UAE: அபுதாபியில் வாகனத்தை பார்க்கிங் செய்வதில் சிரமமா..? அப்போ மாடிகளிலுள்ள கார் பார்க்கிங்கில் வாகனம் நிறுத்துவது எப்படி..? முழு விபரம் உள்ளே..!

அபுதாபியில் உள்ள உங்களது இருப்பிடம் மற்றும் அலுவலகத்தை சுற்றி பார்க்கிங் செய்ய போதிய இடம் இல்லையா..? அப்போ மாடியில் உள்ள கார் பார்க்கிங்கிற்கு சந்தா செலுத்தி உங்களது வாகனங்களை எளிய முறையில் பார்க்கிங் செய்துக்கொள்ளலாம். பல அடுக்குமாடிகளில் உள்ள கார் பார்க்கிங் (multi storey parking) வசதிகளில் ஒரு மணிநேரத்திலும், தினசரி அடிப்படை கட்டணத்திலும் வாகன ஓட்டிகளுக்கு பார்கிங் வசதி வழங்கப்படுகிறது. இது தொடர்பாக அபுதாபியின் ஒருங்கிணைந்த போக்குவரத்து மையம் (ITC) ட்விட்டரில், மாடி கார் பார்க்கிங் சந்தாதாரர்கள் அமீரகத்தில் உள்ள அடுக்கு மாடி பார்க்கிங் வசதிகளில் எந்த கூடுதல் கட்டணமும் இன்றி பயன்படுத்த அனுமதிக்கப்படுவதாக அறிவித்துள்ளது.

சந்தா அனுமதிக்கு விண்ணப்பிப்பது எப்படி?

அபுதாபிக்கான அதிகாரப்பூர்வ அரசு சேவை தளமான tamm.abudhabi மூலம் ஆன்லைனில் அனுமதிக்கு விண்ணப்பிக்கலாம் அல்லது அபுதாபி நகராட்சியில் உள்ள ITC வாடிக்கையாளர் மகிழ்ச்சி மையத்தைப் பார்வையிடலாம். நீங்கள் ஆன்லைனில் விண்ணப்பிக்க விரும்பினால், பின்பற்ற வேண்டிய வழிகள்:

• tmm.abudhabai  இணையதளத்தில் வாகனங்கள் மற்றும் போக்குவரத்து வகையைக் கிளிக் செய்யவும்.
• பார்க்கிங் பிரிவை கிளிக் செய்து மூன்றாவது சேவையைத் தேர்ந்தெடுத்து, ‘பல மாடி பார்க்கிங்கிற்கு விண்ணப்பிக்கவும்.’
• அமீரக பாஸ் கணக்கில் உள்நுழையுமாறு கேட்கப்படும். சேவையைத் தொடர பாஸ் கணக்கை கிளிக் செய்யவும்.
• நீங்கள் அனுமதி பெற விரும்பும் காலம் உட்பட அனுமதி விண்ணப்பத்தை நிரப்பவும் – மூன்று மாதங்கள், ஆறு மாதங்கள் அல்லது ஒரு வருடம் என்று கேட்கும்.
• உங்களுக்கு அருகில் உள்ள ஏதேனும் ஏழு மாடி கார் பார்க்கிங்கில் ஒன்றை தேர்வு செய்யவும்.
• நீங்கள் குடியிருப்பாளராக இருந்தால், உங்கள் ஒப்பந்தத்தின் எண்ணை உள்ளிடவும். நீங்கள் ஒரு அலுவலக கட்டிடத்தில் பணிபுரிந்தால், உங்களுக்கு அருகில் உள்ள பல மாடி வாகன நிறுத்துமிடத்தின் பார்க்கிங் எண்ணைத் தேர்வு செய்யவும்.
• போக்குவரத்துக் குறியீடு எண் (இணைப்பு), வாகன மாதிரி மற்றும் நம்பர் பிளேட் போன்ற உங்கள் வாகன விவரங்களை உள்ளிடவும்.
• ITC விண்ணப்பத்தை அங்கீகரித்தவுடன், டெபிட் அல்லது கிரெடிட் கார்டு மூலம் மின்னணு முறையில் அனுமதிக் கட்டணத்தைச் செலுத்தவும்.
• தொகை செலுத்தப்பட்டதும், அனுமதி பெற்ற டிஜிட்டல் பதிப்பை TAMM இணையதளத்தில் இருந்து பதிவிறக்கம் செய்யலாம்.

பார்க்கிங்கிற்கான விலை எவ்வளவு?

• மூன்று மாதங்களுக்கு: 1,369 திர்ஹம்ஸ்
• ஆறு மாதங்களுக்கு: 2,738 திர்ஹம்ஸ்
• ஒரு வருடத்திற்கு: 5,475 திர்ஹம்ஸ்

நீங்கள் அனுமதிச் சீட்டுக்குப் பணம் செலுத்திய பிறகு, உங்கள் தேவைக்கேற்ப, அபுதாபி முழுவதும் உள்ள ஏழு பல அடுக்கு வாகன நிறுத்துமிடங்களில் ஏதேனும் ஒன்றைப் பயன்படுத்தலாம்.

அபுதாபியில் உள்ள 7 அடுக்குமாடி வாகன நிறுத்துமிடங்கள்:

1. ஷேக் ஹம்தான் பின் முகமது தெரு – லிவா மையத்தின் பின்புறம்
2. ஷேக் கலீஃபா பின் சயீத் முதல் தெரு
3. ஷேக்கா ஃபாத்திமா பிந்த் முபாரக் தெரு – ஜாகர் ஹோட்டலுக்குப் பின்புறம்
4. ஷேக் ஹம்தான் பின் முகமது தெரு – பஹ்ரைன் வங்கிக்கு பின்புறம்.
5. அல் லுலு தெரு – அல்- அஹ்லியா மருத்துவமனைக்கு பின்புறம்
6. ஷேக் கலீஃபா பின் சயீத் முதல் தெரு – மஷ்ரெக் வங்கிக்குப் பின்புறம்.
7. அல் டானா பகுதி – எமிரேட்ஸ் தொழில்நுட்பக் கல்லூரிக்கு எதிர்புறம்.