அமீரகத்தில் பணிபுரிவதற்கு அரசு நிர்ணயித்துள்ள 9 நிலைகள்.. இதில் உங்களின் நிலை என்னனு தெரியுமா..?

உலகின் பல்வேறு நாடுகளில் இருந்து பணம் சம்பாதிக்கும் பொருட்டு ஏராளமான தொழிலாளர்கள் ஐக்கிய அரபு அமீரகத்தை நோக்கி படையெடுக்கின்றனர். அவ்வாறு பிற நாடுகளில் இருந்து அமீரகத்திற்கு வருகை தரும் ஊழியர்களுக்கு அவர்களது பணி வகையைப் பொறுத்து வேலை விசா வழங்கப்படுகிறது.

உதாரணமாக, ஒரு ஊழியர் பணி அனுபவம், வேலையில் இருக்கும் பயிற்சி, ஒரு தொழிற்பயிற்சி திட்டம் அல்லது முறையான கல்வி மூலம் தங்கள் திறமைகளை கற்றிருந்தால், அவரை திறமையான தொழிலாளர் (skilled worker) என வகைப்படுத்தலாம். அதேசமயம், கல்வி மற்றும் அறிவு சாராமல் உடல் உழைப்பை உள்ளடக்கிய வேலையில் இருப்பவர்கள் திறமையற்ற தொழிலார்களாக (unskilled worker) வகைப்படுத்தப்படுவார்கள்.

அமீரகத்தில் உங்கள் திறன் நிலையை தெரிந்து வைத்திருப்பது முக்கியம். ஏனெனில் இது ஒரு நபரின் குடும்பத்திற்கு ஸ்பான்சர் செய்யும் திறன் அல்லது குறிப்பிட்ட விசாக்களுக்கு விண்ணப்பிப்பதைப் பாதிக்கலாம். எடுத்துக்காட்டாக கிரீன் விசா (Green Visa), இது முதல், இரண்டாவது அல்லது மூன்றாவது தொழில் நிலைகளில் வகைப்படுத்தப்பட்ட நபர்களுக்கு மட்டுமே கிடைக்கும்.

ஆகவே, நாட்டில் பணிபுரியும் ஒவ்வொரு ஊழியருக்கும் ‘திறமையான தொழிலாளி (skilled worker)’ ஆக தகுதி பெறுவது குறித்த புரிதல் இருக்க வேண்டும். UAE தொழிலாளர் சட்டம் மற்றும் விதிமுறைகளின்படி, ஒரு ஊழியரை திறமையான தொழிலாளர் என வகைப்படுத்துவதற்கு தேவையான அனைத்து அளவுகோல்களையும் பூர்த்தி செய்ய வேண்டிய அவசியமில்லை.

அமீரகத்தின் மனித வளங்கள் மற்றும் குடியேற்ற அமைச்சகம் (MOHRE) ஐக்கிய அரபு அமீரகத்தில் திறமையான தொழிலாளர்களை வகைப்படுத்த நான்கு முக்கிய நிபந்தனைகளை அமைத்துள்ளது. அவை கீழே கொடுக்கப்பட்டுள்ளன:

1. தொழிலாளி ஒரு தொழில்முறை மட்டத்தில் (professional level) இருக்க வேண்டும் – இது திறன் நிலை (skill level) 1 முதல் 5 வரை உள்ளவர்களுக்கு பொருந்தும்.
2. பணியாளருக்கு இரண்டாம் நிலை சான்றிதழ் அல்லது அதற்கு சமமான சான்றிதழை விட உயர்ந்த சான்றிதழ் இருக்க வேண்டும்.
3. சான்றிதழ் தகுதி வாய்ந்த அதிகாரிகளால் சான்றளிக்கப்பட வேண்டும்.
4. தொழிலாளியின் மாதச் சம்பளம் (கமிஷன் தவிர) 4,000 திர்ஹம்ஸ்க்குக் குறைவாக இருக்கக்கூடாது.

அமீரகத்தில் உள்ள திறன் நிலைகள்:

ஐக்கிய அரபு அமீரகத்தில், சர்வதேச தொழிலாளர் அமைப்பு (ILO) வழங்கிய சர்வதேச தரநிலை வகைப்பாடு (ISCO) இன் படி, MOHRE வேலையின் ஒன்பது நிலைகளை வரையறுத்துள்ளது:

• நிலை 1 (level 1): சட்டமன்ற உறுப்பினர்கள், மேலாளர்கள் மற்றும் வணிக நிர்வாகிகள்.
• நிலை 2 (level 2): அறிவியல், தொழில்நுட்பம் மற்றும் மனிதத் துறைகளில் வல்லுநர்கள்.
• நிலை 3 (level 3): அறிவியல், தொழில்நுட்பம் மற்றும் மனிதாபிமான துறைகளில் தொழில்நுட்ப வல்லுநர்கள்.
• நிலை 4 (level 4): எழுத்து வல்லுநர்கள்.
• நிலை 5 (level 5): சேவை மற்றும் விற்பனைத் தொழில்கள்.
• நிலை 6 (level 6): விவசாயம், மீன்பிடி மற்றும் கால்நடை வளர்ப்பில் திறமையான தொழிலாளர்கள்.
• நிலை 7 (level 7): கட்டுமானம், சுரங்கம் மற்றும் பிற கைவினைகளில் கைவினைஞர்கள்.
• நிலை 8 (level 8): இயந்திரங்கள் மற்றும் உபகரணங்களை இயக்குபவர்கள் மற்றும் அசெம்பிளர்கள்.
• நிலை 9 (level 9): எளிய தொழில்கள். ILO இன் படி, இந்த பிரிவில் துப்புரவு பணியாளர்கள் மற்றும் வீட்டுப் பணியாளர்கள் உள்ளனர்.

மேற்கூறியவற்றில் திறன் நிலைகள் 1 முதல் 5 வரையிலான வேலைகள் திறமையான வேலை பிரிவில் அடங்கும் என்பது குறிப்பிடத்தக்கதாகும்.

இது போன்ற அமீரகத்தின் முக்கிய செய்திகள் மற்றும் அன்றாட தகவல்களை அறிந்து கொள்ள எங்களின் Khaleej Tamil வாட்ஸ்அப் சேனலில் இணைந்து கொள்ளுங்கள்.
Link: Khaleej Tamil Whatsapp Channel