புத்தாண்டை முன்னிட்டு துபாய் முழுவதும் வெகு விமரிசையாக கொண்டாட்டங்களுக்கு தயாராகி வரும் நிலையில் துபாய் ஃபிரேமில் புத்தாண்டு கொண்டாட்டம் மேலும் ஒரு சிறப்பம்சத்தை கொண்டு வர இருக்கின்றது. அதாவது எப்போதும் நிகழ்த்தப்படும் வாணவேடிக்கை நிகழ்ச்சியைத் தவிர, டிசம்பர் 31 அன்று முதல் முறையாக ட்ரோன் நிகழ்ச்சிகளும் துபாய் ஃபிரேமில் நடத்தப்படும் என தெரிவிக்கப்பட்டுள்ளது.
துபாய் முனிசிபாலிட்டியின் கழிவு மற்றும் கழிவுநீர் அமைப்பின் தலைமை நிர்வாக அதிகாரி பொறியாளர் அடெல் அல் மர்சூகியின் கூற்றுப்படி, துபாய் ஃபிரேம் நிகழ்ச்சி ஒரு பரந்த கொண்டாட்டத்தின் ஒரு பகுதியாகும், இது எமிரேட் முழுவதும் 40 இடங்களில் வாணவேடிக்கை நிகழ்ச்சிகளைக் கொண்டிருக்கும், அத்துடன் துபாய் முழுவதும் மொத்தம் 48 வாணவேடிக்கை நிகழ்ச்சிகள் திட்டமிடப்பட்டுள்ளன.
அது மட்டுமல்லாமல் குடும்பங்களுக்கான கொண்டாட்டங்களை உறுதி செய்யும் நோக்கில், துபாய் நகராட்சியும் புத்தாண்டு தினத்தன்று குடும்பங்களுக்கு மட்டுமே பொது கடற்கரைகள் ஒதுக்கப்படும் என்று அறிவித்துள்ளது.
இந்த நடவடிக்கை பொது பாதுகாப்பு மற்றும் வசதியை மையமாகக் கொண்ட விரிவான தயார்நிலை திட்டத்தின் ஒரு பகுதியாகும், இது துபாய் காவல்துறை, சாலைகள் மற்றும் போக்குவரத்து ஆணையம் மற்றும் துபாய் மீள்தன்மை மையம் ஆகியவற்றுடன் முழு ஒருங்கிணைப்புடன் செயல்படுத்தப்படுகிறது எனவும் தெரிவிக்கப்பட்டுள்ளது.
மேலும் இந்தத் திட்டம் கடற்கரைகள், பொது பூங்காக்கள், பொழுதுபோக்கு வசதிகள், கழிவு மேலாண்மை, பொது சுகாதாரம், பாதுகாப்பு மற்றும் உணவுப் பாதுகாப்பு ஆகியவற்றை உள்ளடக்கியது. கூடுதலாக, கொண்டாட்டங்களை அனுபவிக்க விரும்பும் குடும்பங்களுக்கு பாதுகாப்பான மற்றும் வசதியான பார்வைப் பகுதிகளை வழங்க 14 பொது பூங்காக்கள் அதிகாலை 1 மணி வரை செயல்பாட்டு நேரத்தை நீட்டிக்கும் எனவும் கூறப்பட்டுள்ளது.
இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil WhatsApp Channel
