துபாயில் கடந்த சில வருடங்களாக நடைபெற்று வரும் துபாய் ஃபிட்னஸ் சேலஞ்ச் வருகின்ற நவம்பரில் மீண்டும் தொடங்க உள்ள நிலையில், அதற்கான பதிவுகள் இப்போது திறக்கப்பட்டுள்ளன. இந்நிகழ்வு அக்டோபர் 26, சனிக்கிழமை தொடங்கி நவம்பர் 24 ஞாயிற்றுக்கிழமை வரை 30 நாள் நடைபெறும் என கூறப்பட்டுள்ளது.
எனவே, பங்கேற்க விரும்புபவர்கள் www.dubaifitnesschallenge.com என்ற இணையதளம் வழியாக இலவசமாக பதிவு செய்யலாம் என்று தெரிவிக்கப்பட்டுள்ளது. இந்த ஒரு மாத ஃபிட்னஸ் சேலஞ்ச் ஆனது, துபாயை உலகெங்கிலும் உள்ள மிகவும் சுறுசுறுப்பான நகரங்களில் ஒன்றாக நிலைநிறுத்தும் முயற்சியாகும்.
இந்த முறை, பதிவு செய்தவர்கள் எமிரேட்ஸ் விமானங்கள் மற்றும் ஹோட்டல் தங்குமிடங்களுடன் இரண்டு விருந்தினர்களை துபாய்க்கு அழைத்து வருவதற்கான வாய்ப்பை வெல்ல முடியும் என்றும் அறிவிக்கப்பட்டுள்ளது.
ஷேக் சையத் சாலையில் உள்ள ஐகானிக் இடங்களைச் சுற்றி ஓடவும் அல்லது சைக்கிள் ஓட்டவும் குடியிருப்பாளர்களை அனுமதிக்கும் முக்கிய நிகழ்வுகளும் இந்த ஆண்டு திரும்பும் என்று கூறப்பட்டுள்ளது.
குறிப்பாக, துபாய் ரைடின் ஐந்தாவது பதிப்பு நவம்பர் 10 ஆம் தேதி நடைபெறும். அதேசமயம், துபாய் ரன்னின் ஆறாவது பதிப்பு, நவம்பர் 24ஆம் தேதியன்று நடைபாதையில் குதிக்க லட்சக்கணக்கான ஓட்டப்பந்தய வீரர்களை அழைக்கும்.
மேலும் இந்த ஆண்டு, சைக்கிள் ஓட்டுதலை மையமாகக் கொண்ட RTA அல் வர்கா பார்க் 30×30 ஃபிட்னஸ் வில்லேஜ் மற்றும் புதிய துபாய் முனிசிபாலிட்டி ஜபீல் பார்க் 30×30 ஃபிட்னஸ் வில்லேஜ் ஆகியவற்றுடன் கூடுதலாக பல செயல்பாடுகள் சேர்க்கப்பட்டுள்ளதாகக் கூறப்படுகிறது.
ஜாபீல் பார்க்கில் உள்ள ஃபிட்னஸ் வில்லேஜ், ரன்னிங் மற்றும் சைக்கிள் ஓட்டும் ஆர்வலர்களுக்கு, ஸ்பின்னிங் மண்டலம், ரன்னிங் கிளப்புகள், கிரிக்கெட் ஆடுகளங்கள், கடினமான சேறும் சகதியுமான தடைகள் மற்றும் நிகழ்வுகளுக்கான முக்கிய மேடை ஆகியவற்றைக் கொண்டிருக்கும் என்று குறிப்பிடப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
