அமீரகத்தில் போலி டிகிரி சான்றிதழ்கள், ஆவணங்களைச் சமர்ப்பித்தால் என்ன தண்டனை தெரியுமா..??
துபாய் முழுவதும் உள்ள சிறு வணிக நிறுவனங்கள் உட்பட மனிதவளத் துறைகளால் சமீபத்தில் பதிவான சம்பவங்களைத் தொடர்ந்து, போலி கல்விச் சான்றிதழ்களைச் சமர்ப்பிப்பது பற்றிய கடுமையான சட்ட தாக்கங்கள் குறித்து ஐக்கிய அரபு அமீரகத்தில் உள்ளவர்களுக்கு நினைவூட்டப்படுகிறது. ஐக்கிய அரபு அமீரக சட்டத்தின் கீழ், போலி தகுதிச் சான்றிதழ்களை வழங்குவது ஒரு குற்றவியல் குற்றமாகக் கருதப்படுகிறது. மேலும் இந்த குற்றத்திற்கு பணிநீக்கம், அபராதம் மற்றும் சிறைத்தண்டனை விதிக்கப்படலாம்.
போலி சான்றிதழ்களின் சட்ட விளைவுகள்
2021 ஆம் ஆண்டின் ஆணை எண் (31) இன் கூட்டாட்சி சட்டத்தின்படி, போலி ஆவணங்களை உருவாக்குவது கண்டிப்பாக தடைசெய்யப்பட்டுள்ளது மற்றும் சட்டத்தால் தண்டிக்கத்தக்கது. ஒரு ஆவணத்தை செல்லுபடியாகும் ஆவணமாகப் பயன்படுத்தும் நோக்கத்துடன் மற்றும் தீங்கு விளைவிக்கும் வகையில், குறிப்பிட்ட முறைகள் மூலம் அதன் நம்பகத்தன்மையை மாற்றும் எந்தவொரு செயலும் கண்டிக்கத்தக்கதாகும்.
அமீரக அரசின் தண்டனைச் சட்டத்தின் பிரிவு 251, ஒரு ஆவணத்தை போலியாக உருவாக்குவது என்பது போலி ஆவணங்களை தவறாக வழிநடத்தும் அல்லது தீங்கு விளைவிக்கும் நோக்கில் ஒரு ஆவணத்தில் ஏதேனும் மாற்றம் அல்லது பொய்மைப்படுத்தல் என வரையறுக்கிறது. இதில் ஒரு ஆவணத்தில் உள்ள வார்த்தைகள், கையொப்பங்கள், முத்திரைகள் அல்லது புகைப்படங்களைச் சேர்ப்பது, அகற்றுவது அல்லது மாற்றுவது அல்லது வேறொருவரின் அடையாளத்தை அவர்களுக்குத் தெரியாமல் பயன்படுத்துவது ஆகியவை அடங்கும்.
மேலும், பிரிவு 252, ஒரு அதிகாரப்பூர்வ ஆவணத்தை போலியாக உருவாக்கும் எவருக்கும் 10 ஆண்டுகள் வரை சிறைத்தண்டனை விதிக்கப்படலாம் என்று கூறுகிறது. UAE பேனல் சட்டத்தின் பிரிவு 253இன் படி, ஒரு அதிகாரப்பூர்வ ஆவணத்தின் நகலை போலியாக உருவாக்குபவர் அல்லது தெரிந்தே அதனை பயன்படுத்துபவர் எவருக்கும் ஐந்து ஆண்டுகள் வரை சிறைத்தண்டனை விதிக்க்கப்படும்.
கூடுதலாக, பிரிவு 258, தெரிந்தே போலி ஆவணத்தைப் பயன்படுத்தும் எவரும் வழக்குக்கு ஏற்ப போலியான குற்றத்திற்காக பரிந்துரைக்கப்பட்ட தண்டனையால் தண்டிக்கப்படுவார். உண்மையான ஆவணத்தை அல்லது அதன் நகலை வேறொரு நபரின் பெயரில் சட்டவிரோதமாகப் பயன்படுத்துபவர் அல்லது பயனடைபவரும், வழக்குக்கு ஏற்ப அதே தண்டனையால் தண்டிக்கப்படுவார் என்று கூறுகிறது.
அதேசமயம், வேலைவாய்ப்புக் சட்டத்தின் படி, போலி ஆவணங்களைச் சமர்ப்பிப்பது உடனடி பணிநீக்கத்திற்கு வழிவகுக்கும். பணியமர்த்தல் செயல்பாட்டின் போது ஊழியர் போலி சான்றிதழ்களை சமர்ப்பித்ததாக அல்லது வேறொரு நபரைப் போல ஆள்மாறாட்டம் செய்ததாக நிரூபிக்கப்பட்டால், ஒரு பணியாளரை முன்னறிவிப்பு இல்லாமல் பணிநீக்கம் செய்ய சட்டம் அனுமதிக்கிறது. இது ஐக்கிய அரபு அமீரகத்தில் வேலைவாய்ப்பு உறவுகளை நிர்வகிக்கும் ஃபெடரல் ஆணை சட்டம் எண். 33 இன் பிரிவு 44(1)க்கு இணங்க உள்ளது.
மேலும், ஊழியர்கள் கல்விச் சான்றிதழ்களை போலியாக உருவாக்கியது உறுதிசெய்யப்பட்டால், முதலாளிகள் அவர்கள் மீது ஒழுங்கு நடவடிக்கை எடுக்கலாம், பணிநீக்கம் செய்யலாம் மற்றும் இந்த விஷயத்தை அமீரக அதிகாரிகளிடம் தெரிவிக்கலாம். கூடுதலாக, மனிதவளம் மற்றும் எமிராட்டிசேஷன் அமைச்சகத்தில் (MoHRE) முறையான புகாரை தாக்கல் செய்யவும் முதலாளிகளுக்கு உரிமை உண்டு. இருப்பினும், இத்தகைய வழக்குகளில் உள்ள சட்ட சிக்கல்கள் மற்றும் சாத்தியமான விளைவுகளைக் கருத்தில் கொண்டு, பணிநீக்கம் அல்லது குற்றவியல் அறிக்கையிடலைத் தொடர்வதற்கு முன், நிறுவனங்கள் அமீரகத்தில் ஒரு தகுதிவாய்ந்த சட்ட நிபுணரை அணுகுமாறு அறிவுறுத்தப்படுகின்றன.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
