UAE: ஆஃபர் லெட்டரை கையொப்பமிட்டு ஏற்றுக்கொண்ட பிறகு வேலை வாய்ப்பை நிராகரிக்கலாமா?? தொழிலாளர் சட்டம் கூறுவது என்ன?
உலகின் பல்வேறு நாடுகளில் இருந்தும் ஏராளமான திறமையான தொழிலாளர்கள் ஐக்கிய அரபு அமீரகத்தில் உள்ள நிறுவனங்களில் பணியமர்த்தப்படுகின்றனர். அப்படி, பணியமர்த்தப்படுவதற்கு முன்பு, ஆஃபர் லெட்டர், பணி ஒப்பந்தம், பணி அனுமதி என பல்வேறு நடைமுறைகள் பின்பற்றப்படுகின்றன.
இப்படியான சூழலில், அமீரகத்திற்கு புதியவர்கள் அல்லது அமீரகத்தின் வேலைவாய்ப்புச் சட்டம் மற்றும் தொழிலாளர்கள் சட்டம் பற்றி அறியாதவர்கள் என பல ஊழியர்கள் சில சிக்கலான சூழலின் போது என்ன செய்ய வேண்டும் என்று தெரியாமல் குழப்பத்தில் இருப்பார்கள். எனவே, அவர்கள் அமீரகத்தின் வேலைவாய்ப்பு மற்றும் தொழிலாளர் சட்டம் என்ன கூறுகிறது என்பதைத் தெளிவாக அறிந்திருக்க வேண்டும்.
அதாவது, அமீரகத்தில் உள்ள ஒரு நிறுவனத்தில் இருந்து பெறப்பட்ட சலுகைக் கடிதத்தை கையொப்பமிட்டு ஏற்றுக் கொண்ட ஊழியர் ஒருவர், தற்போதைய நிறுவனத்தில் அதைவிட சிறந்த சலுகை கிடைக்கும் போது, புதிய நிறுவனம் வழங்கிய வேலை வாய்ப்பை நிராகரிக்க முடியுமா என்பதும் பலருக்கு ஏற்படும் பொதுவான சந்தேகங்களில் ஒன்று. இது போன்ற சூழலில் ஊழியர் என்ன செய்யலாம் என்பது பற்றி இங்கே பார்ப்போம்.
உதாரணமாக, நீங்கள் துபாயைத் தளமாகக் கொண்ட நிறுவனத்தில் வேலை வாய்ப்பைப் பெற்றுள்ளீர்கள் என்று வைத்துக் கொள்வோம், மேலும் அந்த நிறுவனம் மனிதவள மற்றும் எமிராட்டிசேஷன் அமைச்சகத்தால் (MoHRE) நிர்ணயிக்கப்பட்ட வடிவத்தில் உங்களுக்கு சலுகைக் கடிதத்தை வழங்கியதாகக் கருதப்படுகிறது.
அதாவது, 2022 இன் அமைச்சர் ஆணை எண். 46 இன் படி, அமீரகத்தில் ஒரு ஊழியருக்கு MoHRE நிர்ணயித்த வடிவத்தில் ஆஃபர் லெட்டர் வழங்கப்படலாம். அதன்பிறகு, ஒரு முதலாளியும் பணியாளரும் ஒரு வேலை ஒப்பந்தத்தில் கையெழுத்திட வேண்டும்.
எவ்வாறாயினும், ஒருவரை வேலைக்கு அமர்த்த விரும்பும் ஒரு முதலாளி பின்வருவனவற்றைக் கடைப்பிடிக்க வேண்டும்:
ஒரு முதலாளி பணி அனுமதியை வழங்கக் கோரும் போது, வேலை வாய்ப்புக்கு இணங்க அங்கீகரிக்கப்பட்ட நிலையான வேலைவாய்ப்பு ஒப்பந்தத்தைப் பயன்படுத்த வேண்டும். மேலும், வேலை வாய்ப்பில் குறிப்பிடப்பட்டுள்ளதை விட ஒப்பந்தத்தில் பணியாளருக்கு அதிக நன்மைகளைச் சேர்க்க அனுமதிக்கப்படுகிறது. அதேபோல், ஆணை-சட்டம் மற்றும் அதன் நிர்வாக விதிமுறைகளின் விதிகளுடன் முரண்படாத வகையில் ஒப்பந்தத்தில் இணைப்புகளைச் சேர்ப்பதும் அனுமதி உண்டு.
அத்துடன், முதலாளி ஒப்புக்கொள்ளப்பட்ட வேலை மாதிரியின்படி பணியாளருடன் வேலை ஒப்பந்தத்தில் ஈடுபட வேண்டும் மற்றும் வேலை ஒப்பந்தத்தின் நகல் ஒன்று முதலாளிக்கும் மற்றொன்று பணியாளருக்கும் வழங்கப்பட வேண்டும்.
மேற்கூறிய விதிகளின் படி, துபாயில் உள்ள ஒரு நிறுவனம் உங்களுக்கு வழங்கிய ஆஃபர் லெட்டரை நீங்கள் கையொப்பமிட்டு ஏற்றுக்கொண்டவுடன் பணி ஒப்பந்தமாக கருதப்படலாம். இருப்பினும், ஆஃபர் லெட்டர் என்பது ஒரு முறைசாரா ஒப்பந்தமாக (agreement) இருக்கலாம் மற்றும் சட்டத்தால் செயல்படுத்தப்படாமல் இருக்கலாம்.
ஆகவே, துபாயில் ஒரு நிறுவனம் வழங்கும் வேலையை நிராகரிக்க உங்களுக்கு உரிமை இருக்கலாம், மேலும் அந்த நிறுவனம் உங்களை அதில் வேலைக்கு அமர்த்தும்படி வற்புறுத்த முடியாது. அதாவது, ஒரு பணியாளரை பணிய வைக்க அல்லது கட்டாயப்படுத்துதல், அல்லது அபராதம் மூலம் அச்சுறுத்துதல், அவருக்காக பணிபுரியுமாறு கட்டாயப்படுத்துதல் போன்ற எந்த வழியையும் முதலாளி பயன்படுத்தக்கூடாது என்று வேலைவாய்ப்புச் சட்டத்தின் பிரிவு 14(1)இல் கூறப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
