயில் உள்ள அரசு ஊழியர்கள் பிப்ரவரி 12 திங்கட்கிழமை தொலைதூரத்தில் வேலை செய்ய அனுமதிக்கப்பட்டுள்ளனர். இந்த முடிவானது துபாய் எமிரேட்டில் உள்ள அனைத்து அரசு நிறுவனங்களிலும் பணிபுரியும் இடத்தில் பணிக்கு வருகை தர வேண்டிய அவசியமான வேலைகளைத் தவிர மற்றவர்களுக்கு பொருந்தும் என கூறப்பட்டுள்ளது.
இன்று அமீரகத்தில் இருக்கும் அபுதாபி, துபாய், ஷார்ஜா, ஃபுஜைரா, அஜ்மான் மற்றும் ராஸ் அல் கைமாவில் மழை பெய்துள்ளதாக தேசிய வானிலை ஆய்வு மையம் (NCM) தெரிவித்துள்ளது. நாடு முழுவதும் இடி, மின்னல் மற்றும் ஆலங்கட்டி மழையுடன் கூடிய பலத்த காற்றுடன் மழை பெய்து வருவதாக உள்துறை அமைச்சகம் தெரிவித்துள்ளது.
இந்த நிலையற்ற வானிலையால் சாலைகளில் கிடைமட்டத் தெரிவுநிலையைக் குறைத்துள்ளன. மேலும் மோசமான வானிலை காரணமாக தனியார் பள்ளிகள், நர்சரிகள் மற்றும் பல்கலைக்கழகங்கள் பிப்ரவரி 12 திங்கள் அன்று மாணவர்களுக்கு தொலைதூரக் கல்வி விருப்பங்களை வழங்குமாறு கல்வித்துறையால் அறிவுறுத்தப்பட்டுள்ளதும் குறிப்பிடத்தக்கது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
