ஈரானில் இதுவரை கொரோனா வைரஸால் 978 நோய்தொற்று வழக்குகள் உறுதிப்படுத்தப்பட்டுள்ளது. அதில் 54 பேர் உயிரிழந்துள்ளனர். கொரோனா வைரஸால் அதிக பாதிப்படைந்த ஈரானுக்கு, மருத்துவ பொருட்கள் மற்றும் உபகரணங்களை வழங்குவதற்காக உலக சுகாதார அமைப்பின் (WHO) முயற்சியில் ஐக்கிய அரபு அமீரகம் உதவி புரிந்துள்ளது.
துபாயில் இருந்து ஈரானுக்கு திங்கள்கிழமை பிற்பகல் 7.5 டன் சரக்குகளை ஏற்றிச் சென்ற விமானத்தை ஐக்கிய அரபு அமீரக விமானப்படை தயார்படுத்தியது.
“துபாயின் சர்வதேச மனிதாபிமான நகர (International Humanitarian City–IHC)
மையமானது, ஈரானில் கொரோனா வைரஸ் நோயாளிகளை கவனித்துக்கொள்வதற்கு சுமார் 15,000 சுகாதார ஊழியர்களுக்கு உதவக்கூடிய பல ஆயிரக்கணக்கான கையுறைகள், அறுவை சிகிச்சை முக கவசங்கள் மற்றும் பிற அடிப்படை மருத்துவ பொருட்கள் ஆகியவற்றை ஈரானிற்கு அனுப்பியுள்ளது.
சரக்குகளில் உள்ள ஆய்வக கண்டறியும் கருவிகள் ஆயிரக்கணக்கான மக்களை வைரஸ் தொற்று உள்ளதா எனக் கண்டறிய உதவும்.
உலக சுகாதார அமைப்பு (WHO), மற்றும் சர்வதேச மனிதாபிமான நகர மையமான IHC (மனிதாபிமான அவசரகால தயாரிப்பு மற்றும் பதிலுக்கான உலகளாவிய மையம்) ஆகியவற்றுடன் ஒருங்கிணைந்து ஐக்கிய அரபு அமீரகம் இந்த முக்கியமான பணியை மேற்கொண்டு வருவதாக மூத்த அதிகாரி ஒருவர் அமீரக செய்தி நிறுவனமான WAM இடம் தெரிவித்தார்.
“ஐக்கிய அரபு அமீரகத்தின் புவியியல் இருப்பிடம் உலக மக்கள்தொகையில் மூன்றில் இரண்டு பங்கை உள்ளடக்கிய 100 க்கும் மேற்பட்ட நாடுகளுக்கு எளிதாக அணுகுவதை வழங்குகிறது. ஏதேனும் ஒரு நெருக்கடியால் பாதிக்கப்பட்டுள்ள மக்களை ஆதரிக்க இந்த சலுகையை நாங்கள் பயன்படுத்துகிறோம். கொரோனா வைரஸ் நோயாளிகளுக்கு ஆதரவளிப்பதற்கான எங்கள் முயற்சிகளின் ஒரு பகுதியாக இந்த பணி உள்ளது,” என்று வெளியுறவு மற்றும் சர்வதேச ஒத்துழைப்பு அமைச்சகத்தின் சர்வதேச மேம்பாட்டு விவகாரங்களுக்கான உதவி அமைச்சர் (MOFAIC) சுல்தான் அல் ஷம்சி கூறினார்.
மேலும், “சர்வதேச சமூகத்துடன் இணைந்து துன்பத்தில் இருக்கும் மக்களுக்கு நாங்கள் தொடர்ந்து எங்கள் ஆதரவை வழங்குவோம்” என்று அல் மக்தூம் சர்வதேச விமான நிலையத்தில் விமானத்தில் சரக்குகளை ஏற்றுவதை மேற்பார்வையிடும் போது அவர் கூறினார்.
ஐக்கிய அரபு அமீரக அரசாங்கத்தின் ஆதரவு இல்லாமல் ஐ.நா. சுகாதார நிறுவனம் இந்த பணியை மேற்கொள்வது சாத்தியமில்லை என்று WHO இன் மூத்த அதிகாரி ஒருவர் தெரிவித்தார்.
ஈரானில் மத்திய கிழக்கில் அதிக எண்ணிக்கையிலான COVID-19 வழக்குகள் பதிவாகியுள்ளன. ஈரானில் வைரஸைக் கட்டுப்படுத்த மருத்துவ பொருட்கள் உதவும் என்று கிழக்கு மத்தியதரைக் கடலில் உள்ள WHO இன் பிராந்திய அலுவலகத்தில் செயல்படும் அவசரகால இயக்குநர் டாக்டர் ரிச்சர்ட் பிரென்னன் கூறினார். இந்த சூழ்நிலையை சமாளிக்க கூட்டாண்மை மிகவும் முக்கியமானது. இந்த பணிக்கு ஐக்கிய அரபு அமீரகம் அளித்த ஆதரவை நாங்கள் பாராட்டுகிறோம், என்று அவர் மேலும் கூறினார்.
