துபாயில் உள்ள பல்வேறு பகுதிகளில் கட்டுமானப் பணிகள் நடைபெறுவதால், துபாயின் சாலைகள் மற்றும் போக்குவரத்து ஆணையம் (RTA) எமிரேட்டின் நாத் அல் ஷெபா Nad Al Sheba) ரிசர்வ் பகுதியில் சில சாலைகளில் டிரக்குகள் செல்ல தடை விதித்துள்ளது.
ஆகவே, நாத் அல் ஷெபாவில் உள்ள வளர்ச்சி நிறுவனங்கள் மற்றும் கனரக வாகன ஓட்டுநர்கள் டிரக்குகளுக்காக நியமிக்கப்பட்ட மாற்று வழிகளைப் பயன்படுத்துமாறு RTA வலியுறுத்தியுள்ளது.
துபாயில் பல்வேறு பகுதிகள் மற்றும் இருப்புக்களை மேம்படுத்தும் திட்டங்களின் ஒரு பகுதியாக இந்த தடை விதிக்கப்பட்டுள்ளது. அடுத்த தசாப்தத்தில் விரிவான மறு திட்டமிடல் மற்றும் மேம்பாட்டிற்காக ஒதுக்கப்பட்ட முக்கிய இடங்களில் நாத் அல் ஷெபா உள்ளதாகக் கூறப்படுகிறது.
ஒருவேளை, தடைசெய்யப்பட்ட சாலைகளில் டிரக்குகளைச் செலுத்த வேண்டிய சூழ்நிலை ஏற்பட்டால், ஓட்டுநர்கள் போக்குவரத்து அமைப்பு மூலம் இயக்க அனுமதிக்கு விண்ணப்பிக்க வேண்டும். RTA மற்றும் துபாய் காவல்துறை ஒருங்கிணைந்து இவற்றைக் கண்காணிக்கும் என்பது குறிப்பிடத்தக்கது.
தடைசெய்யப்பட்ட சாலைகளின் வரைபடம் :
RTA ஆனது, துபாய் காவல்துறை மற்றும் பிற நிறுவனங்களுடன் ஒருங்கிணைந்து, டிரக் ஓட்டுநர்கள் புதிய கட்டுப்பாடுகளுக்கு இணங்குவதை கண்காணிக்கும். எமிரேட்டில் அமல்படுத்தப்பட்டுள்ள புதிய விதிகளைப் பின்பற்றத் தவறியவர்களுக்கு விதிமீறல் டிக்கெட்டுகள் வழங்கப்படும் என்று கூறப்படுகிறது.
அல் மேதான் ஸ்ட்ரீட் மேம்பாட்டுத் திட்டத்தின் ஆரம்ப கட்டப் பணிகள் நிறைவடைந்ததைத் தொடர்ந்து இந்த தடை விதிக்கப்பட்டுள்ளது. அல் கைல் சாலை மற்றும் அல் மேதான் ஸ்ட்ரீட்டில் இருந்து பிரிந்து செல்லும் ஸ்ட்ரீட்களின் நுழைவாயில்களிலும் அறிவிப்புப் பலகைகள் நிறுவப்பட்டுள்ளன.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
