ஷார்ஜா ஷாப்பிங் ப்ரோமோஷன்ஸ் 2023: தள்ளுபடிகள் சலுகைகளுடன் பொழுதுபோக்கு நிகழ்ச்சிகளளையும் ஏற்பாடு செய்துள்ள SCCI….

ஷார்ஜா சேம்பர் ஆஃப் காமர்ஸ் அண்ட் இண்டஸ்ட்ரி (SCCI) ஏற்பாடு செய்துள்ள ஷார்ஜா ஷாப்பிங் ப்ரோமோஷன்ஸ் 2023, “Smile for the Promotions, Smile for Shopping” என்ற முழக்கத்தின் கீழ் ஷார்ஜா எமிரேட் முழுவதும் கடந்த டிசம்பர் 15-ம் தேதி முதல் தொடங்கியுள்ளது.

ஜனவரி 20, 2024 வரை நடைபெறும் இந்த ஷாப்பிங் நிகழ்வில், பல ஷார்ஜா ஷாப்பிங் சென்டர்கள் மற்றும் சில்லறை விற்பனை கடைகள் பங்கேற்க உள்ளதாகத் தகவல்கள் வெளியாகியுள்ளன.

மேலும், சிட்டி சென்டர் அல் ஜாஹியாவில் (City Centre Al Zahia) தொடக்க விழாக்கள் நடைபெற்றதைத் தொடர்ந்து ஏராளமான மார்க்கெட்டிங் நடவடிக்கைகள் மற்றும் பொழுதுபோக்கு நிகழ்ச்சிகள் நிரம்பிய நிகழ்ச்சி நிரல் நடைபெற உள்ளதாகக் கூறப்படுகிறது. கூடுதலாக, இந்த நிகழ்வில் தயாரிப்புகள், பொருட்கள் மற்றும் சிறந்த பிராண்டுகளின் வரிசையின் ப்ரோமோஷன்ஸ் மற்றும் முக்கிய தள்ளுபடிகள் இடம்பெறும்.

இவையனைத்தும், ஷாப்பிங் சென்டர் துறை பணிக்குழுவின் ஒத்துழைப்புடனும் எமிரேட்டின் பல அரசு துறைகள் மற்றும் ஏஜென்சிகளின் ஒருங்கிணைப்புடனும் ஏற்பாடு செய்யப்பட்டுள்ளது.

ஷாப்பிங், பொழுதுபோக்கு மற்றும் பெரிய லாபம் ஆகிய மூன்று முக்கிய கூறுகளின் அடிப்படையில் பல நிகழ்வுகளை அமைப்பதன் மூலம், ஷார்ஜாவின் சுற்றுலா மற்றும் சந்தைப்படுத்தல் முறையீட்டை மேம்படுத்துவதே ஷார்ஜா ஷாப்பிங் ப்ரோமோஷன்ஸின் நோக்கமாகும்.

இந்த நிகழ்வானது எமிரேட் முழுவதும் பரவியுள்ள ஷாப்பிங் சென்டர்கள், சென்ட்ரல் மார்க்கெட்கள் மற்றும் சில்லறை விற்பனைக் கடைகள் மூலம் வழங்கப்படும் மதிப்புமிக்க பரிசுகள் மற்றும் பரிசுகளை வழங்குகிறது.

அதேசமயம், ஆடைகள், வாசனை திரவியங்கள், எலக்ட்ரானிக்ஸ், வீட்டு உபயோகப் பொருட்கள், சமையலறைப் பொருட்கள் மற்றும் வெளிப்புற உபகரணங்கள் ஆகியவற்றில் ஸ்வீப்ஸ்டேக்குகள் மற்றும் முக்கிய தள்ளுபடிகளை அறிவிக்கிறது.

இந்த ஆண்டு, ஷார்ஜா ஷாப்பிங் ப்ரோமோஷன் ஷார்ஜா வாசிகள் மற்றும் பார்வையாளர்களின் ஷாப்பிங் அனுபவத்தை மேம்படுத்த சஹாரா சென்டர், சிட்டி சென்டர் அல் ஜாஹியா மற்றும் மெகா மால் ஆகியவற்றில் பாரம்பரிய மற்றும் நாட்டுப்புற விழாக்களை நடத்த உள்ளது.

அதேபோல், சென்ட்ரல் சூக், ஒயாசிஸ் மால் மற்றும் அல் மஜாஸ் ஆம்பிதியேட்டர் ஆகியவை குழந்தைகள் மற்றும் குடும்பங்களை உற்சாகப்படுத்தும் வகையில், வடிவமைக்கப்பட்ட ஒரு சிறப்பு வரிசையை வழங்கும் மற்றும் தனித்துவமான இடங்கள், ஈர்ப்புகள் மற்றும் ஷார்ஜாவின் சில பிரபலமான பிரீமியம் ஷாப்பிங் மையங்களில் குளிர்கால விழாக்கள் நடத்தப்படும் என்றும் தெரிவிக்கப்பட்டுள்ளது.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel