உலகின் மிகவும் ஆழமான நீச்சல் குளத்தை திறந்து வைத்து டைவ் செய்து வீடியோ வெளியிட்டுள்ள துபாய் இளவரசர்..!!

துபாயில் கட்டப்பட்டு வந்த மிகவும் ஆழமான நீச்சல்குளத்தை துபாய் இளவரசர் நேற்று திறந்து வைத்ததன் மூலம், உலகிலேயே மிகவும் ஆழமான நீச்சல் குளம் கொண்ட இடம் என தற்பொழுது மாபெரும் உலக சாதனையைப் படைத்துள்ளது துபாய்.

துபாயின் நாத் அல் ஷெபா பகுதியில் அமைந்துள்ள, டீப் டைவ் துபாயில் (Deep Dive Dubai) உள்ள நீச்சல்குளம் 60.02 மீட்டர் (196 அடி) ஆழத்தில் டைவிங் செய்வதற்கும் 14 மில்லியன் லிட்டர் தண்ணீரை வைத்திருப்பதற்கும் உலகின் ஆழமான நீச்சல் குளம் என சரிபார்க்கப்பட்டு கின்னஸ் உலக சாதனையை படைத்துள்ளது. இந்த நீச்சல் குளமானது ஆறு ஒலிம்பிக் அளவிலான நீச்சல் குளங்களுக்கு சமமானதாகும்.

ஐக்கிய அரபு அமீரகத்தின் முத்து எடுக்கும் பாரம்பரியத்திற்கு (pearl diving heritage) ஏற்ப ஒரு மாபெரும் சிப்பி போல வடிவமைக்கப்பட்டுள்ள 1,500 சதுர மீட்டர் பரப்புள்ள இந்த இடமானது, டைவ் செய்வதற்கு மிகச்சிறந்த இடமாகும். அத்துடன் கிஃப்ட் ஷாப்ஸ், 80 இருக்கைகள் கொண்ட உணவகம் போன்றவை இந்த ஆண்டு இறுதியில் பொதுமக்களுக்கு திறக்கப்படும் மற்றும் பல்வேறு சந்திப்பு, நிகழ்வு மற்றும் மாநாடு நடைபெறும் வகையில் அமைக்கப்படும் என தெரிவிக்கப்பட்டுள்ளது.

துபாயின் மகுட இளவரசர் மாண்புமிகு ஷேக் ஹம்தான் பின் முகமது பின் ரஷீத் அல் மகதூம் அவர்கள், புதன்கிழமை சமூக ஊடகங்களில் சாகசக்காரர்கள் இந்த இடத்திற்கு வருகை தருமாறு அழைப்பு விடுத்துள்ளார். அத்துடன் ஷேக் ஹம்தான் அவர்களும் டீப் டைவ் துபாயில் டைவ் செய்துள்ளார்.

“டீப் டைவ் துபாயில் ஒரு முழு உலகமும் உங்களுக்காக காத்திருக்கிறது,” என்று அவர் இதனை குறிப்பிட்டு ஒரு வீடியோ ஒன்றையும் வெளியிட்டுள்ளார்.

மூழ்கிய நகரம் மற்றும் மறைக்கப்பட்ட அறைகள்

60 மீ ஆழமுள்ள குளத்தின் அம்சங்களில் ஆறு மற்றும் 21 மீட்டரில் உலர்ந்த அறை கொண்ட இரண்டு நீருக்கடியில் வாழ்விடங்கள், குளத்தின் அனைத்து கோணங்களையும் உள்ளடக்கும் வகையில் நீருக்கடியில் அமைக்கப்படிருக்கும் 56 கேமராக்கள், அத்துடன் மேம்பட்ட ஒலி மற்றும் விளக்கு அமைப்புகள் உள்ளன.

மேலும் குளத்தின் புதிய நீர் ஒவ்வொரு ஆறு மணி நேரத்திற்கும் சிலிசஸ் எரிமலை பாறை (siliceous volcanic rock), நாசா உருவாக்கிய வடிகட்டி தொழில்நுட்பம் மற்றும் புற ஊதா கதிர்வீச்சு மூலம் பிராந்தியத்தில் மிகப்பெரிய மற்றும் வேகமான வடிகட்டி அமைப்புகளின் மூலம் வடிகட்டப்பட்டு விநியோகிக்கப்படுகிறது.

அதுமட்டுமல்லாமல் டைவர்ஸின் வசதிக்காக ஸ்விம்மிங் பூல் நீரின் வெப்பநிலை 30 ° செல்சியஸில் தொடர்ந்து பராமரிக்கப்படுகிறது.

பிராந்தியத்தின் மிக மேம்பட்ட ஹைபர்பேரிக் அறை (hyperbaric chamber) உட்பட, சமீபத்திய தொழில்நுட்பம் மற்றும் நிகரற்ற வசதிகளைக் கொண்ட டீப் டைவ் துபாயின் நீச்சல் குளம் கைவிடப்பட்ட வீதி, அபார்ட்மெண்ட், கேரேஜ் (garage), ஆர்கேட் (arcade) என ஒரு வியக்கத்தக்க மூழ்கிய நகரத்தின் தோற்றத்தைக் கொண்டுள்ளது.

கட்டிடத்தின் கீழ் தளங்களில் உள்ள பெரிய பார்வையிடும் பகுதிகள் உணவகம் மற்றும் பிற அறைகளில் உள்ள உணவகங்களை நீருக்கடியில் உள்ள சூழலுக்குள் பார்க்க அனுமதிக்கின்றன.

நீருக்கடியில் கூட்டங்கள், திருமணங்கள் மற்றும் திரைப்பட அனுபவம்

டைவிங்கிற்கான உலகின் ஆழமான நீச்சல் குளம் என்ற பெயர் மட்டுமல்லாமல், டீப் டைவ் துபாய் பிராந்தியத்தின் மிகப்பெரிய நீருக்கடியில் உள்ள திரைப்பட ஸ்டுடியோ என்ற பெயரையும் பெற்றுள்ளது.

இங்கு ஊடக எடிட்டிங் அறை, வீடியோ சுவர், நீருக்கடியில் 56 கேமராக்கள் மற்றும் நிலைநிறுத்தப்பட்ட வெவ்வேறு நிலைகளை (moods) உருவாக்கும் திறன் கொண்ட 164 விளக்குகள் குளம் முழுவதும் உள்ளன.

மேலும் 100 பேர் வரை நிகழ்வுகளை நடத்தும் திறன் மற்றும் ஆன்சைட் கேட்டரிங் விருப்பங்களுடன், இது பிராந்தியத்தின் மிகவும் ஆற்றல்மிக்க கூட்டங்கள், மாநாடுகள், புதிய பொருளை சந்தைப்படுத்துதல் மற்றும் திரைப்படத் திரையிடல்கள் முதல் பிறந்தநாள் விழாக்கள் மற்றும் திருமணங்கள் வரையான அனைத்து வகையான நிகழ்வுகள் நடைபெறுவதற்கு ஏற்ப இடமாகும்.

افتتحنا اليوم “ديب دايف دبي” أعمق حوض للغوص في العالم بعمق 60 متراً.. تجربة جديدة تقدمها دبي لعشاق المغامرة تأكيداً لمكانتها كوجهة أولى للسياحة والرياضة والترفيه.. وأفضل مدينة للعيش والعمل في العالم.. دبي مستمرة في إسعاد أهلها وزوارها بأفكار ومشاريع مبتكرة. pic.twitter.com/M8M5Esxs7O

— Hamdan bin Mohammed (@HamdanMohammed) July 7, 2021

உலக சாதனை படைத்த கேவ் டைவர் (cave diver) மற்றும் ஸ்கூபா டைவிங்கின் உலகளாவிய வளர்ச்சியில் ஒரு முன்னணி நபராக இருப்பவரும் டீப் டைவ் துபாயின் இயக்குனருமான ஜாரோட் ஜப்லோன்ஸ்கி,  டீப் டைவ் துபாய் சிறந்த தரமான உட்புற டைவிங் பாதுகாப்பு நடைமுறைகளை வழங்குகிறது மற்றும் டைவ் செய்ய பழக ஆரம்பித்துள்ளவர்கள் முதல் அனுபவமுள்ள டைவர்ஸ் வரை என அனைவரையும் வரவேற்க வடிவமைக்கப்பட்டுள்ளது என தெரிவித்துள்ளார்.

மேலும், “டீப் டைவ் துபாய் அனைவருக்கும் உண்மையிலேயே தனித்துவமான வடிவமைப்பைக் கொண்டு மறக்கமுடியாத அனுபவத்தை உறுதி செய்வதில் எங்கள் குழு உறுதிபூண்டுள்ளது” என்றும் ஜப்லோன்ஸ்கி கூறியுள்ளார்.

ஒரு தனித்துவமான அனுபவத்தை நாடுபவர்களுக்கு, டீப் டைவ் துபாய் டைவிங் பற்றி அனைத்தையும் அறிய ஒரு விதிவிலக்கான, பாதுகாப்பான மற்றும் கட்டுப்படுத்தப்பட்ட சூழலை வழங்குகிறது என்றும் அவர் தெரிவித்துள்ளார்.

டீப் டைவ் துபாய்க்கான முன்பதிவுகள் ஜூலை பிற்பகுதியில் deepdivedubai.com இல் திறக்கப்பட உள்ளன என்பது குறிப்பிடத்தக்கது.