துபாயில் தீபாவளியை முன்னிட்டு வான வேடிக்கை, லேசர் ஷோ என கோலாகலாமாகக் கொண்டாடப்படும் நிகழ்ச்சிகளை எங்கு நீங்கள் காணலாம்??
நவம்பர் 14 ஆம் தேதி கொண்டாடப்படவுள்ள இந்திய திருவிழாவான தீபாவளியை முன்னிட்டு துபாய் நகரில் பாலிவுட் நிகழ்ச்சிகள், வான வேடிக்கைகள், தங்கம் மற்றும் நகைக்கடைகளில் ப்ரோமோஷன்ஸ் உள்ளிட்ட நிகழ்வுகளை துபாய் திருவிழாக்கள் மற்றும் சில்லறை விற்பனை நிறுவனம் (DFRE) ஏற்பாடு செய்துள்ளது. ஒவ்வொரு வருடமும் DFRE வால் ஏற்பாடு செய்யப்படும் இது போன்ற பல நிகழ்வுகளால் வண்ணம், விளக்குகள் மற்றும் மகிழ்ச்சியுடன் துபாய் நகரிலும் தீபாவளி கொண்டாடப்பட்டு வருகின்றது.
இந்நிலையில், இந்த வருடம் துபாயில் தீபாவளி திருநாளைக் கொண்டாடும் விதமாக வான வேடிக்கைகள், வாட்டர் பவுண்டைன் ஷோ மற்றும் அதற்கேற்ப இசை என துபாய் களை கட்டப் போகின்றது.
துபாய் திருவிழாக்கள் மற்றும் சில்லறை நிறுவுதல் (DFRE) ஏற்பாடு செய்துள்ள இந்த ஆண்டு தீபாவளி விழாக்களில் குளோபல் வில்லேஜ் மற்றும் தி பாயிண்டில் வான வேடிக்கைகளுடன் தீபாவளி கொண்டாடப்பட இருப்பதாக தெரிவிக்கப்பட்டுள்ளது.
மேலும், சமீபத்தில் தொடங்கப்பட்ட பாம் ஜுமேராவில் உள்ள The Pointe, இன்று வான வேடிக்கையால் சிறப்பாக வடிவமைக்கப்பட்ட செயல்திறன் இடம்பெறும் என்று தெரிவிக்கப்பட்டுள்ளது.
இரவு 9 மணிக்கு, தி பாம் நீரூற்று செயல்படுவதற்கு முன்னர் வானவேடிக்கையானது அட்லாண்டிஸ், தி பாம் ஹோட்டல் மற்றும் தி பாயிண்ட் ஆகிய இடங்களில் நடைபெறும். அங்கு நடைபெறும் சிறப்பு தீபாவளி நிகழ்ச்சியில் பாஜிராவ் மஸ்தானி திரைப்படத்தின் பாலிவுட் பாடல் பின்னணியில் இசைக்கப்படும் என தெரிவிக்கப்பட்டுள்ளது.
தி பாயிண்ட் (The Pointe)
பாம் நீரூற்றின் இரண்டு மாபெரும் மிதக்கும் தளங்கள், 14,000 சதுர அடி பரப்பளவில், 105 மீட்டர் உயரத்திற்கு காற்றில் எழும் சக்தி வாய்ந்த வாட்டர் ஜெட்ஸைக் கொண்டிருக்கின்றன. இங்கு நடைபெற இருக்கும் நிகழ்ச்சியில் சுமார் 3,000 LED விளக்குகள் ஒன்றிணைந்து செயல்படும் என்று தெரிவிக்கப்பட்டுள்ளது. தி பாயிண்டிற்கு பயணிக்கும் பார்வையாளர்கள் இரவு நேரங்களில் தேர்ந்தெடுக்கப்பட்ட இடங்களில் கிடைக்கும் சிறப்பு தீபாவளி மெனுக்களை 25 சதவீதம் தள்ளுபடி வரை பெறலாம் என்றும் கூறப்பட்டுள்ளது.
குளோபல் வில்லேஜ்
குளோபல் வில்லேஜ் தீபாவளி திருநாளை நேரடி பொழுதுபோக்கு நிகழ்ச்சிகள், உணவு விற்பனையாளர்கள், நூற்றுக்கணக்கான சில்லறை விற்பனை நிலையங்கள் மற்றும் வான வேடிக்கைகளுடன் கொண்டாடத் தயாராகி உள்ளது.
தீபாவளி கொண்டாட்டங்களின் ஒரு பகுதியாக ஒவ்வொரு வியாழன் மற்றும் வெள்ளிக்கிழமைகளிலும் இரவு 9 மணிக்கு இசையுடன் சேர்ந்து வான வேடிக்கைகள் நடைபெறும் என்று தெரிவிக்கப்பட்டுள்ளது.
குழந்தைகளுக்கு பிடித்த கார்ட்டூன் சோட்டா பீமின் கதாபாத்திரங்கள் மற்றும் கிராண்ட் BBQ, இந்தியன் சாட் பஜார், குல்பிலியஸ் மற்றும் எவ்ரிதிங் பரத்தா மற்றும் பல தெரு உணவு விற்பனையாளர்கள் உள்ளிட்ட உணவகங்களில் பாரம்பரிய தீபாவளி சுவையான பல இந்திய உணவு விருப்பங்களை குளோபல் வில்லேஜ் வழங்குகிறது.
துபாய் ஃபெஸ்டிவல் சிட்டி
துபாய் ஃபெஸ்டிவல் சிட்டியில் தீபாவளியைக் கொண்டாடும் விதமாக லேசர் ஒளி, லேசர், தீ மற்றும் நீரூற்று ஆகியவற்றைக் கொண்டு ஒரு தனித்துவமான IMAGINE நிகழ்ச்சி நடைபெறவுள்ளது. இது நவம்பர் 21 வரை தொடரும் இந்த கண்கவர் நிகழ்ச்சியானது தினமும் மாலை 6.30 மணிக்குத் தொடங்கும் என்று தெரிவிக்கப்பட்டுள்ளது.
