இனி கத்தார், ஓமான் உள்ளிட்ட நாடுகளுக்கு விசா இல்லாமல் பயணிக்கலாம்..!! சிறந்த பாஸ்போர்டிற்கான தரவரிசை பட்டியலில் 80வது இடத்திற்கு முன்னேறிய இந்தியா… !!
சிறந்த பாஸ்போர்டிற்கான தரவரிசை பட்டியலில், 2022 ஆம் ஆண்டில் 87 ஆவது இடத்தில் இருந்த இந்தியா, இந்த ஆண்டு 80வது இடத்திற்கு முன்னேறி உள்ளது. இதன் மூலம் கத்தார், ஓமான் உள்ளிட்ட 57 நாடுகளுக்கு விசா இல்லாமல் பயணிக்கலாம் என்று கூறப்பட்டுள்ளது.
பாஸ்போர்டிற்கான தரவரிசை பட்டியலை வழங்கும் சமீபத்திய ஹென்லி பாஸ்போர்ட் குறியீட்டின்படி, ஏற்கனவே முதலிடத்தில் இருந்த ஜப்பானில் வீழ்த்தி சிங்கப்பூர் உலகின் மிகச்சிறந்த பாஸ்போர்ட் என்ற அந்தஸ்தினை பெற்றுள்ளது. இதன் மூலம் சிங்கப்பூர் பாஸ்போர்ட்டை வைத்திருப்பவர்கள் உலகின் 192 இடங்களுக்கு விசா இல்லாமல் பயணிக்கலாம்.
ஜெர்மனி, இத்தாலி மற்றும் ஸ்பெயின் ஆகிய நாடுகளின் பாஸ்போர்ட்டுகள் 190 இடங்களுக்கு விசா இல்லாமல் பயணிக்கலாம் என்ற வகையில் 2வது இடத்திற்கு முன்னேறியுள்ளன, மேலும் ஜப்பானிய பாஸ்போர்ட் ஆஸ்திரியா, பின்லாந்து, பிரான்ஸ், லக்சம்பர்க், தென் கொரியா மற்றும் ஸ்வீடன் ஆகிய ஆறு நாடுகளுடன் இணைந்து மூன்றாவது இடத்தினை பிடித்துள்ளது. இதன் மூலம் முன் விசா இல்லாமல் 189 இடங்களுக்கு பயணிக்க முடியும்.
அது மட்டுமல்லாமல், 80வது இடத்தில், செனகல் மற்றும் டோகோ ஆகிய இரு நாடுகளும் இந்தியாவுடன் இணைந்துள்ளன. ஹென்லி பாஸ்போர்ட் இன்டெக்ஸ் தரவரிசையானது, பாஸ்போர்ட் வைத்திருப்பவர்கள் முன் விசா இல்லாமல் அணுகக்கூடிய இடங்களின் எண்ணிக்கையை அடிப்படையாகக் கொண்டது, பெரும்பாலும் சர்வதேச விமானப் போக்குவரத்து சங்கத்தின் (IATA) தரவுகளின் அடிப்படையில் இந்த தரவரிசையானது கணக்கிடப்படுகிறது.
மேலும், ஹென்லி ஓபன்னெஸ் குறியீட்டின் கீழே, ஆப்கானிஸ்தான், வட கொரியா, பப்புவா நியூ கினியா மற்றும் துர்க்மெனிஸ்தான் ஆகிய நான்கு நாடுகள் பூஜ்ஜியத்தைப் பெற்றுள்ளன. இந்த நாடுகளை சேர்ந்தவர்கள் விசா இல்லாமல் எந்த நாடுகளுக்கும் பயணிக்க முடியாது என்பது குறிப்பிடத்தக்கது. அத்துடன், விசா இல்லாமல் இந்தியர்கள் பயணிக்க கூடிய 57 நாடுகள் பட்டியல் கீழே கொடுக்கப்பட்டுள்ளன.
இந்தியர்கள் விசா இல்லாமல் பயணம் செய்யக்கூடிய 57 நாடுகளின் பட்டியல்:
- ஓமான்
- கத்தார்
- பார்படாஸ்
- பூட்டான்
- பொலிவியா
- பிரிட்டிஷ் விர்ஜின் தீவுகள்
- புருண்டி
- கம்போடியா
- கேப் வெர்டே தீவுகள்
- கொமோரோ தீவுகள்
- குக் தீவுகள்
- ஜிபூட்டி
- டொமினிகா
- எல் சல்வடோர்
- பிஜி
- காபோன்
- கிரெனடா
- கினியா-பிசாவ்
- ஹைட்டி
- இந்தோனேசியா
- ஈரான்
- ஜமைக்கா
- ஜோர்டான்
- கஜகஸ்தான்
- லாவோஸ்
- மக்காவோ (SAR சீனா)
- மடகாஸ்கர்
- மாலத்தீவுகள்
- மார்ஷல் தீவுகள்
- மொரிட்டானியா
- மொரீஷியஸ்
- மைக்ரோனேசியா
- மாண்ட்செராட்
- மொசாம்பிக்
- மியான்மர்
- நேபாளம்
- நியு (Niue)
- பலாவ் தீவுகள்
- ருவாண்டா
- சமோவா
- செனகல்
- சீஷெல்ஸ்
- சியரா லியோன்
- சோமாலியா
- இலங்கை
- செயின்ட் கிட்ஸ் மற்றும் நெவிஸ்
- செயின்ட் லூசியா
- செயின்ட் வின்சென்ட்
- தான்சானியா
- தாய்லாந்து
- திமோர்-லெஸ்டே
- போவதற்கு
- டிரினிடாட் மற்றும் டொபாகோ
- துனிசியா
- துவாலு
- வனுவாடு
- ஜிம்பாப்வே
