சவுதி அரேபியா அறிமுகப்படுத்திய புது வகை விசாக்கள்.. எவ்வாறு அப்ளை செய்யலாம்? கட்டணம் உள்ளிட்ட அனைத்து விபரங்களும்..!!

சவுதி அரேபியா நாடானது சுற்றுலா துறையினை மேம்படுத்தும் வகையில், 49 நாடுகளைச் சேர்ந்த பார்வையாளர்களுக்கு வழங்கப்படும் சுற்றுலாவுக்கான இ-விசா உட்பட பல புதிய வகையான விசாக்களை அறிமுகப்படுத்தி உள்ளது.

புதிய சுற்றுலா விசாக்கள் தவிர, சவூதி அரேபியாவில் குறிப்பாக குடும்பங்கள், வேலை தேடுபவர்கள், முதலீட்டாளர்கள் மற்றும் நாட்டில் மருத்துவ சிகிச்சை பெற விரும்பும் தனிநபர்களுக்கான விசாக்கள் உட்பட பல வகையான விசாக்கள் நடைமுறையில் தற்பொழுது உள்ளன. அது பற்றிய விபரங்களை நாம் இங்கே காணலாம்.

1. டிரான்சிட் விசா (Transit visa)

தனிநபர் சவுதி அரேபியா வழியே வேறு நாடுகளுக்கு செல்ல நேரிட்டால் குறிப்பிட்ட மணி நேரங்களுக்கு சவுதி அரேபியாவில் தங்குவதற்கு இந்த விசாவிற்கு விண்ணப்பிக்கலாம். அதாவது மற்றொரு பிளைட்டுக்கு 12 மணி நேரத்திற்கு மேலே ஆகும் பட்சத்தில் இந்த விசாவினை பயன்படுத்தி நீங்கள் சவுதி அரேபியாவில் தங்கலாம்.

டிரான்சிட் விசா விண்ணப்பம் என்பது ஒரு இ-சேவை ஆகும், விண்ணப்பதாரர்கள் சவுதி டிரான்சிட் விசாவைப் பெற, MOFA இ-போர்ட்டல் – visa.mofa.gov.sa இல் தங்களது தகவல்களை அப்லோட் செய்ய வேண்டும். எந்த நாட்டைச் சேர்ந்தவர்களும் இந்த விசாவிற்கு விண்ணப்பிக்கலாம். இதற்கு கட்டணமாக 300 சவுதி ரியால்கள் செலுத்த வேண்டும். இதில் உடல்நலக் காப்பீட்டுக் கட்டணமும் அடங்கும்.

2. சுற்றுலா விசா (Tourist visa)

கடந்த சில ஆண்டுகளில், சவூதி அரேபியா சுற்றுலாப் பயணிகள் தங்கள் இ-விசா தளம் மூலம் நாட்டிற்குள் நுழைவதை எளிதாக்கியுள்ளது. சவுதி அரேபியா நாட்டின் ஆன்லைன் போர்டல் விண்ணப்பதாரர்கள் விசாவிற்கு விண்ணப்பித்து சில நிமிடங்களில் அதை வழங்க அனுமதிக்கிறது. சுற்றுலா விசாக்கள் மூன்று வகைகளாக பிரிக்கப்பட்டுள்ளன:

a. சுற்றுலாப் பயணிகளுக்கான விசா:

சுற்றுலாப் பயணிகளுக்கு, இ-விசா மற்றும் வருகைக்கான விசா மூன்று குறிப்பிட்ட குழுக்களுக்கு மட்டுமே வழங்கப்படுகிறது:

• தகுதியான 49 நாடுகளில் இருந்து பயணிக்கும் பார்வையாளர்கள்.
• அமெரிக்கா, யுனைடெட் கிங்டம் மற்றும் ஐரோப்பிய ஒன்றியத்தின் (EU) நிரந்தர குடியிருப்பாளர்கள்.
• UK, US அல்லது Schengen பகுதியில் இருந்து சுற்றுலா அல்லது வணிக விசா வைத்திருப்பவர்கள்.

இந்த விசாவிற்கு ஆன்லைன் மூலம் விண்ணப்பிக்கலாம். இதற்கு கட்டணமாக 480 சவுதி ரியால்கள் செலுத்த வேண்டும். இதில் உடல்நலக் காப்பீட்டுக் கட்டணமும் அடங்கும்.

b. GCC குடியிருப்பாளர்களுக்கான இ-விசா:

வளைகுடா ஒத்துழைப்பு கவுன்சில் (GCC) நாடுகளில் வசிப்பவர்கள் சவுதி இ-விசாவுக்கு தகுதியுடையவர்கள். இருப்பினும், சில குறிப்பிட்ட தொழில்களில் வேலை செய்பவர்கள் மட்டுமே இந்த விசாக்கு விண்ணப்பிக்க முடியும். GCC குடியிருப்பாளர்கள் eVisa தளம் visa.mofa.gov.sa மூலம் விசாவிற்கு விண்ணப்பிக்க வேண்டும். இதற்கு கட்டணமாக 300 சவுதி ரியால்கள் செலுத்த வேண்டும். இதில் உடல்நலக் காப்பீட்டுக் கட்டணமும் அடங்கும்.

c. டிப்ளமேடிக் விசா:

நீங்கள் சவுதி இ-விசாவிற்கு தகுதி பெறவில்லை என்றால், உங்கள் சொந்த நாட்டில் உள்ள சவுதி மிஷன் மூலம் சவுதி சுற்றுலா விசாவிற்கு விண்ணப்பிக்கலாம். சவுதி அரேபியாவின் உத்தியோகபூர்வ சுற்றுலா தளமான visitsaudi.com இன் படி, தனிநபர்கள் சவுதி அரேபியாவில் தங்குவதற்கான சான்று, ரிட்டன் டிக்கெட், அவர்களின் வேலைக்கான சான்று மற்றும் தற்போதைய வங்கி அறிக்கை போன்ற கூடுதல் ஆவணங்களை வழங்க வேண்டும்.

மதிப்பிடப்பட்ட செலவு: சுமார் SR460. இது மதிப்பிடப்பட்ட தொகையாகும், மேலும் நீங்கள் தங்கியிருக்கும் காலத்தைப் பொறுத்து கூடுதல் கட்டணம் செலுத்த வேண்டியிருக்கும்.விசிட் சவுதியின் படி, சுற்றுலா பயணிகள் ஒற்றை அல்லது பல நுழைவு விசாவிற்கு விண்ணப்பிக்கலாம்.

ஒற்றை நுழைவு சுற்றுலா விசா வழங்கப்பட்ட நாளிலிருந்து மூன்று மாதங்களுக்கு செல்லுபடியாகும், மேலும் தங்குவதற்கான அனுமதிக்கப்பட்ட காலம் 30 நாட்கள் ஆகும். பல நுழைவு சுற்றுலா விசா வழங்கப்பட்ட நாளிலிருந்து ஒரு வருடத்திற்கு செல்லுபடியாகும், மேலும் தங்குவதற்கான அனுமதிக்கப்பட்ட காலம் 90 நாட்கள் ஆகும்.

3. குடும்ப வருகை விசா (Family visit visa)

நீங்கள் சவூதி அரேபியாவில் வசிக்கும் உங்களது குடும்ப உறுப்பினரைப் பார்க்க விரும்பினால், நீங்கள் குடும்ப வருகை விசாவிற்கு விண்ணப்பிக்கலாம். இந்த விசாவிற்கு, சவூதி அரேபியாவில் வசிக்கும் ஒரு குடும்ப உறுப்பினர் உங்கள் பயணத்திற்கு நிதியுதவி செய்ய வேண்டும்.

மேலும் அவர்கள் MOFA க்கு விசா விண்ணப்பக் கோரிக்கையை அவர்களின் விசா போர்டல் – mofa.gov.sa மூலம் அனுப்புவார்கள். இந்த விசா குறிப்பாக பெற்றோர்கள், மனைவிகள் அல்லது குழந்தைகள் போன்ற முதல்-நிலை உறவினர்களுக்கானது. இதற்கு கட்டணமாக 200 சவுதி ரியால்கள் செலுத்த வேண்டும்.

4. பணி வருகை விசா (Work Visit Visa)

சவுதி அரேபியாவின் MOFA பணிக்கான வருகை விசாவையும் வழங்குகிறது, மேலும் இது இரண்டு வகைகளாக பிரிக்கப்பட்டுள்ளது:

• தனிப்பட்ட வருகைகள்
• துறைகள் மற்றும் நிறுவனங்களின் வருகைகள்

விண்ணப்பதாரரின் ஸ்பான்சர்ஷிப்பை வழங்கும் சவுதி நிறுவனத்தின் அசல் கடிதம் அல்லது சவூதி அதிகாரிகளால் அங்கீகரிக்கப்பட்ட விண்ணப்பதாரரின் பல்கலைக்கழக பட்டம்/டிப்ளமோ சர்டிபிகேட் ஆகியவற்றினை வழங்க வேண்டும். இருப்பினும், விண்ணப்ப விவரங்களின்படி விசாவிற்கான முன்தேவைகள் வேறுபடலாம், மேலும் உங்கள் நற்சான்றிதழ்களைச் சரிபார்க்க MOFA ஆல் கூடுதல் ஆவணங்களை வழங்குமாறு கேட்கப்படலாம். இதற்கு கட்டணமாக 300 சவுதி ரியால்கள் செலுத்த வேண்டும்.

5. வணிக வருகை விசா (Business Visit Visa)

வணிக நோக்கங்களுக்காக சவூதி அரேபியாவிற்குச் செல்ல விரும்பும் பார்வையாளர்களுக்கானது இந்த விசா. இருப்பினும், இந்த விசாவிற்கு, சவுதி அரேபியாவில் உள்ள நிறுவனம் உங்களை அழைத்து உங்கள் விசாவிற்கு ஸ்பான்சர் செய்ய வேண்டும். my.gov.sa இன் படி, இந்த விசா குறிப்பிட்ட தொழில்முறை தகுதிகளுக்கு வழங்கப்படுகிறது. MOFA இன் படி, பல்வேறு நிபந்தனைகளின் அடிப்படையில் விண்ணப்பம் மதிப்பாய்வு செய்யப்படுகிறது. இதற்கு கட்டணமாக 500 சவுதி ரியால்கள் செலுத்த வேண்டும்.

6. மருத்துவ சிகிச்சை விசா (Medical Visa)

சவுதி மருத்துவமனைகளில் மருத்துவ சிகிச்சை பெற வரும் பார்வையாளர்கள் மருத்துவ சிகிச்சை விசாவிற்கு விண்ணப்பிக்க வேண்டும். இந்த விசாவினை MOFA வழங்கும். இந்த விசாவினை பெறுவதற்கு சவுதி அரேபியாவின் சுகாதார அமைச்சகத்தின் அதிகாரப்பூர்வ கடிதம் கட்டாயமாகும். இதற்கு கட்டணமாக 200 சவுதி ரியால்கள் செலுத்த வேண்டும்.