அமீரக செய்திகள்
அமீரகத்தில் ஒரு இலட்சத்தை கடந்த கொரோனா பாதிப்பு..!! இன்று மட்டும் 6 பேர் உயிரிழப்பு..!!
ஐக்கிய அரபு அமீரகத்தில் இன்று (செவ்வாய்க்கிழமை, அக்டோபர் 6, 2020) புதிதாக 1,061 பேருக்கு கொரோனா இருப்பது உறுதி செய்யப்பட்டுள்ளதாக அமீரகத்தின் சுகாதார மற்றும் தடுப்பு அமைச்சகம் (MoHAP) சார்பாக அறிவிக்கப்பட்டுள்ளது. இதனால் அமீரகத்தில் கொரோனா பாதித்தவர்களின் மொத்த எண்ணிக்கையானது 100,794 ஆக உயர்ந்துள்ளது.
அமீரகத்தில் இன்று கொரோனாவிற்கு 6 பேர் உயிரிழந்துள்ளனர். இதனால் அமீரகத்தில் கொரோனாவால் உயிரிழந்தோரின் எண்ணிக்கை 435 ஆக அதிகரித்துள்ளது.
மேலும், இன்றைய நாளில் மட்டும் 1,146 பேர் குணமடைந்துள்ளதாகவும், இதுவரையில் 90,556 பேர் கொரோனாவால் பாதிக்கப்பட்டு முழுவதுமாக குணமடைந்துள்ளனர் என்பதும் குறிப்பிடத்தக்கது.