சவுதி அரேபியாவில் ஹஜ் சீசன் முடிவடைந்ததை அடுத்து, ஜூன் 10 செவ்வாய்க்கிழமை முதல் சவுதி அரசு மீண்டும் உம்ரா விசாக்களை வழங்கத் தொடங்கியுள்ளது, இது சர்வதேச வழிபாட்டாளர்கள் சுமூகமான மற்றும் பாதுகாப்பான ஹஜ் சீசனை முடித்த சில நாட்களுக்குப் பிறகு மக்கா மற்றும் மதீனாவுக்குத் திரும்ப அனுமதிக்கிறது. இது குறித்து தெரிவிக்கையில் வெளிநாட்டு வழிபாட்டாளர்களின் முதல் குழு ஜூன் 11 புதன்கிழமை வருவார்கள் என்று எதிர்பார்க்கப்படுகிறது என்று ஹஜ் மற்றும் உம்ரா அமைச்சகம் உறுதிப்படுத்தியுள்ளது.
அதிகாரப்பூர்வ நாட்காட்டியின்படி, உம்ரா விசா செயலாக்கம் ஜூன் 10 (14 துல் ஹஜ் 1446) அன்று மீண்டும் தொடங்கும் என்று கூறப்பட்டுள்ளது. மேலும் பயண விதிகள், ஒதுக்கீடுகள் மற்றும் சுகாதார நடவடிக்கைகள் குறித்த கூடுதல் விவரங்கள் வரும் மாதங்களில் பகிரப்படும் என்று அறிவிக்கப்பட்டுள்ளது.
சவுதி அரேபியா வழக்கமாக ஹஜ்ஜுக்கு முன் உம்ரா விசாக்கள் வழங்குவதை இடைநிறுத்துகிறது. இஸ்லாமிய மாதமான துல் ஹஜ் மாதத்தில் கொண்டாடப்படும் ஈத் அல் அதாவிற்குப் பிறகு மீண்டும் உம்ரா விசாக்கள் வழங்கப்படுகின்றன. இந்த ஆண்டு ஹஜ் உலகம் முழுவதிலுமிருந்து 1.6 மில்லியனுக்கும் அதிகமான வழிபாட்டாளர்களை வரவேற்றது குறிப்பிடத்தக்கது.
இது போன்ற வளைகுடா நாடுகளின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel
