துபாய், அபுதாபியை விடவும் ஷார்ஜா, வடக்கு எமிரேட்ஸில் மலிவான விலையில் ஹெல்த் இன்சூரன்ஸ் அறிமுகப்படுத்தப்படும்.. அதிகாரிகள் தகவல்..!!

ஐக்கிய அரபு அமீரகத்தில் அனைத்து ஊழியர்களுக்கும் ஹெல்த் இன்சூரன்ஸ் கட்டாயமாக்கப்பட்டு இருப்பதால், ஷார்ஜா மற்றும் வடக்கு எமிரேட்ஸில் துபாய் மற்றும் அபுதாபியில் வழங்கப்படுவதை விட மலிவான காப்பீட்டு விருப்பங்கள் அறிமுகப்படுத்தப்படும் என்று நிபுணர்கள் செய்தி ஊடகங்களிடம் தெரிவித்துள்ளனர்.

நாடு முழுவதும் உள்ள கட்டாய மருத்துவக் காப்பீட்டுத் திட்டம் வருகிற ஜனவரி 1, 2025 முதல் நடைமுறைக்கு வரவிருக்கிறது. துபாய் மற்றும் அபுதாபியில் உள்ள அனைத்து ஊழியர்களும் உள்ளூர் விதிமுறைகளின் அடிப்படையில் மருத்துவக் காப்பீட்டுத் தொகையைப் பெறுவதற்கு ஏற்கனவே உரிமை பெற்றுள்ளனர். இருப்பினும், ஷார்ஜா மற்றும் வடக்கு எமிரேட்ஸில், இது போன்ற ஒரு திட்டம் வெளியிடப்படுவது இதுவே முதல் முறை.

அதன்படி அமீரக அரசின் இந்த புதிய தேவையானது மேற்கூறிய எமிரேட்களில் பிரீமியங்களின் தொகையைக் குறைக்கும் என்று தொழில் வல்லுநர்கள் தெரிவித்துள்ளனர். அதாவது இன்னும் 3 மாதங்களில் ஷார்ஜா மற்றும் வடக்கு எமிரேட்ஸ் ஆகியவை மலிவு விலையில் அடிப்படை மருத்துவக் காப்பீட்டை அறிமுகப்படுத்த உள்ளதாக கூறப்படுகிறது.

இது துபாயில் உள்ள ஹெல்த் இன்சூரன்ஸ் மாதிரியைப் பிரதிபலிக்கும் அதே வேளையில், முதலாளிகளின் செலவுகளைக் குறைப்பதை நோக்கமாகக் கொண்டுள்ளது என்று ஷார்ஜாவில் உள்ள அல் புஹைரா நேஷனல் இன்சூரன்ஸில் வாழ்க்கை மற்றும் மருத்துவப் பிரிவின் உதவி பொது மேலாளர் நபில் ஷனாவானி என்பவர் தெரிவித்துள்ளார்.

இதற்காக உள்ளூர் அரசாங்க அதிகாரிகள் அபுதாபி மற்றும் துபாயில் உள்ள இன்சூரன்ஸ் பாலிசிகளை மதிப்பாய்வு செய்து, ஒரு அடிப்படை பேக்கேஜை உருவாக்கி வருவதாகவும், இது தேவைப்பட்டால் முதலாளிகளுக்கு நன்மைகளை அதிகரிக்க சில நெகிழ்வுத்தன்மையை வழங்கும் என்றும் தும்பே ஹெல்த்கேர் ஏற்பாடு செய்த இன்சூரன்ஸ் மீட் 2024 இன் போது ஷானவானி கூறியுள்ளார்.

குறிப்பாக, வெளிநாட்டுத் தொழிலாளர்களுக்கு மதிப்பு அடிப்படையிலான கவனிப்பு முக்கியமானது என்று கூறிய அவர், மேலும் காப்பீட்டிற்கான அணுகல் சுகாதார விளைவுகளை மேம்படுத்துவதுடன் சுகாதார சேவைகளை மேம்படுத்தும் மற்றும் சமூகத்தின் ஒட்டுமொத்த நல்வாழ்வை மேம்படுத்தும் என்றும் அவர் குறிப்பிட்டுள்ளார்.

புதிய ஹெல்த் இன்சூரன்ஸ் திட்டம் 2025 இல் நடைமுறைக்கு வரும் போது, ​​தனியார் துறை ஊழியர்கள் மற்றும் வீட்டுப் பணியாளர்கள் இனி சுகாதார காப்பீடு பற்றி கவலைப்பட வேண்டியதில்லை என்றும், இருப்பினும், நிறுவனங்கள் மற்றும் முதலாளிகளுக்கு, கடமை என்பது கூடுதல் செலவுகளைக் குறிக்கும் என்றும் நிபுணர்கள் கூறுகின்றனர்.

ஷார்ஜா மற்றும் வடக்கு எமிரேட்ஸில் சுகாதாரச் செலவுகள் ஒப்பீட்டளவில் மலிவானவை என்பதால், துபாய் மற்றும் அபுதாபியுடன் ஒப்பிடும்போது இந்த எமிரேட்களில் கட்டணங்கள் மிகவும் மலிவாக இருக்கும் எனவும் இன்சூரன்ஸ் நிறுவன அதிகாரிகள் கூறுகின்றனர்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel